| e-texts navigator |
| Wylie |
261b1 ཏུ་གཡོས་ཏེ། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་གོ། །དེ་ནས་ཚེ་དང་ལྡན་པ་ཀུན་དགའ་བོ་དེའི་ཚེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། བཅོམ་ལྡན
261b2 འདས་ལ་ཚིགས་སུ་བཅད་པས་བསྟོད་པ། གང་ཟག་མཆོག་མ་རྣམ་འདྲེན་རྒྱལ་བའི་མཆོག་།རྒྱུ་མ་མཆིས་པར་འཛུམ་པ་མི་མཛད་ན། །མགོན་པོ་བདེ་གཤེགས་འཛུམ་མཛད་རྒྱུ་གང་ལགས། །རྒྱལ་བའི་འཇིག་རྟེན་འཛུམ་མཛད་རྐྱེན་གང་ལགས། །རྒྱལ་བའི་ཞིང་འདི
261b3 འོད་ཀྱིས་སྣང་མཛད་ཅིང་། །ཕྱོགས་བཅུ་འདི་ཀུན་འོད་ཀྱིས་གསལ་མཛད་པས། །ཐུགས་བརྩེར་ལྡན་པ་འཛུམ་མཛད་རྒྱུ་རྐྱེན་གང་། །འཇིག་རྟེན་ཕན་མཛད་བདག་ལ་བཀའ་སྩལ་གསོལ། །སངས་རྒྱས་ཞིང་འདིར་གནས་པའི་སེམས་ཅན་གང་། །བདེ་དང་ནད་མེད་དགའ་ཞིང
261b4 རབ་ཏུ་རངས། །འདོད་པའི་བདེ་དང་ཏིང་འཛིན་བདེ་བ་དག་།རི་རབ་སྟེང་ན་གནས་པའི་ལྷ་བཞིན་ནོ། །མགོན་པོ་སེམས་ཅན་དམུས་ལོང་ཁ་ཅིག་དག་།དེ་ཚེ་དེ་དག་མིག་གིས་གཟུགས་རྣམས་མཐོང་། །སེམས་ཅན་གང་དག་འོན་པར་གྱུར་པ་རྣམས། །དེ་དག་རྣ་བས་སྒྲ་ཡང
261b5 ཐོས་པར་གྱུར། །སེམས་ཅན་རྣམས་ཀྱིས་འཕྲལ་དུ་གཏེར་རྙེད་ཅིང་། །བཅིངས་པ་ཐམས་ཅད་དེ་རིང་ཐར་གྱུར་ལ། །སྦྲུམ་པ་རྣམས་ནི་བདེ་ཞིང་ཤིས་པར་བཙས། །དེ་ལྟར་རྨད་བྱུང་གདའ་བ་ངོ་མཚར་ཏོ། །བདག་གི་རྐང་པ་ལ་ནི་མེ་ཏོག་རེག་།ཡིད་དུ་འོང་བའི་སྤོས་དང
261b6 ཕྱོགས་སུ་ལངས། །སངས་རྒྱས་ཞིང་རྣམས་བརྒྱན་པས་ལྷ་ངེར་གདའ། །མགོན་པོ་བདེ་གཤེགས་འཛུམ་མཛད་རྒྱུ་གང་ལགས། །ཟླ་བའི་འོད་དང་ཉི་མའི་འོད་ཀུན་དག་།རྒྱལ་བའི་སྤྱན་སྔ་ན་ནི་ལྷ་མེར་མིན། །སངས་རྒྱས་ཞིང་འདི་ཐམས་ཅད་གསལ་མཛད་པ། །ཇི
261b7 ལྟར་དབང་ཕྱུག་དབང་སྒྱུར་ཇི་བཞིན་ནོ། །འདི་ན་སེམས་ཅན་ཁ་ཅིག་ནད་ཀྱིས་ཐེབས། །གང་དག་ནད་པ་ཉམ་ཆུང་མཐུ་ཆུང་བ། །སེམས་ཅན་མང་པོ་དེ་རིང་ནད་མེད་གྱུར། །སུ་ཡི་མཐུ་ལགས་འདིར་ནི་ལུང་བསྟན་གསོལ། །དེར་འཛུམ་མཛད་པ་ཇི་འདྲར་གདའ
iiif viewer powered by OpenSeadragon
