| e-texts navigator |
| Wylie |
296a1 བ་ལྟར། །གར་གཞུང་དག་ལ་གར་མཁན་བརྒྱས། །དེ་ནི་གར་བགྱིད་རྩོལ་མི་ནུས། །སྲེད་པའི་དུག་གིས་བསྒྱུར་བས་ན། །ཇི་ལྟར་སྐྱེ་བོ་མྱོས་པ་ལྟར། །བཏུང་བ་མྱོས་བགྱིད་བསླད་པ་ཡིས། །མྱོས་པ་དག་ཏུ་མི་བགྱིད་དོ། །སྲེད་པའི་གནོད་སྦྱིན་གདོན་དག
296a2 གིས། །སྐྱེ་བོ་བརླམས་ནས་འཁྱལ་བ་ལྟར། །འབྱུང་པོའི་གདོན་གྱིས་མྱོས་པ་དག་།འཁྱལ་བ་དག་ཏུ་མི་བགྱིད་དོ། །ནོར་འཛིན་དེ་དག་འཛིན་པ་བཏང་། །སྲེད་པའི་འཇིགས་པ་རྣམ་པར་སྤངས། །གང་གིས་སྲེད་པ་བསྐམས་ནས་ཀྱང་། །དེ་དག་འཁོར་བར་མི
296a3 གནས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་འདི་སྐད་ཅེས་གསོལ་ཏོ། །ཞེ་སྡང་ཁྲོ་བས་སྐྱེ་དགུ་བརླམས། །སེམས་ཀྱང་གཡེང་འགྱུར་དེ་ཡིས་ན། །དགེ་བ་ཐམས་ཅད་མི་འཚལ་ཞིང་། །བཟོད་རླག་ལས་ལ་སྤྱོད་པར་བགྱིད། །མི
296a4 དགེ་བ་ལ་གནས་བགྱིད་པ། །ཕ་མ་དག་ལ་རིམ་གྲོ་ཆུང་། །གང་དག་མཚམས་མ་མཆིས་བགྱིས་པ། །དཀོན་མཆོག་གསུམ་ལ་བརྙས་པར་བགྱིད། །སྙིང་བརྩེ་སྙིང་རྗེ་མ་མཆིས་པ། །འཇིགས་བགྱིད་གཏུམ་པོ་དྲག་ཤུལ་ཅན། །ཁྲོ་སེམས་དབང་གིས་དེ་དག་ནི། །
296a5 སེམས་དམྱལ་མནར་མ་མཆིས་པར་གནས། །སེམས་ཅན་འདི་དག་ཁྲོ་བའི་རྒྱུས། །གཅིག་ལ་གཅིག་ནི་ཟ་བར་བགྱིད། །ཡང་དང་ཡང་ནི་ངན་སོང་དུ། །སྡུག་བསྔལ་དུ་མས་རབ་ཏུ་གཟིར། །སྡིག་པའི་སེམས་ཀྱིས་བྲིད་གྱུར་ཅིང་། །དགེ་བའི་བཤེས་གཉེན་སྤངས
296a6 ནས་ཀྱང་། །སྲིད་པའི་མཚོར་ནི་ལྟུང་བ་སྟེ། །མུན་པ་མུན་གནག་གཞོལ་བ་པོ། །དེ་འདྲའི་སེམས་ཅན་དོན་སླད་དུ། །བྱང་ཆུབ་སེམས་དཔའ་སྙིང་བརྩེ་བའི། །བསམ་པས་བདག་བདེ་བཏང་ནས་ཀྱང་། །སེམས་ཅན་སྡིག་པ་བསལ་སླད་དུ། །བྱང་ཆུབ་སྤྱད་པ་སྤྱོད་པ་ན། །བསོད་ནམས
296a7 བགྱི་བའི་དངོས་སུམ་གྱིས། །སྡིག་པའི་སེམས་ཅན་གྲོལ་བགྱིད་ཅིང་། །ཆོས་ཀྱི་རྒྱལ་མཚན་བསྒྲེང་བར་བགྱིད། །སེམས་ཅན་འགའ་ཡི་དོན་སླད་དུ། །ལུས་དང་སྲོག་དག་བཏང་ནས་ཀྱང་། །དཀའ་ཐུབ་བརྟུལ་ཞུགས་སྤྱད་ལྡན་པ། །དཀའ་བ་དག་ནི་མང་དུ་སྤྱད། །གང་ཚེ་སེམས་ཅན
iiif viewer powered by OpenSeadragon
