| e-texts navigator |
| Wylie |
264a1 དགའ་བོ་དང་། འཁོར་ཐམས་ཅད་ལ་བཀའ་སྩལ་པ་ཁྱེད་ལ་སོགས་པ་ཤེས་པར་གྱིས་ཤིག་།ངོ་བོ་ཉིད་ཀྱི་ཚོར་བ་དམ་པ་གསལ་བ་དེ་བཞིན་ཉིད་ཀྱི་ཚོར་བ་རྒྱས་པ་ནི་ཕྱོགས་བཅུའི་སངས་རྒྱས་ཐམས་ཅད་དང་། རིགས་བཅུ་གཉིས་ལས་སྐྱེས་པའི་ཟག་པ
264a2 ཅན་གྱི་འཇིག་རྟེན་པར་ཡང་སོ་སོ་མ་ཡིན་ཞིང་ཐ་མི་དད་མོད་ཀྱི་ཡང་དག་པ་མ་ཡིན་པའི་འདུ་ཤེས་ཀྱི་དོན་ནོར་བའི་ཉེས་པ་ལས་ཐིབས་པོ་དང་སྲེད་པ་བྱུང་ཞིང་སྐྱེས་སོ། །དེ་ལྟར་སྐྱེས་ཤིང་བྱུང་ནས་དེའི་ཕྱིར་སྟོང་པ་རང་བཞིན་ཡོད་པར་འགྱུར་ཏེ་ཐམས་ཅད་དུ་འཁྲུལ་པ་ཡིན་ནོ། །
264a3 འཁྲུལ་པ་ལས་རྫུས་པ་རྒྱུན་མི་འཆད་པའི་ཕྱིར་འཇིག་རྟེན་བྱུང་ངོ་། །དེ་ལྟ་བས་ན་ཕྱོགས་བཅུའི་རྡུལ་ཕྲ་མོའི་ཞིང་ཁམས་ཀྱང་མི་ཟག་པ་མེད་དོ། །དེ་ལྟ་བུ་ནི་འཁྲུལ་པའི་ཕོ་ཐེག་ཅན་ཡང་དག་པ་མ་ཡིན་པའི་འདུ་ཤེས་ཀྱི་གཞུང་འཛུགས་པར་ཤེས་པར་བྱོས་ཤིག་།ནམ་མཁའ
264a4 སྟོང་པ་ནི་ནང་ནས་ཁྱེད་ཀྱི་སེམས་ལས་སྐྱེས་སོ། །དཔེར་ན་ནམ་མཁའ་ལས་སྤྲིན་གློ་བུར་དུ་བྱུང་ན་འཇིག་རྟེན་པ་ཐམས་ཅད་དེའི་ནང་ན་འདུག་པ་བཞིན་ཏེ། ཁྱེད་ལས་འགའ་ཞིག་གིས་ཡང་དག་པ་འདི་ལ་མ་ཕྱོགས་ན་ཕྱོགས་བཅུའི་སྟོང་པ་ཐམས་ཅད་ཀྱང་ཞི་ཞིང་བྱང་སྟེ། ནམ་མཁའི
264a5 ཁམས་ཀྱི་ཡུལ་ཐམས་ཅད་ཅིའི་ཕྱིར་གཡོ། རབ་ཏུ་གཡོ་བར་མི་འགྱུར། ཕྱོགས་བཅུའི་ཟག་པ་ཟད་པའི་བྱང་ཆུབ་སེམས་དཔའ་དང་། དགྲ་བཅོམ་པ་དག་ཁྱེད་བསམ་གཏན་དང་། ཏིང་ངེ་འཛིན་ལ་རྣལ་འབྱོར་སྤྱོད་དེ། སེམས་དང་ཞིང་ས་ལེ་བར་དེ་བཞིན་ཉིད་ལ་རྩེ་གཅིག་གི་ཏིང
264a6 ངེར་འགྱུར་ན་བདུད་ཀྱི་རྒྱལ་པོ་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། སེམས་ཅན་མ་རབས་ལ་སོགས་པའི་ཁང་ཁྱིམ་ཀུན་ནི་རྙིལ། ས་ཆེན་པོ་ནི་རབ་ཏུ་གཡོ་བར་འགྱུར་རོ། །ཆུའི་ནང་ན་གནས་པ་དང་། སྐམ་ལ་གནས་པ་དང་། ནམ་མཁའ་ལ་འཕུར་བ་དེ
264a7 དག་ཁྱེད་ལ་སོགས་པས། ཅིའི་ཕྱིར་རྙིལ་ཞིང་གཡོ་བར་འགྱུར། ལྷ་མ་ཡིན་དང་། དང་། ལྷའི་བདུད་དག་ཞེ་སྡང་ཆེ་བར་གཡོ་བ་ཡང་ཡོད་དེ། ཁྱེད་བསམ་གཏན་བསྒོམ་པའི་ཐད་དུ་འོངས་ནས་གནོད་པ་བྱས་སུ་ཟིན་ཀྱང་མཚན་མའི་དྲི་མ་ལ་གོམས་པའི་ནང་ནས་ཁྱེད་ཀྱིས་ཚོར
iiif viewer powered by OpenSeadragon
