| e-texts navigator |
| Wylie |
292a1 འདིར་གླིང་བཞི་པ་དེ་དག་གིས་སྔོན་མ་ཐོས་མ་མཐོང་བས་འདི་ལྟར་ངོ་མཚར་རྨད་དུ་བྱུང་བར་གྱུར་ཏེ། འདུས་པ་ཆེན་པོ་དེ་ལྟ་བུ་དག་བྱུང་བར་བགྱིས་ལགས་སོ། །ནང་གུ་དཔལ་རྡུལ་ཞེས་བྱ་བའི་གཟུངས་ཆེན་པོ་འདི་ནི་མཐུ་ཆེ་བས་ལོ་ཏོག་ཐམས་ཅད་འཕེལ་བར་བགྱིད
292a2 པ་ལགས་སོ། །ས་བོན་དང་། མྱུ་གུ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུ་དང་། ཤིང་དང་། འབྲུ་དང་། སྨན་དང་། རོ་རྣམས་སྐྱེད་པར་བགྱིད་པ་དང་། འཕེལ་བར་བགྱིད་པ་དང་། སྣུམ་མཆིས་པར་བགྱིད་པ་དང་། འཇམ་པར་བགྱིད་པ་དང་། མང་པོར
292a3 བགྱིད་པ་ལགས་སོ། །སེམས་ཅན་ཐམས་ཅད་དད་པར་བགྱིད་པ་དང་། ཚུལ་ཁྲིམས་ཅན་དུ་བགྱིད་པ་དང་། ཐོས་པར་བགྱིད་པ་དང་། ཤེས་པར་བགྱིད་པ་དང་། བྱམས་པ་དང་། སྙིང་རྗེ་ཅན་དུ་བགྱིད་པ་དང་། ཐབས་དང་ལྡན་པར་བགྱིད་པ་ནས་བྱང་ཆུབ་ཀྱི
292a4 ཕྱོགས་ཀྱི་ཆོས་ཐམས་ཅད་ཀྱི་བར་དུ་སྟོན་པར་བགྱིད་པ་ལགས་སོ། །ཏདྱ་ཐཱ། ཨ་ན་ནྱ་བྷུ་མི། ག་བཱཀྵ་བི་ཛེ། གུ་ལོ་ཙ་ལོ་མེ། ཕཊ་ཀྵ་ལོ་མེ། ཤྲཱི་ཡཀྵ་ཀུ་སུ་མེ། ན་བ་ཀུ་མུན་ཌེ། རཱ་ཛ་བར་མེ། ཙ་ཊ་ན་བ། བ་མ་ཊེ། བི་ཥུ་ལང་གེ་། བ་བྷ་སུ
292a5 ནེ། ཧ་ས་ག་བྷ་ཀྵེ། ལོ་མ་བྷུ་ཛ་ཀྵེ། གམ་བྷི་ར་པ་སུ་མེ། ཨ་ནོ་མ་ཡ་ས་རེ། པ་ལཱ་ཤ་ཏོ་ཡེ་སྭཱ་ཧཱ། བཙུན་པ་བཅོམ་ལྡན་འདས་ནང་གུ་དཔལ་རྡུལ་ཞེས་བགྱི་བའི་གཟུངས་ཆེན་པོ་འདི་རྒྱལ་མཚན་གྱི་རྩེ་མོ་ལ་བཏགས་ཏེ་སྒྲེང་བར་བགྱིད་དམ། སྐད་ཆེན
292a6 པོར་སྒྲོག་གམ། གསང་སྔགས་ཀྱི་ཚིག་འདི་ཆུ་ལ་ལན་སྟོང་གི་བར་དུ་བཟླས་བརྗོད་བགྱིས་ནས། ཞིང་དང་། ཤིང་དང་། ལོ་ཏོག་སྣ་ཚོགས་ལ་གཏོར་ཏམ། རྔ་དང་། རྫ་རྔ་དང་། དུང་དག་ལ་བསྔགས་ནས། དེ་དག་གི་སྒྲ་གང་དུ་ཐོས་པའི་ལོ་མ་དང་།
292a7 མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རོ་དང་། ས་ལ་རྟེན་པའི་ལོ་ཏོག་ཐམས་ཅད་སེམས་ཅན་རྣམས་ཀྱི་སྔོན་གྱི་ལས་ཀྱི་སྒྲིབ་པའི་རྒྱུ་ལུས་པ་མ་གཏོགས་པར་ལྷ་དང་། ཀླུ་དང་། གནོད་སྦྱིན་དང་། མཐུ་བོ་ཆེ་དང་། བདུད་དང་།
iiif viewer powered by OpenSeadragon
