| e-texts navigator |
| Wylie |
215b1 དུ་གནོད་སེམས་ཡོངས་སུ་སྤངས་ན། སེམས་ཅན་ཐམས་ཅད་ཀྱིས་བཀུར་ཞིང་བླ་མར་བྱེད་པ་དང་། སེམས་རྣམ་པར་དག་པ་དང་། དྲི་མ་དང་བྲལ་བར་འགྱུར་ཏེ། དེའི་དབང་གིས་དགེ་བའི་རྩ་བ་ཐམས་ཅད་ཡོངས་སུ་རྫོགས་པར་འགྱུར་རོ། །ཐོག་མ་མེད་པའི་མཐའ
215b2 ནས་རྒྱུད་ལྔར་འཁོར་བར་འཁོར་བའི་རྒྱ་མཚོར་འབྱིང་བ་ཡང་གནོད་སེམས་ཀྱི་དབང་གིས་ལུས་དང་། ངག་དང་། ཡིད་སྡིག་པ་མི་དགེ་བའི་ལས་བདག་ཀྱང་བྱེད་ལ་གཞན་ཡང་བྱེད་དུ་འཛུད་ཅིང་མཐོང་བ་དང་ཐོས་པའི་རྗེས་སུ་ཡི་རང་བ་ལས་བྱུང་བ་ཉོན་མོངས་པའི་སྒྲིབ་པ་དང་།
215b3 སེམས་ཅན་གྱི་སྒྲིབ་པ་དང་། ཆོས་ཀྱི་སྒྲིབ་པ་དང་། གནོད་སེམས་བྱེད་པ་ལ་སྒྲིབ་པས་བསྒྲིབས་པར་གྱུར་ཏོ། །འདི་ལྟར་གནོད་སེམས་ཡོངས་སུ་སྤངས་པའི་འཁོར་ལོས་ལྷག་མ་མ་ལུས་པར་ཡོངས་སུ་བཅོམ་པས་རྣམ་པར་སྨིན་པའི་འབྲས་བུ་ཡོངས་སུ་མི་ལེན་ཏེ། ལུས་འདི་ཉིད
215b4 ལ་ཡང་ལྷ་དང་མི་ལ་སོགས་པ་ཀུན་དགའ་ཞིང་ཡིད་དུ་འོང་བ་དང་། དོགས་པར་མི་འགྱུར་བ་དང་། སེམས་རྣམ་པར་དག་པ་དང་། དྲི་མ་དང་བྲལ་བར་འགྱུར་རོ། །འཆི་འཕོ་བའི་དུས་བྱེད་པ་ན་ཡང་ལུས་དང་སེམས་ལ་སྡུག་བསྔལ་གྱིས་མི་གདུང་ཞིང་ཡིད་དུ་འོང་བའི་བུ་དང་།
215b5 ཆུང་མ་དང་། འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་པར་འགྱུར་གྱི། ཤིན་ཏུ་འཇིགས་པའི་གཤིན་རྗེའི་ཕོ་ཉ་མཐོང་བར་མི་འགྱུར་རོ། །ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ། ཚུལ་ཁྲིམས་དང་ཡོན་ཏན་དུ་ལྡན་པ།
215b6 བསོད་ནམས་ཀྱི་ཞིང་ཡང་དག་པ་དང་ཕྲད་དེ་ལུས་དང་སེམས་རབ་ཏུ་དགའ་བ་དང་། དེ་ལ་བཀུར་སྟི་དང་བཅས་པས་ཤིན་ཏུ་དད་པ་སྐྱེ་བར་འགྱུར་རོ། །ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེ་ཞིང་དབང་པོ་ཡོངས་སུ་རྫོགས་པ་དང་། ཡན་ལག་དང་ལྡན་པ་དང་། གང་ནས་གང
215b7 དུ་སྐྱེས་པར་སེམས་རྣམ་པར་དག་ཅིང་དྲི་མ་དང་བྲལ་བ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་བདེ་ཞིང་སྐྱིད་པ་དང་། ཕྱིར་ཡང་ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ། ཚུལ་ཁྲིམས་དང་ཡོན་ཏན་དུ་ལྡན་པ། བསོད
iiif viewer powered by OpenSeadragon
