| e-texts navigator |
| Wylie |
187b1 རྣམས་བསྟན་ཏོ། །ངས་ནི་སྨོན་པ་མེད་པའི་སྒོ་ནས་དེ་སྙེད་ཀྱི་ཆོས་ཀྱི་སྒོ་རྣམས་བསྟན་ཏོ། །ངས་ནི་སྨོན་པའི་སྒོ་ནས་དེ་སྙེད་ཀྱི་ཆོས་ཀྱི་སྒོ་རྣམས་བསྟན་ཏོ། །ངས་ནི་གང་ཟག་པའི་སྒོ་ནས་དེ་སྙེད་ཀྱི་ཆོས་ཀྱི་སྒོ་རྣམས་བསྟན་ཏོ། །ངས་ནི་གང་ཟག་མེད་པའི་སྒོ་ནས་དེ་སྙེད་ཀྱི་ཆོས
187b2 ཀྱི་སྒོ་རྣམས་བསྟན་ཏོ། །ངས་ནི་འཇུག་པས་དེ་སྙེད་དང་། ལྡོག་པས་དེ་སྙེད་དང་། ངས་ནི་ཡོད་པས་དེ་སྙེད་དང་། མེད་པས་དེ་སྙེད་དང་། ངས་ནི་འདུས་བྱས་ཀྱིས་དེ་སྙེད་དང་། འདུས་མ་བྱས་ཀྱིས་དེ་སྙེད་དང་། ངས་ནི་དྲང་བས་དེ་སྙེད་དང་། དྲང་བ་མེད་པས་དེ་སྙེད་དང་། ངས་ནི
187b3 གསང་བས་དེ་སྙེད་དང་། གསང་བ་མེད་པས་དེ་སྙེད་དང་། ངས་ནི་འཁོར་བའི་སྒོ་དེ་སྙེད་དང་། ངས་ནི་མྱ་ངན་ལས་འདས་པའི་སྒོ་དེ་སྙེད་དང་། ངས་ནི་འཇིག་རྟེན་དེ་སྙེད་དང་། ངས་ནི་འཇིག་རྟེན་ལས་འདས་པ་དེ་སྙེད་དང་། ངས་ནི་འདོད་ཆགས་ཀྱི་སྒོ་དེ་སྙེད་དང་། ངས་ནི་ཞེ་སྡང་གི་སྒོ་དེ་སྙེད་དང་།
187b4 ངས་ནི་གཏི་མུག་གི་སྒོ་དེ་སྙེད་དང་། འཇམ་དཔལ་ངས་ནི་གང་གཱའི་ཀླུང་གི་བྱེ་མ་ཇི་སྙེད་པ་དེ་སྙེད་ཀྱི་སྤོང་བའི་སྒོའི་ཆོས་ཀྱི་སྒོ་རྣམས་བསྟན་ཏོ། །འཇམ་དཔལ་ཐམས་ཅད་ཀྱང་འདི་ལྟ་སྟེ། མི་རྟག་པའི་ཚུལ་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ཡིན་ན་དེ་ལ་ཕྱོགས་ཀྱི་ཡང་ཕྱོགས་གཅིག་ཤེས
187b5 པས་དེ་བཞིན་གཤེགས་པ་ལ་སྐུར་པ་འདེབས་སོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་ལ་ལ་ཞིག་སྡིག་པའི་གྲོགས་པོའི་དབང་གིས་ཆོས་སྤོང་བ་འདི་ལྟ་བུ་འདི་བགྱིས་པར་གྱུར་ན་བཅོམ་ལྡན་འདས
187b6 དེ་ཚེ་འདི་ཉིད་ལ་ཇི་ལྟར་ཐར་བར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་གལ་ཏེ་ལོ་བདུན་གྱི་བར་དུ་ཉིན་གཅིག་ཅིང་དུས་གསུམ་དུ་ཉེས་པ་ལ་ཉེས་པར་བཤགས་ན་དེའི་འོག
187b7 ཏུ་བྱང་བར་འགྱུར་ཏེ། དེ་ཕྱིན་ཅད་ཉུང་ན་བསྐལ་པ་བཅུས་བཟོད་པ་འཐོབ་པར་འགྱུར་རོ། །འཇམ་དཔལ་གལ་ཏེ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ་རིགས་ཀྱི་བུ་མོ་ཞིག་ཆོས་ཀྱི་རྣམ་གྲངས་འདི་མ་བཟུང་མ་བཀླག་པར་སྨྲ་ན་ཆོས་ཀྱིས་ཕོངས་པར་འགྱུར་བ་ལས་མ
iiif viewer powered by OpenSeadragon
