| e-texts navigator |
| Wylie |
200a1 དབེན་པ་དང་། མི་དབེན་པ་དང་། དམིགས་པ་དང་། མི་དམིགས་པ་དང་། ཚུལ་ཁྲིམས་དང་། འཆལ་པའི་ཚུལ་ཁྲིམས་དང་། རིག་པ་དང་། མ་རིག་པ་དང་། མིང་དང་། མིང་མེད་པ་དང་། ཉེ་བར་ལེན་པ་དང་། ཉེ་བར་ལེན་པ་མེད་པ་དང་། འཇིགས་པ་དང་།
200a2 འཇིགས་པ་མེད་པ་དང་། མཚན་ཉིད་དང་། མཚན་ཉིད་མེད་པ་དང་། འཆི་བ་དང་། འཆི་བ་མེད་པ་དང་། བྱང་ཆུབ་དང་། བྱང་ཆུབ་མེད་པ་ཡང་གོང་མ་བཞིན་དུ་སྦྱར་རོ། །ཆོས་ཐམས་ཅད་མྱ་ངན་ལས་འདས་སོ་ཞེས་སྐྲག་པར་མི་བྱེད། དངང་བར་མི་བྱེད་ལ། ཆོས་ཐམས་ཅད་ཡོངས་སུ
200a3 མྱ་ངན་ལས་འདས་པ་མེད་པའི་ཕྱིར་ཡང་ཚུལ་ཁྲིམས་མི་སྲུང་ཞིང་སེམས་ཀྱང་སྒོམ་པར་མི་བྱེད་དེ། ཆོས་ཐམས་ཅད་ཡོངས་སུ་མྱ་ངན་ལས་འདས་པ་མེད་པས་རབ་ཏུ་དགའ་ནས་བྱང་ཆུབ་སེམས་དཔའི་བྱ་བ་རྩོམ་པ་ལས་ནུར་བར་མི་བྱེད་དེ། ཡང་དང་ཡང་སྨོས་ཅི་དགོས། ཏིང་ངེ་འཛིན་འདི་ལ
200a4 གནས་པའི་བྱང་ཆུབ་སེམས་དཔའ་ནི་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པ་མེད་པ་དང་། དེ་བཞིན་གཤེགས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་ཆོས་ནུབ་པར་མི་འགྱུར་བར་བྱ་བའི་ཕྱིར་རབ་ཏུ་གནས་ཤིང་ཚུལ་ཁྲིམས་སྲུང་སྟེ་སེམས་སྒོམ་མོ། །སྤྲིན
200a5 ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་བདག་ཉིད་མྱུར་དུ་གནས་པར་འདོད་པས་ནི་བདག་ཏུ་འདུ་ཤེས་པ་བསྒོམ་པར་བྱའོ། །གང་ཟག་ཏུ་འདུ་ཤེས་པ་བསྒོམ་པར་བྱའོ། །སྲོག་ཏུ་འདུ་ཤེས་པ་བསྒོམ་པར་བྱའོ། །དེ་ལྟར་སྒོམ་པའི་བྱང་ཆུབ་སེམས་དཔས་ནི་ཏིང་ངེ་འཛིན་འདི་མྱུར་བ་ཉིད་དུ
200a6 ཐོབ་པར་འགྱུར་རོ། །གསོལ་པ། བཅོམ་ལྡན་འདས་དེ་བཞིན་གཤེགས་པས་ཅི་ལས་དགོངས་ཏེ་མཁྱེན་བཞིན་དུ་དེ་སྐད་གསུང་བཀའ་སྩལ་པ། སྤྲིན་ཆེན་སྙིང་པོ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་འཇིག་རྟེན་པའི་བདག་ཏུ་འདུ་ཤེས་པ་སྒོམ་པར་བྱེད་དོ། །
200a7 གསོལ་པ། བཅོམ་ལྡན་འདས་ཅི་འཇིག་རྟེན་ལས་འདས་པའི་ཆོས་ལ་ཡང་བདག་གི་མིང་མཆིས་སམ། བཀའ་སྩལ་པ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་དང་། བདག་ཏུ་འདུ་ཤེས་པ། འཇིག་རྟེན་ལས་འདས་པའི་འདུ་ཤེས་སུ་བསྟན་པར་འདོད
iiif viewer powered by OpenSeadragon
