| e-texts navigator |
| Wylie |
269b1 བཅོམ་པའི་འབྲས་བུ་ལ་གནས་པའི་བར་དུའོ། །གང་དག་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ། འབད་པ་བརྟན་པ། སེམས་ཅན་ཐམས་ཅད་ལ་ལྟ་ལ། བསོད་ནམས་དང་། ཡེ་ཤེས་ཀྱི་ཚོགས་དཔག་ཏུ་མེད་པ་གོམས་པར་བྱས་ཏེ། བསམ་གཏན་ཡོངས
269b2 སུ་སྦྱོང་བས་རྣམ་པར་རྩེ་བའི་ཏིང་ངེ་འཛིན་གྱི་རྣལ་འབྱོར་དེ་ལྟ་བུ་དེ་ལ་གནས་ནས་རྣམ་པར་ལྡོག་པར་ཡང་མི་བྱེད་ལ། ཉན་ཐོས་ཀྱི་ངེས་པ་ལ་འཇུག་པར་ཡང་མི་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གོ་ཆ་ཆེན་པོ་བགོས་ནས་བསམ་གཏན་གྱི་ཕ་རོལ་ཏུ་ཕྱིན་པ་དང་། སོ་སོ
269b3 ཡང་དག་པར་རིག་པ་ལ་སྦྱོར་བ་ཡོངས་སུ་སྦྱོང་བ་ལ་གནས་པ་ནས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བའི་བར་དུའོ། །དཔལ་ཆོ་ག་ཤེས་ཡུལ་འཁོར་དེ་ན་དགེ་སློང་དང་། དགེ་སློང་མ་དང་། དགེ་བསྙེན
269b4 དང་། དགེ་བསྙེན་མ་དང་། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་དང་རིགས་ཀྱི་བུ་མོ་དག་བསམ་གཏན་ཡོངས་སུ་སྦྱོང་བས་རྣམ་པར་རྩེ་བ་ཡིད་ལ་བྱེད་པ
269b5 དེ་ལྟ་བུ་དག་གིས་གནས་པ་ནས་ཡུལ་འཁོར་དེ་ལྷའི་དབང་པོ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ། །ཡུལ་འཁོར་དེ་ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ
269b6 འཕྱེ་ཆེན་པོའི་དབང་པོ་དང་། ཀྱི་དབང་པོ་དང་། ཤ་ཟའི་དབང་པོ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ། །དེ་ན་ཏིང་ངེ་འཛིན་དེ་ལྟ་བུ་དང་ལྡན་པའི་སྦྱིན་གནས་དག་འཁོད་པའི་བར་དུའོ། །ཡུལ་འཁོར་དེའི་རྒྱལ་པོ་ཡང་ཡིད་དང་འཐད་པའི་ཆོས་བཅུ་ཐོབ་པར
269b7 འགྱུར་ཏེ། བཅུ་གང་ཞེ་ན། ནད་མེད་པ་དང་། ནད་ཐམས་ཅད་རབ་ཏུ་ཞི་བ་དང་། ཚེ་རིང་བ་དང་། གཟུགས་བཟང་བ་དང་། མདོག་བཟང་པོ་དང་ལྡན་པ་དང་། ཡན་ལག་དང་ཉིང་ལག་སྡུག་པ་དང་། འཁོར་སྐྱེ་བོ་བཟང་བ་དང་། ལས་ཀྱི་མཐའ་ལེགས་པར་སྤྱད་པ་སྤྱོད་པ་དང་། བྱམས
iiif viewer powered by OpenSeadragon
