| e-texts navigator |
| Wylie |
216a1 ནམས་ཀྱི་ཞིང་ཡང་དག་པ་དང་ཕྲད་དེ་དེའི་རྗེས་སུ་འཐུན་པར་སློབ་པ་དང་། གནོད་སེམས་ཡོངས་སུ་སྤོང་བ་དང་། སྡིག་པ་མི་དགེ་བའི་ཆོས་ཐམས་ཅད་ཡོངས་སུ་གཅོད་པ་དང་། དགེ་བའི་ཆོས་ཁྱད་པར་ཅན་ཐམས་ཅད་ཡོངས་སུ་རྫོགས་པ་དང་། ཐེག་པ་ཆེན་པོའི་ཆོས་ཀྱི
216a2 རྣམ་གྲངས་ཐམས་ཅད་ཚོལ་བ་དང་། བྱང་ཆུབ་སེམས་དཔའི་སྨོན་ལམ་དང་སྤྱོད་པ་ཐམས་ཅད་རིམ་གྱིས་གཞོལ་ཞིང་ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ་ན་མེད་པའི་བྱང་ཆུབ་འཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་རྙོག་པ་དང་། སྨེ་བ་དང་། སྤྲིན་དང་།
216a3 ཁུག་རླངས་དང་། རྡུལ་དང་། དྲི་མ་དང་། མི་སྡུག་པ་དང་། མི་མཛེས་པ་ཐམས་ཅད་དང་བྲལ་ཏེ། རིན་པོ་ཆེ་མང་པོས་ཤིན་ཏུ་བརྒྱན་པ་ཡིད་དུ་འོང་བ་དང་། ང་རྒྱལ་དང་བྲལ་བ། གཟུགས་མཛེས་ཤིང་སྡུག་པ། དབང་པོ་མ་ཉམས་པ། སེམས་རྟག་ཏུ་ཞི་བའི་སེམས་ཅན
216a4 དག་ཞིང་དེར་སྐྱེ་སྟེ། བྱམས་པ་དང་། སྙིང་རྗེ་དང་། ཡོན་ཏན་ཕུན་སུམ་ཚོགས་པས་བརྒྱན་པར་འགྱུར་རོ། །དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅིས་འདུལ་བ་བཞིན་དུ་དམ་པའི་ཆོས་སྟོན་ཏོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི
216a5 ཆོས་ཡུན་རིང་དུ་གནས་ཞིང་སེམས་ཅན་ཚད་མེད་པ་ལ་ཕན་པ་དང་བདེ་བའི་དོན་བྱེད་པར་འགྱུར་རོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་གནོད་སེམས་ཡོངས་སུ་སྤངས་པའི་འཁོར་ལོ་དགུ་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་འདི་དང
216a6 ལྡན་ན་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །རང་སངས་རྒྱས་ཀྱི་ཐེག་པ་ལ་འཁྲུལ་པ་མེད་པར་འགྱུར། རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོ་ལ
216a7 འཁྲུལ་པ་མེད་པར་འགྱུར། ཐེག་པ་ཆེན་པོའི་གང་ཟག་ལ་འཁྲུལ་པ་མེད་པར་འགྱུར་རོ། །དཀོན་མཆོག་གསུམ་གྱི་གདུང་ཡོངས་སུ་འཕེལ་བ་དང་། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བའི་ཉེ་གནས་ཆོས་ཀྱི་སྣོད་དམ། ཆོས་ཀྱི་སྣོད་མ་ཡིན་པ་ཡང་རུང་ཆུང་ངུ་ན་ཆོས
iiif viewer powered by OpenSeadragon
