| e-texts navigator |
| Wylie |
286a1 དང་། སོ་སོའི་འཁོར་དག་སྔར་ཇི་སྐད་བསྟན་པ་བཞིན་བསྐྲད་པར་བགྱི་ལགས་སོ། །དེ་ཅིའི་སླད་དུ་ཞེ་ན། ཆོས་གོས་ངུར་སྨྲིག་ཁ་བསྒྱུར་བ་འདི་ནི་སྔོན་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བྱིན་གྱིས་བརླབས་པ་ལགས་སོ། །བྱང་ཆུབ་སེམས་དཔའ
286a2 རྣམས་ཀྱི་རྒྱལ་མཚན་ལགས་སོ། །མྱ་ངན་ལས་འདས་པར་མཆི་བ་རྣམས་ཀྱི་ལམ་ལགས་སོ། །ཉོན་མོངས་པ་རྣམས་ཀྱི་རལ་གྲི་ལགས་སོ། །མྱ་ངན་ལས་འདས་པའི་ས་བོན་ལགས་སོ། །ལམ་ལས་རབ་ཏུ་ཉམས་པ་རྣམས་ཀྱི་སྒྲོན་མ་ལགས་སོ། །ཕུང་པོ་རྣམས
286a3 ཀྱི་སྨན་ལགས་སོ། །མ་རིག་པའི་མུན་པའི་རླུང་ལགས་སོ། །ངན་འགྲོ་རྣམས་ཀྱི་སྲོག་ཤིང་ལགས་སོ། །ཉོན་མོངས་པའི་སྐྱོན་གྱིས་ཉམས་པར་གྱུར་པ་རྣམས་ཀྱི་སྐྱུག་སྨན་ལགས་སོ། །དགྲ་རྣམས་ཀྱི་རྡོ་རྗེ་ལགས་སོ། །དགེ་བའི་རྩ་བ་ཐམས་ཅད་ཀྱི་གཏེར་ལགས
286a4 སོ། །སྡིག་པས་གོས་པ་རྣམས་ཀྱི་ཆབ་ལགས་སོ། །ནོངས་པ་བགྱིད་པ་རྣམས་ཀྱི་མེ་ལོང་ལགས་སོ། །སེམས་གཡེངས་པ་རྣམས་ཀྱི་ཏིང་ངེ་འཛིན་ལགས་སོ། །ཏིང་ངེ་འཛིན་རྣམས་ཀྱི་ཟ་མ་ཏོག་ལགས་སོ། །ཕ་རོལ་ཏུ་ཕྱིན་པ་རྣམས་ཀྱི་ས་གཞི་ལགས་སོ། །
286a5 གཟུངས་རྣམས་ཀྱི་ནོར་བུ་ལགས་སོ། །བཟོད་པ་རྣམས་ཀྱི་ཁྱིམ་ལགས་སོ། །ས་རྣམས་ཀྱི་སྣོད་ལགས་སོ། །ཕས་ཀྱི་རྒོལ་བ་རྣམས་ཀྱི་མཁར་ལགས་སོ། །ནད་པ་རྣམས་ཀྱི་སྨན་པ་ལགས་སོ། །བསླབ་པ་རྣམས་ཀྱི་རི་ལགས་སོ། །ཉོན་མོངས་པས་ཀུན
286a6 ནས་གདུངས་པ་རྣམས་ཀྱི་ཟླ་བ་ལགས་སོ། །ལྟ་བ་ངན་པར་ལྟུང་བ་རྣམས་ཀྱི་ཉི་མ་ལགས་སོ། །ཡེ་ཤེས་ཀྱི་རྒྱ་མཚོ་ལགས་སོ། །བྱང་ཆུབ་ཀྱི་ཕྱོགས་པ་རྣམས་ཀྱི་ཕྲེང་བར་གྱུར་པ་ལགས་སོ། །ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ། །
286a7 ཆོས་གོས་ངུར་སྨྲིག་འདི་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས་སོ། །ཆོས་གོས་ངུར་སྨྲིག་འདི་ནི་སེམས་ཅན་རྣམས་ལ་ཆོས་ཀྱི་ཆར་དབབ་པའི་དོན་གྱི་སླད་དུ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ལགས་སོ། །བཙུན་པ་བཅོམ་ལྡན་འདས་འདི་ལྟར
iiif viewer powered by OpenSeadragon
