| e-texts navigator |
| Wylie |
289b1 ཁྱེར་དང་། གྲོང་རྡལ་དང་། ལྗོངས་དང་། རི་བྲགས་དེར་བདག་གི་འཁོར་ཀླུ་དང་། ཀླུ་མོ་དང་། ཀླུ་རྒན་ཕོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་ཕོ་དང་། ཀླུའི་འཁོར་མོ་དག་དུས་མ་ལགས་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར
289b2 བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དག་འབྱུང་བར་བགྱིད་དམ། སེམས་ཅན་རྣམས་ཀྱི་ལོ་ཏོག་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན་ཀླུ་དེ་དག་གིས་བདག་བསླུས་པས་དེ་དག
289b3 ཐམས་ཅད་ཀྱི་ལུས་འཁུམས་པར་གྱུར་ཅིག་། དེ་དག་རྫུ་འཕྲུལ་ཉམས་ནས་འགྲོ་མི་ནུས་པར་གྱུར་ཅིག་།རིམས་ནད་ཀྱིས་ཀུན་ཏུ་གདུངས་པར་གྱུར་ཅིག་།དབང་པོ་ཐམས་ཅད་མ་ཚང་བར་གྱུར་ཅིག་།ལོངས་སྤྱོད་དང་ཡོངས་སུ་སྤྱོད་པ་ཐམས་ཅད་དང་བྲལ་བར་གྱུར་ཅིག་།ལས་བྱེད
289b4 མི་ནུས་པར་གྱུར་ཅིག་། ཏདྱ་ཐཱ། བུདྷ་ཛ་ཡེ། བཱ་ལ་ཀྵེ། ཨ་མ་ནི་མེ། བྷུ་ཏ་ས་ལི་ལེ། ཨ་ན་མང་དྷྱེ། པྲ་ཏྱ་ནི་ལེ། ཨ་བ་ནི་ལ་མེ། ཁི་ལ་ཤོ་མེ། ནསྟུ་པི་པཱ་ལེ། ཛི་ས་ཛི་ཧཱ། སྐན་དྷ་པཱ་ལེ། བྷ་ར་ནི་ཀྲི་ཡེ་སྭཱ་ཧཱ། དེར་ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་བཞིན
289b5 དང་མིག་ཡིད་དུ་འོང་བས་ཤིན་ཏུ་དགོད་ཅིང་ཐལ་མོ་སྦྱར་ནས་ལེགས་སོ་ཞེས་བྱ་བ་བྱིན་ཏེ། འདི་སྐད་དུ་སྐྱེས་བུ་དམ་པ་ཁྱོད་སེམས་ཅན་ཐམས་ཅད་ལ་ཕན་པར་འདོད་པ་ཡིན་ཏེ། སྐྱེས་བུ་དམ་པ་ཁྱོད་ཀྱིས་དེ་ལྟར་བྱ་བ་ནི་ལེགས་སོ་ལེགས་སོ་ཞེས་སྨྲས་ནས། ཐམས་ཅད་དང་ལྡན
289b6 པའི་ཀླུའི་འཁོར་དེ་དག་ཤུགས་དྲག་པོས་འཁྲུགས་ཤིང་དངངས་ལ་ཀུན་ཏུ་འགུལ་ཞིང་མངོན་པར་མི་དགའ་བ་དང་ཀུན་ཏུ་འཁོར་བར་གྱུར་ཏོ། །དེའི་ཚེ་དྲི་ཟའི་དྲང་སྲོང་དགའ་བར་འབྱུང་བ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད
289b7 ནས་འདི་སྐད་ཅེས་གསོལ་ཏོ། །ཐམས་ཅད་དང་ལྡན་པའི་འཁོར་དང་བཅས་པ་བདག་ལ་དགོངས་སུ་གསོལ། ད་ལྟར་དང་མ་འོངས་པའི་དུས་སུ་གང་དག་རྒྱལ་རིགས་གདོལ་པ་བླུན་པོ་མཁས་སོ་སྙམ་པའི་ང་རྒྱལ་ཅན་ང་རྒྱལ་དང་རྒྱགས་པས་ཉམས་པ། འཇིག་རྟེན་ཕ་རོལ་ལ་མི་ལྟ
iiif viewer powered by OpenSeadragon
