| e-texts navigator |
| Wylie |
295a1 འདས་ཐམས་ཅད་ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ། །འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་ཡང་བརྗོད་པར་བྱའོ། །དེ་ནས་བརྒྱ་བྱིན་གཟི་བརྗིད་དྲི་མ་མེད་པ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ
295a2 བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཅིའི་སླད་དུ་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བགྱིད་ལགས། བཀའ་སྩལ་པ། ལྷའི་དབང་པོ་རྒྱུ་དང་།
295a3 རྐྱེན་གཉིས་ཀྱིས་འཚོ་བའི་འཇིག་རྟེན་འདིར་ཀླུ་དང་། ཀླུ་ཆེན་པོ་རྣམས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ལ་གནོད་པར་བྱེད་དོ། །གཉིས་གང་ཞེ་ན། འདོད་ཆགས་ཀྱི་དབང་དང་། ཁྲོ་བའི་དབང་གིས་དུས་མ་ཡིན་པའི་སྤྲིན་དག
295a4 འབྱུང་བར་བྱེད་ཅིང་རྫི་ཆར་དང་། སེར་དྲག་དག་འབེབས་པར་བྱེད་དོ། །ལྷགས་པ་དང་། ཚ་བ་དག་འབྱུང་བར་བྱེད་དོ། །དེས་ན་འདིར་སེམས་ཅན་རྣམས་ཀྱི་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ
295a5 དག་ཚིག་པར་བྱེད་དོ། །སྐེམས་པར་བྱེད་དོ། །འབྲུལ་བར་བྱེད་དོ། །མ་རུངས་པར་བྱེད་དོ། །དེས་ན་སེམས་ཅན་རྣམས་ལོངས་སྤྱོད་དང་། ཡོངས་སུ་སྤྱོད་པ་དང་མི་ལྡན་པས་ལུས་དང་། ངག་དང་། ཡིད་ཀྱིས་སྡིག་པའི་ལས་མི་བཟད་པ་རྣམ་པ་སྣ
295a6 ཚོགས་དག་ཀུན་ཏུ་སྤྱོད་པར་བྱེད་དོ། །ལས་ཀྱི་སྒྲིབ་པ་མི་བཟད་པ་དེས་ན་སྔོན་དགེ་བའི་རྩ་བ་བསྐྱེད་པ་ཐམས་ཅད་ཀྱང་སྲེག་པར་བྱེད་དོ། །སྐེམས་པར་བྱེད་དོ། །ཐལ་བར་རློག་པར་བྱེད་དོ། །དགེ་བའི་བཤེས་གཉེན་དག་སྤོང་ཞིང་ངན་སོང་གསུམ་པོ་དག
295a7 ལ་གཞོལ་བར་བྱེད་དོ། །ཁ་ཅིག་གོས་དང་། བཟའ་བ་དང་། བཏུང་བ་ཙམ་གྱི་ཕྱིར་ཚེ་གཅིག་གིས་དེ་ལྟ་བུར་སྡིག་པའི་ལས་མཚམས་མེད་པ་དག་གི་བར་དུ་ཀུན་ཏུ་སྤྱོད་པར་བྱེད་དེ། དེ་བསྐལ་པ་མང་པོ་ཞིག་གི་བར་དུ་ཕྱིར་མིར་སྐྱེ་བ་འཐོབ་པར་མི་འགྱུར
iiif viewer powered by OpenSeadragon
