| e-texts navigator |
| Wylie |
3a1 ཏུ་རྒྱུ་བ་མེད་པ་དང་། ཐོབ་པ་མེད་པ་དང་། འཇུག་པ་མེད་པ་དང་། ཐོབ་པ་སྤངས་པ་དང་། ཐོབ་པ་མ་ཐོབ་པ་དང་། མ་ཐོབ་པ་རྒྱུན་ཆད་པ་དང་། ཐོབ་པ་རྗེས་སུ་མ་ཐོབ་པ་དང་། ཐོབ་པ་བོར་བ་དང་། ཐོབ་པ་ཡང་དག་པར་མ་ཐོབ་པ་དང་།
3a2 སྦྱངས་པ་མེད་པ་དང་། སྦྱང་བར་བྱ་བ་མེད་པ་དང་། སྦྱང་བར་འོས་པ་མེད་པ་དང་། བསམ་དུ་མེད་པ་དང་། བསམ་པར་བྱ་བ་མེད་པ་དང་། དགེ་བར་བསམ་པ་མེད་པ་དང་། སྤྲོས་པ་མེད་པ་དང་། སྤྲོ་བར་བྱ་བ་མེད་པ་དང་། དགེ་བར་སྤྲོ་བ་མེད་པ་དང་། རྣམ་པར
3a3 བརྟགས་པ་མེད་པ་དང་། རྣམ་པར་བརྟག་པར་བྱ་བ་མེད་པ་དང་། དགེ་བར་རྣམ་པར་བརྟགས་པ་མེད་པ་དང་། རྨོངས་པ་མེད་པ་དང་། ཡང་དག་པར་འདུ་བྱ་བ་མེད་པ་དང་། ཡང་དག་པར་འདུ་བ་མེད་པ་དང་། གཞི་མེད་པ་དང་། དམིགས་པ་མེད་པ་དང་། གཡོ་བ་མེད
3a4 པ་དང་། གཡོ་བར་བྱ་བ་མེད་པ་དང་། དགེ་བར་གཡོ་བ་མེད་པ་དང་། རང་བཞིན་གྱིས་སྟོང་པ་དང་། ངོ་བོ་མེད་པའི་རང་བཞིན་དང་། བསྟན་དུ་མེད་པའི་རང་བཞིན་དང་། བསྟན་པར་བྱར་མེད་པའི་རང་བཞིན་དང་། དགེ་བར་བསྟན་དུ་མེད་པ་དང་། འཇིག་རྟེན་ཐམས
3a5 ཅད་ཡིད་ཆེས་པར་དཀའ་བ་དང་། མིང་དང་མཚན་མ་མེད་པའི་ཆོས་ལ་ཇི་ལྟར་ཡང་མིང་དང་མཚན་མར་ཐ་སྙད་འདོགས་པ་དང་། བརྗོད་དུ་མེད་པའི་ཆོས་རྣམས་ལ་བརྗོད་པ་གསུངས་ཏེ། འདི་ལྟ་སྟེ། མངོན་པར་འདུ་བྱེད་པ་མེད་པ་དང་། འབྱུང་བ་མེད་པ་དང་། མཚན
3a6 མ་མེད་པ་དང་། མཚན་ཉིད་མེད་པ་དང་། འདུས་མ་བྱས་པ་དང་། བསྟན་དུ་མེད་པ་ལ་དེ་བཞིན་གཤེགས་པས་ཆོས་བསྟན་པ་གང་ཡིན་པ་འདི་ནི་ཤཱ་རིའི་བུ་མཆོག་ཏུ་ངོ་མཚར་ཡིན་ནོ། །ཤཱ་རིའི་བུ་དཔེར་ན་འདི་ན་སྐྱེས་བུ་འགའ་ཞིག་གིས་རིའི་རྒྱལ་པོ་རི་རབ་ཁར་བཅུག་སྟེ།
3a7 ལེགས་པར་ལན་གསུམ་བཅས་ནས་མིད་ལ། དེས་མིད་པ་ཟས་བཞིན་དུ་འཇུ་བར་བྱེད་དེ། དེ་ལ་སྡུག་བསྔལ་ཅུང་ཟད་ཀྱང་མི་སྐྱེད་ཅིང་དེ་ཡང་ཟོས་ནས་ནམ་མཁའ་བར་སྣང་ལ་འཆག་པར་བྱེད་ན་ཤཱ་རིའི་བུ་འདི་ཇི་སྙམ་དུ་སེམས། ཇི་ག་སྐྱེས་བུ་དེ་ཤིན་ཏུ་ངོ་མཚར་བྱེད་པ
iiif viewer powered by OpenSeadragon
