| e-texts navigator |
| Wylie |
280a1 དགེ་བ་དག་ལ་སྤྱོད་པར་གྱུར་ནས་ཀྱང་། །རྒྱལ་བའི་བསྟན་ལ་ལྟ་བ་ངན་པ་པོ། །ཡ་ང་བ་དག་རྣམ་པར་སྤོང་བར་འགྱུར། །རྒྱལ་བས་བདག་གི་སྙིང་ལ་མྱ་ངན་དང་། །ཉོན་མོངས་སེལ་བགྱིད་མདངས་ནི་འགྲུབ་པ་དང་། །གང་གིས་བདག་ནི་སེམས་ཅན
280a2 ཐམས་ཅད་དག་། ཡོངས་སྨིན་བགྱིད་པར་རྔོ་ཐོགས་བསྟན་དུ་གསོལ། །ཐུབ་པའི་ཐད་ན་ལྷ་རྣམས་འདི་དག་གསོལ་འདེབས་པ། །ཐེག་པ་ཆེན་པོ་ཟབ་མོའི་ལམ་ལ་གཞུག་ཏུ་གསོལ། །སེམས་ཅན་ཡོན་ཏན་ཕྱུག་པོ་འབྲས་བཅས་འདུས་པ་པོ། །ཕྱོགས་བཅུའི་བྱང
280a3 ཆུབ་སེམས་དཔའ་ཁྱོད་ལ་བསྔགས་པ་བརྗོད། །ཆུ་བོ་ལེགས་འབབ་ལོ་ཏོག་མི་ཉམས་བགྱི་སླད་དུ། །སྡིག་ཅན་ཀླུ་རྣམས་བཟློག་ཕྱིར་འདི་དག་བསྟན་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དཔལ་ཆོ་ག་ཤེས་འདུས་པ་རྣམས་ཀྱི་མདུན་དུ་དེ་བཞིན
280a4 གཤེགས་པ་ནི་དུས་སུ་བྱིན་གྱིས་རློབ་པར་མཛད་ལ། དེ་བཞིན་གཤེགས་པ་ད་ནི་འདུས་པ་རྣམས་ཀྱི་ནང་དུ་དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱིས་བྱིན་གྱིས་བརླབས་པ། འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་སྟོན་ཏོ། །ཕྱོགས
280a5 བཅུ་ནས་འདིར་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཐོས་ནས་ཀྱང་ཕྱོགས་བཅུའི་སངས་རྒྱས་ཀྱི་ཞིང་སྙིགས་མ་ལྔ་ཅན་སྟོང་པ་དེ་ན་སེམས་ཅན་རྣམས་ལ་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་རབ་ཏུ་སྟོན་པར་བྱེད་དོ། །གཟུངས་ཀྱི
280a6 རྒྱུ་དེས་ན་དེར་དུས་མ་ཡིན་པའི་རླུང་དང་། ཉི་མས་གདུངས་པ་དང་། གྲང་བ་དང་། ཚ་བ་དང་། ཆར་མོ་ཆེ་དང་། ཐན་ཆེན་དག་རབ་ཏུ་ཞི་བར་བྱེད་དོ། །དེས་ན་དེར་འཇིག་རྟེན་ཕ་རོལ་ལ་མི་ལྟ་བའི་ལྷ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་།
280a7 དང་། ཤ་ཟ་དང་། སྲུལ་པོ་དང་། ལུས་སྲུལ་པོ་དང་། མི་དང་། མི་མ་ཡིན་པ་དང་། ཐ་ན་དང་། བྱ་མ་རུངས་པ། གཏུམ་པ། སེམས་ཅན་རྣམས་ལ་སྙིང་བརྩེ་བ་མེད་པ་དང་། སྙིང་རྗེ་མེད་པར་ཞུགས་པ་དག་དད་པ་ཅན་དུ་འགྱུར་རོ། །སེམས
iiif viewer powered by OpenSeadragon
