| e-texts navigator |
| Wylie |
263a1 གང་ན་སངས་རྒྱས་གང་སྒྲོགས་རྣམས། །གང་དག་མདོ་འདི་འཛིན་བྱེད་པ། །དེ་ལ་ཐམས་ཅད་སྲུང་བར་མཛད། །གང་དག་བལྟ་དཀའ་ཆོས་སྤྱོད་པས། །སངས་རྒྱས་དེ་དག་དང་མི་འབྲལ། །གང་ཞིག་འདི་ནི་ལུང་ནོད་པ། །དེ་བཞིན་ཉིད་ལ་གནས་པར
263a2 འགྱུར། །ང་ཡིས་བགྲོ་བ་བཤད་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གི་ནི་མདུན་ན་ཡང་། །སངས་རྒྱས་བཞུགས་ཤིང་ཞལ་ཡང་སྟོན། །སངས་རྒྱས་བགྲོ་བ་གསུངས་འདི་ནི། །གང་དག་ལུང་ནོད་འགྱུར་བ་ཡི། །དགེ་སློང་དེ་དང་དེ་དག
263a3 རྣམས། །ང་ཡི་ཆོས་སྲུང་སྐྱོང་བར་འགྱུར། །ང་ཡིས་བགྲོ་བ་བཤད་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གིས་ནི་བྱང་ཆུབ་བཟུང་། །སངས་རྒྱས་རྣམས་ཀྱི་མཐའ་ཡས་མཛད། །སངས་རྒྱས་བགྲོ་བ་དམ་པ་འདི། །གང་དག་ལུང་ནོད་འགྱུར་བ
263a4 རྣམས། །སངས་རྒྱས་ཡེ་ཤེས་བླ་མེད་ལ། །དེ་དག་ཐམས་ཅད་ངེས་པར་གནས། །སངས་རྒྱས་བགྲོ་བ་དམ་པ་འདི། །གང་དག་ལུང་ནོད་འགྱུར་བ་རྣམས། །དེ་དག་གིས་ནི་བདུད་བཏུལ་ཅིང་། །བྱང་ཆུབ་སྙིང་པོར་གནས་པ་ཡིན། །སངས་རྒྱས་བགྲོ་བ་དེ་བཞིན་ཉིད། །འདི
263a5 ནི་གང་དག་ལུང་ནོད་པ། །དེ་དག་གིས་ནི་བདུད་བཏུལ་ཅིང་། །བྱང་ཆུབ་སྙིང་པོར་གནས་པ་ཡིན། །བསྟན་པ་དེ་ཡང་གཟུངས་དེ་ཡིན། །ཏིང་ངེ་འཛིན་ཀྱང་བསྟན་པ་ཡིན། །སེམས་ཅན་དེ་དག་འདི་དག་བསྟན། །སངས་རྒྱས་བདེན་པ་གཞན་མི་འགྱུར། །གང་གིས
263a6 བྱང་ཆུབ་དག་གི་ཕྱིར། །སངས་རྒྱས་འདི་དག་ཀུན་འདོད་པ། །དེས་ནི་ང་ཡིས་བཤད་པ་ཡི། །བགྲོ་བ་འདི་ནི་ལུང་མནོད་བྱ། །མི་གང་འདས་པའི་རྫོགས་སངས་རྒྱས། །དེ་དག་ལྟ་བར་འདོད་པས་ནི། །ཆོས་ཉིད་ཡེ་ཤེས་ཆེན་པོ་ཡི། །བགྲོ་བ་མྱུར་དུ་ལུང་མནོད་བྱ། །
263a7 ཁ་ཅིག་མདོ་འདི་ཚུལ་ལ་ནི། །སྤྲོ་བར་བྱེད་པ་དེ་དག་ལ། །ཕྱི་དུས་ཚེ་ན་ང་ཡིས་ནི། །འདི་འདྲ་བ་ཡི་ཆོས་བཤད་བྱ། །ང་ཡི་ཆོས་ནི་འདི་འདྲ་དག་།ཐོས་ནས་བཟུང་སྟེ་མང་དུ་ཐོས། །དེ་དག་གིས་ནི་ཏིང་ངེ་འཛིན། །སྣང་བྱེད་ཅེས་བྱ་དེ་རིང་ཐོབ། །ཕྱི་མའི་དུས་ན་དེ་དག
iiif viewer powered by OpenSeadragon
