| e-texts navigator |
| Wylie |
290b1 ཐམས་ཅད་དང་ལྡན་པའི་དྲི་ཟའི་འཁོར་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་བསྟན་པ་ལ་ཐོ་འཚམས་པར་བགྱིད་པའི་རྒྱལ་རིགས་གདོལ་པ་དེ་དག་ལ་བདག་ཅག་ཅི་དགར་བགྱིད་དུ་སྩལ་དུ་གསོལ། བདག་ཅག་རང་རང་གི་གནས་ན་རྩེད་མོ་ལ་ཆགས་ཤིང
290b2 ཡོངས་སུ་སྤྱོད་པར་བགྱིད་དམ། དགའ་སྐྱིད་ཉམས་སུ་མྱོང་བར་བགྱིད་ན་བདག་ཅག་ཀྱང་མནའི་ཁོངས་སུ་གཏོགས་པར་གྱུར་ཅིག་།དེའི་ཚེ་ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་ཀྱིས་ལེགས་སོ་ཞེས་བྱ་བ་བྱིན་ནོ། །དེའི་ཚེ་བྱང་ཆུབ་སེམས་དཔའ་སེམས
290b3 དཔའ་ཆེན་པོ་སའི་སྙིང་པོས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཀྱང་ཏིང་ངེ་འཛིན་ཐམས་ཅད་ལ་རྣམ་པར་རྩེ་བ་མངོན་པར་ཤེས་པའི་རྒྱལ་མཚན་གྱི་སྲོག་ཤིང་ཞེས་བྱ་བའི་གཟུངས་ཀྱི་སྒོ
290b4 ཆེན་པོ་བཤད་པར་བགྱི་སྟེ། རྒྱལ་མཚན་གྱི་སྲོག་ཤིང་ཞེས་བྱ་བའི་གཟུངས་ཆེན་པོའི་སྒོ་གང་གི་རྣ་ལམ་དུ་གྲག་པ་དེའི་རྣ་བའི་ནད་དག་རབ་ཏུ་ཞི་བར་བགྱིད་དོ། །དེའི་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པ་རྣམས་རབ་ཏུ་ཞི་བར་བགྱིད་དོ། །གལ
290b5 ཏེ་ན་བསྲབས་པར་འགྱུར་རོ། །རྒྱ་མཚོའི་ཤུན་པ་མན་ཛ་ན་ལ་གསང་སྔགས་ཀྱི་ཚིག་འདི་ལན་འབུམ་བཟླས་བརྗོད་བགྱིས་ནས་རྒྱལ་རིགས་ཀྱི་རྔ་ལ་བསྐུས་ནས་རྔ་དེའི་སྒྲ་གང་དང་གང་གི་རྣ་ལམ་དུ་གྲག་པ་དེ་དང་དེའི་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པ
290b6 རྣམས་བསྲབས་པར་འགྱུར་རོ། །དེ་དང་དེ་དག་བཅོམ་ལྡན་འདས་ཀྱི་བསྟན་པ་ལ་ཤིན་ཏུ་དགའ་ཞིང་བཀུར་སྟི་དང་། བླ་མར་བྱེད་པ་དང་། རི་མོར་བྱེད་པ་དག་རབ་ཏུ་འཐོབ་པར་འགྱུར་རོ། །ཆོས་ཀྱི་རྗེས་སུ་འབྲང་བས་འཇུག་པར་འགྱུར་རོ། །འཇིག་རྟེན་ཕ་རོལ་ལ་ལྟ་བ་དང་། ལོངས
290b7 སྤྱོད་དང་ཡོངས་སུ་སྤྱོད་པ་དང་མི་འབྲལ་ལ་སེམས་ཅན་ཐམས་ཅད་ཀྱི་མིག་ཏུ་འོང་བ་དང་། སྙིང་དུ་སྡུག་པར་འགྱུར་རོ། །ཏདྱ་ཐཱ། པཱུརྦ་མཱརྒ་ཨ་མ་ལོ་མ་ཏི། ཀྵིཏྟི་ལ། བྷྲུ་བཻ་པྲ་ན་ཁ་ན། ཌཻ་དུརྨ་ཁི་ལཻ། མཏྶ་ཏཱུ་ལཻ། གཽ་ར་སནྡྷཻ་ན་ཀྵུ་བ་ར་མཻ། བུདྡྷ་ར་ཤྨྱི་པིངྒ་ལ་གྷྲི་མེ། ལོ་ཧོ་ཏཱ་ར་བྷེ།
iiif viewer powered by OpenSeadragon
