| e-texts navigator |
| Wylie |
184b1 རྣམ་པར་སྨིན་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་རྣམ་པར་སྨིན་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བཟོད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བཟོད་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད
184b2 ཐར་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་ཐར་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་རྣལ་འབྱོར་གྱི་ཆོས་ས་ཞེས་སྐྲག་པར་མི་བྱའོ། །ཆོས་ཐམས་ཅད་རྣལ་འབྱོར་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད
184b3 འཕགས་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་འཕགས་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་སེམས་ཅན་གྱི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་སེམས་ཅན་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས
184b4 ཐམས་ཅད་གཟུང་བའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་གཟུང་དུ་མེད་པའི་ཆོས་ས་ཞེས་སྐྲག་པར་མི་བྱའོ། །ཆོས་ཐམས་ཅད་བདེན་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བདེན་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད
184b5 ཚུལ་བཞིན་གྱི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་ཚུལ་བཞིན་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བརྟེན་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་མི་བརྟན་པའི་ཆོས་སོ་ཞེས་སྐྲག་པར་མི་བྱའོ། །མི་ཕམ་པ་ངས་བྱང་ཆུབ
184b6 ཀྱི་སྙིང་པོར་ཆོས་ཉིད་མངོན་པར་རྫོགས་པར་སངས་རྒྱས་ཏེ་ཆོས་ཀྱི་ཡུལ་ཐམས་ཅད་མཁྱེན་ཀྱང་དམིགས་པས་མ་ཡིན་ནོ། །ཆོས་ཐམས་ཅད་ཀྱི་ངོ་བོ་ཉིད་ཀུན་ཏུ་མཁྱེན་ཀྱང་མངོན་པར་ཞེན་པས་འཇིག་རྟེན་ལ་ཆོས་མི་སྟོན་ཏོ། །བྱང་ཆུབ་སེམས་དཔའ་རྣམས་ལ་ཆོས་རྣམས་ཀྱི་སྣང་བ་ཐོབ
184b7 པར་བྱ་བ་དང་། གཟུངས་དང་ཆོས་ཀྱི་ཕྱག་རྒྱ་རྣམས་བསྐྱེད་པའི་ཕྱིར་ངས་དེ་བཞིན་ཉིད་རྣམ་པར་དཀྲུགས་པ་མེད། ཆོས་རྣམས་བསལ་བ་མ་བྱས། གཞག་པ་མ་བྱས་སོ། །མི་ཕམ་པ་ངས་གླིང་བཞི་པ་ཆེན་པོའི་འཇིག་རྟེན་གྱི་ཁམས་འདིར་འོག་མིན་གྱི་གནས་མན་ཆད་དུ་ཆོས་བསྟན་པའི་ཚེ
iiif viewer powered by OpenSeadragon
