| e-texts navigator |
| Wylie |
216b1 གོས་ཀྱི་ཚལ་བུ་གྱོན་ཅིང་སྐྲ་དང་ཁ་སྤུ་བྲེགས་པ་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི་ལྡོག་པ་དང་། རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བ་དང་། ཏིང་ངེ་འཛིན་དང་། གཟུངས་དང་། བཟོད་པ་དང་།
216b2 ས་རྣམས་ཐམས་ཅད་ལ་དབང་དུ་འགྱུར་ཞིང་ཕྱིར་མི་ལྡོག་པ་དང་། རྟག་ཏུ་དགེ་བའི་བཤེས་གཉེན་དང་ཕྲད་ཅིང་དེའི་རྗེས་སུ་སློབ་པ་དང་། རྟག་ཏུ་སངས་རྒྱས་ཐམས་ཅད་མཐོང་བ་དང་མི་འབྲལ་ཞིང་། བྱང་ཆུབ་སེམས་དཔའ་དང་། ཉན་ཐོས་ཀྱི་ཉེ་གནས་མཐོང་བ་དང་མི་འབྲལ་བ་དང་། ཆོས
216b3 ཐོས་པ་དང་མི་འབྲལ་བ་དང་། དགེ་འདུན་ལ་མཆོད་པ་དང་། བསྙེན་བཀུར་བྱེད་པ་དང་མི་འབྲལ་བ་དང་། དགེ་བའི་རྩ་བ་ཐམས་ཅད་ཚོལ་བ་ལ་བརྩོན་པས་སེམས་མི་ངོམས་པ་དང་། བྱང་ཆུབ་ཀྱི་སྤྱོད་པ་དང་། སྨོན་ལམ་རྣམ་པ་སྣ་ཚོགས་ཀྱིས་སེམས་མི་ངོམས་པར་འགྱུར་ཏེ། འབྲས
216b4 བུ་གཞན་དག་ཐོབ་པ་ཡང་ཇི་སྐད་བསྟན་པ་བཞིན་ནོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ནམ་འཚོའི་བར་དུ་ལོག་པར་ལྟ་བ་ཡོངས་སུ་སྤངས་ན་སེམས་ཅན་ཐམས་ཅད་ཀྱིས་བཀུར་ཞིང་བླ་མར་བྱེད་པ་དང་། སེམས་རྣམ་པར་དག་ཅིང་ལོག
216b5 པར་རྟོག་པ་དང་བྲལ་བར་འགྱུར་ཏེ། དེའི་དབང་གིས་དགེ་བའི་རྩ་བ་ཐམས་ཅད་ཡོངས་སུ་རྫོགས་པར་འགྱུར་རོ། །ཐོག་མ་མེད་པའི་མཐའ་ནས་རྒྱུད་ལྔར་འཁོར་བར་འཁོར་བའི་རྒྱ་མཚོར་འབྱིང་བ་ཡང་ལོག་པར་ལྟ་བའི་དབང་གིས་ལུས་དང་། ངག་དང་། ཡིད་ཀྱི་སྡིག་པ་མི་དགེ་བའི
216b6 ལས་བདག་ཀྱང་བྱེད་ལ་གཞན་ཡང་བྱེད་དུ་འཛུད་ཅིང་མཐོང་བ་དང་ཐོས་པའི་རྗེས་སུ་ཡི་རང་བ་ལས་བྱུང་བའི་ཉོན་མོངས་པའི་སྒྲིབ་པ་དང་། སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་དང་། ཡང་དག་པར་ལྟ་བ་ལ་སྒྲིབ་པས་བསྒྲིབས་པར་གྱུར་ཏོ། །འདི་ལྟར་ལོག་པར་ལྟ་བ་ཡོངས་སུ་སྤངས་པའི
216b7 འཁོར་ལོས་ལྷག་མ་མ་ལུས་པར་བཅོམ་པས་རྣམ་པར་སྨིན་པའི་འབྲས་བུ་ཡོངས་སུ་མི་ལེན་ཏེ། ལུས་འདི་ཉིད་ལ་ཡང་ལྷ་དང་མི་ལ་སོགས་པ་ཀུན་དགའ་ཞིང་ཡིད་དུ་འོང་བ་དང་། དོགས་པ་མེད་པར་འགྱུར་བ་དང་། ལུས་དང་སེམས་རབ་ཏུ་བདེ་བ་དང་། སེམས་རྣམ་པར་དག་ཅིང
iiif viewer powered by OpenSeadragon
