| e-texts navigator |
| Wylie |
290a1 བ། གཡོ་སྒྱུ་ཅན། སྙིང་རྗེ་མ་མཆིས་པ། དགེ་སློང་ལ་ཐོ་འཚམས་པར་བགྱིད་པ་ནས་ཐ་ན་བཅོམ་ལྡན་འདས་ཀྱི་སླད་དུ་སྐྱབས་སུ་མཆིས་ནས་ཉེ་བར་གནས་པ། སྐྲ་བྲེགས་ཏེ་གོས་ངུར་སྨྲིག་བགོས་པ་ལ་ཐོ་འཚམས་པ་དག་འབྱུང་སྟེ། བཅོམ་ལྡན་འདས་ཀྱི་སླད་དུ
290a2 རབ་ཏུ་བྱུང་བ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ། དཀོན་མཆོག་གསུམ་གྱི་གདུང་འབར་བར་བགྱིད་པ་དག་ལ་ཐོ་འཚམས་པའི་རྒྱལ་རིགས་གདོལ་པ་དེ་དག་ཏིང་ངེ་འཛིན་གྱི་དབང་གིས་མནས་བསྒག་པར་བགྱི་བ་ནི་ལོངས་སྤྱོད་ཀྱིས་འཁྲུགས་པར་གྱུར་ཅིག་།
290a3 རྒྱལ་ཕྲན་གྱིས་འཁྲུགས་པར་གྱུར་ཅིག་།རྒྱལ་པོས་འཁྲུགས་པར་གྱུར་ཅིག་།ནང་དམག་དང་། ཕ་རོལ་གྱི་དམག་ཚོགས་དག་གིས་འཁྲུགས་པར་གྱུར་ཅིག་།ཆུ་མེད་པས་འཁྲུགས་པར་གྱུར་ཅིག་།ནད་ཀྱིས་འཁྲུགས་པར་གྱུར་ཅིག་།གཟས་འཁྲུགས་པར་གྱུར་ཅིག་།
290a4 བྱ་མ་རྟས་འཁྲུགས་པར་གྱུར་ཅིག་།རྩེ་དགས་འཁྲུགས་པར་གྱུར་ཅིག་།ཕ་ཚན་གྱིས་འཁྲུགས་པར་གྱུར་ཅིག་།འཁོར་གྱིས་འཁྲུགས་པར་གྱུར་ཅིག་།འབྱུང་བ་ཆེན་པོས་འཁྲུགས་པར་གྱུར་ཅིག་།མཐུ་བོ་ཆེས་འཁྲུགས་པར་གྱུར་ཅིག་ཅེས་བགྱི་བ་ནས།
290a5 རྒྱལ་རིགས་ཀྱིས་འཁྲུགས་པར་གྱུར་ཅིག་།བྲམ་ཟེ་དང་། དམངས་རིགས་དང་། བུད་མེད་དང་། སེང་གེ་དང་། སྟག་དང་། སྤྱང་ཀི་དག་གིས་འཁྲུགས་པར་གྱུར་ཅིག་ཅེས་བགྱི་བའི་བར་དུ་རྒྱལ་རིགས་གདོལ་པ་དེ་དག་མནས་བསྒག་པར་བགྱི་ལགས་སོ། །ཏདྱ་ཐཱ། བ་ནེ་ཡ
290a6 བ་ན་པ་ལེ། མ་ཧཱ་བརྟ་ན་ཏྲཻ། དྲུ་མ་ཙྪ་ཏེ། ཀུ་སུ་མ། བ་ར་ཊེ། ཡུ་ག་ཏེ། སམ་བྷཱ་ཀྵེ། བྷཱི་མ་དྲི་བཱ་ཀྵེ། ས་ལོ་པ་ནཱ་ཡ། པ་རི་བཱ་རཻ། བྷཱུ་མ་དྲུ་ཀྲ་མེ། ནཻ་རན་ཏ་ན། ཛ་སི་ལ་མེ་ན་ཏྲཻ། བཻ་མ་བ་ཏ། མ་ཤྲཱ་ཁཱ་ཛེ། ན་ཡ་ན་ཧིང་ཀུ་ལེ། པི་བད་ཚ། བྷྲི་སེ། དྷ་ན་མུ་ཙེ། སང་ག་བྱོ་ཀྵཻ། པ་ལ་མིན་དྷ་ད་ལཻ།
290a7 བྷཱུ་མི་པཥྚེ། རོ་མ་ད་ལཻ། བ་ན་ག་ཛཻ། ཏཱུ་ཊ་པ་ཊེ། ཨཱ་པ་ཊེ་ཌྷ། ན་ཡ་དྲི་ཥྚི། ཛི་ཧྭཱ་ཀྲ་ནེ། ཨུ་ཏ་རཀྵེ། གན་དྷར་བྷེ་སི་མི་སྭཱ་ཧཱ། གང་དག་རྒྱལ་རིགས་གདོལ་པ་འཇིག་རྟེན་ཕ་རོལ་ལ་མི་ལྟ་ཞིང་། བཅོམ་ལྡན་འདས་ཀྱི་ཉན་ཐོས་རྣམས་ལ་ཐོ་འཚམས་པ་དེ་དག་དེ་ལྟར་གྱུར་ཅིག་།དེའི་ཚེ
iiif viewer powered by OpenSeadragon
