| e-texts navigator |
| Wylie |
272a1 རྔུབ་པ་དང་། དབུགས་འབྱུང་བ་རྒྱུ་བ་དེ་དག་ལ་ཆུང་བར་ཡང་མཐོང་ངོ་། །ཡང་ན་ཆེ་བར་རྟོག་ན་ཡང་ཡུངས་འབྲུ་ཆེན་པོ་ཙམ་དུ་ཡང་དག་པར་རྗེས་སུ་མཐོང་ངོ་། །ཡང་ན་སྐྱུ་རུ་ར་ཙམ་དུ་རྟོག་ན་ཡང་སྐྱུ་རུ་ར་ཙམ་དུ་མཐོང་ངོ་། །ཡང་ན་བ་སྤུའི་ཁུང་བུའི་ཁུང་བུ་རེ་རེ་ལ་བིལ་བའི་འབྲས་བུ
272a2 ཙམ་དུ་རྟོག་ན་ཡང་བིལ་བའི་འབྲས་བུ་ཙམ་དུ་མཐོང་ངོ་། །ཡང་ན་དཔག་ཚད་སྟོང་ཙམ་དུ་རྟོག་ན་ཡང་དཔག་ཚད་སྟོང་ཙམ་དུ་མཐོང་ངོ་། །ཡང་ན་གླིང་བཞི་པ་གཅིག་ཙམ་དུ་རྟོག་ན་ཡང་གླིང་བཞི་པ་གཅིག་ཙམ་དུ་མཐོང་ངོ་། །ཡང་ན་བ་སྤུའི་ཁུང་བུ་རེ་རེ་ལ་རྒྱ་ཆེ་བར་རྟོག་ན་ཡང་རྒྱ་ཆེ་བར་ཡང་དག
272a3 པར་རྗེས་སུ་མཐོང་ངོ་། །དེ་བཞིན་དུ་མིག་གི་ཚད་ལ་ཡང་སྦྱར་བར་བྱའོ། །གང་དུ་རྒ་ཤི་དང་འབྲེལ་བའི་སེམས་ཅན་དག་བར་ཆད་མེད་པར་འཁོར་བའི་ཆུ་བོར་བདས་པས་སྡུག་བསྔལ་རྣམ་པ་སྣ་ཚོགས་དག་ཉམས་སུ་མྱོང་བ་ན། དེ་འདི་སྙམ་དུ་བདག་གིས་ཅི་ནས་ཀྱང་རྣམ་པ་ཐམས་ཅད་དུ
272a4 གཟུགས་ཀྱི་འདུ་ཤེས་དག་དོར་བར་བྱའོ་སྙམ་དུ་སེམས་ཏེ། དེ་རླུང་གི་ཁམས་ལ་སེམས་ཉེ་བར་གཏོང་བར་བྱེད་དོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་སྤོང་བས་དེས་བརྗོད་དུ་མེད་པའི་ཏིང་ངེ་འཛིན་རབ་ཏུ་ཐོབ་སྟེ། དེ་ནི་ཉན་ཐོས་དང་། རང་རྒྱལ་བ་ཐམས་ཅད་ཀྱི
272a5 ས་མ་ཡིན་ནོ། །དེ་ལ་སའི་ཁམས་མི་དམིགས་སོ། །ཆུའི་ཁམས་མི་དམིགས་སོ། །མེའི་ཁམས་མི་དམིགས་སོ། །རླུང་གི་ཁམས་མི་དམིགས་སོ། །ནམ་མཁའི་ཁམས་མི་དམིགས་སོ། །རྣམ་པར་ཤེས་པའི་ཁམས་མི་དམིགས་སོ། །ཕུང་པོ་དང་། ཁམས་དང་།
272a6 སྐྱེ་མཆེད་རྣམས་རྒྱུ་བ་མི་དམིགས་སོ། །སྔོན་གྱི་མཐའ་མི་དམིགས་སོ། །ཕྱི་མའི་མཐའ་མི་དམིགས་སོ། །འཇིག་རྟེན་འདི་མི་དམིགས་སོ། །འཇིག་རྟེན་ཕ་རོལ་མི་དམིགས་སོ། །ལེགས་པར་སྤྱད་པ་དང་། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མི
272a7 དམིགས་སོ། །སྐྱེ་བ་མི་དམིགས་སོ། །འཇིག་པ་མི་དམིགས་སོ། །ཀུན་ནས་ཉོན་མོངས་པ་མི་དམིགས་སོ། །རྣམ་པར་བྱང་བ་མི་དམིགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཞི་བ་ལ་གནས་པ་དེ་དག་གིས་གནས་སོ། །གལ་ཏེ་ཆོས་ཐམས
iiif viewer powered by OpenSeadragon
