| e-texts navigator |
| Wylie |
260b1 ཞེས་བྱ་བ་བྱིན་ནོ། །ལེགས་ས་ཞེས་བྱ་བ་བྱིན་ནས་ཀྱང་། ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་གང་དང་གང་དྲིས་པ་དེ་དང་དེ་ལ་མི་གནས་པའི་ཆོས་ཡང་དག་པར་བསྒྲགས་པ་དེ་དག་ནི་ཕྱིར་མི་ལྡོག་པའི་རྟགས་ཡིན་ནོ། །དེ་ནས་ཚེ་དང་ལྡན་པ་ཤཱ་རིའི་བུས་གཞོན་ནུ་པད་མ
260b2 དཔལ་གྱི་སྙིང་པོ་ལ་འདི་སྐད་ཅེས་སྨྲས་སོ། །པད་མ་དཔལ་གྱི་སྙིང་པོ་ཁྱོད་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ལུང་བསྟན་ཏོ། །དེ་སྐད་ཅེས་སྨྲས་པ་དང་། གཞོན་ནུ་པད་མ་དཔལ་གྱི་སྙིང་པོས་ཚེ་དང་ལྡན་པ་ཤཱ་རིའི་བུ་ལ་འདི་སྐད
260b3 ཅེས་སྨྲས་སོ། །བཙུན་པ་ཤཱ་རིའི་བུ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་ཆོས་འགའ་ཞིག་མཆིས་ན་ནི། བཙུན་པ་ཤཱ་རིའི་བུ་འདི་ལྟར་ཁོ་བོ་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་ཡང་འགྱུར་རོ། །
260b4 སྨྲས་པ། པད་མ་དཔལ་གྱི་སྙིང་པོ་ཁྱོད་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ་སྙམ་དུ་མི་སེམས་སམ། སྨྲས་པ། བཙུན་པ་ཤཱ་རིའི་བུ། དེ་ལྟ་མ་ལགས་སོ། །དེ་ཅིའི་ཕྱིར་ཞེ་ན། བཙུན་པ་ཤཱ་རིའི་བུ་དེ་ལྟ་ན་ནི་བྱང
260b5 ཆུབ་དེ་ནི་ངར་འཛིན་པར་འགྱུར་རོ། །བཙུན་པ་ཤཱ་རིའི་བུ་དེ་ལྟར་ན་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ་སྙམ་པ་ཅི་ཞིག་ཡོད། སྨྲས་པ། པད་མ་དཔལ་གྱི་སྙིང་པོ་ཁྱོད་ཤཱཀྱ་ཐུབ་པ་འདི་ད་ལྟར་བླ་ན་མེད་པ་ཡང་དག་པར
260b6 རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ་སྙམ་དུ་དེ་ལྟར་མི་སེམས་སམ། སྨྲས་པ། བཙུན་པ་ཤཱ་རིའི་བུ་ཤཱཀྱ་ཐུབ་པ་ཉིད་ཀྱི་ཆོས་ཀྱང་མི་དམིགས་ན་བྱང་ཆུབ་ལྟ་ག་ལ་ཞིག་དམིགས། དེ་ལྟར་ན་ཤཱཀྱ་ཐུབ་པ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ
260b7 མངོན་པར་རྫོགས་པར་སངས་རྒྱས་སོ་སྙམ་པ་ཅི་ཞིག་ཡོད། སྨྲས་པ། པད་མ་དཔལ་གྱི་སྙིང་པོ་ཁྱོད་ཅི་ལ་སྤྱོད། དེ་ནས་གཞོན་ནུ་པད་མ་དཔལ་གྱི་སྙིང་པོས་དེའི་ཚེ་རྫུ་འཕྲུལ་མངོན་པར་འདུ་བྱ་བ་དེ་ལྟ་བུ་དག་མངོན་པར་འདུས་བྱས་སོ། །རྫུ་འཕྲུལ་མངོན་པར་འདུ་བྱ་བ་དེ་ལྟ་བུ་དག
iiif viewer powered by OpenSeadragon
