| e-texts navigator |
| Wylie |
93a1 ཕྱིར་ཞེ་ན། ཐམས་ཅད་མཁྱེན་པ་ཉིད་ཀྱི་སེམས་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཟིལ་གྱིས་གནན་དུ་མེད་པའི་ཕྱིར་རོ། །དེ་ནས་རེ་ཞིག་ན་བུད་མེད་དེ་ཉི་མ་ཤར་ཏེ་གྲོང་ཁྱེར་ནས་ཕྱིར་འོངས་ནས། དེས་མར་མེ་དེ་ཤིན་ཏུ་འབར་བ་མཐོང་བ་དང་།
93a2 དེ་མཆོག་ཏུ་དགའ་བ་ཆེན་པོས་རྒྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་འདི་ཡིན་ཏེ། གང་གི་ཚེ་སངས་རྒྱས་བཅོམ་ལྡན་འདས་འཛུམ་པ་མཛད་པ་དེའི་ཚེ་སངས་རྒྱས་བཅོམ་ལྡན་འདས་རྣམས་ཀྱི
93a3 ཞལ་གྱི་སྒོ་ནས་འོད་ཟེར་ཁ་དོག་དུ་མ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་བར་གྱུར་ཏེ། འཇིག་རྟེན་གྱི་ཁམས་མཐའ་ཡས་མུ་མེད་པ་དག་སྣང་བས་ཁྱབ་པར་བྱས་ནས་ཚངས་པའི་འཇིག
93a4 རྟེན་གྱི་བར་དུ་སོང་སྟེ་ཟླ་བ་དང་ཉི་མའི་འོད་ཀྱང་ཟིལ་གྱིས་མནན་ནས་ཡང་སླར་ལོག་སྟེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་དབུའི་གཙུག་ཏོར་དུ་ནུབ་པར་གྱུར་ཏོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན
93a5 འདས་ཀྱི་དབུའི་གཙུག་ཏོར་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཚིགས་སུ་བཅད་དེ་གསོལ་པ། རྒྱལ་མཆོག་རྣམ་པར་འདྲེན་པ་གང་ཟག་མཆོག་།རྒྱུ་མེད་པར་ནི་འཛུམ་པ་མི་མཛད་ན། །ཅི་ཡི་རྐྱེན་གྱིས་ཞལ་ནི་འཛུམ་མཛད་པ། །འཇིག་རྟེན
93a6 ཕན་པ་ཐུགས་བརྩེས་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གྲོང་ཁྱེར་གྱིས་འཚོ་བ་འདི་བསྐལ་པ་ཉི་ཤུ་རྩ་བརྒྱད་ཀྱི་བར་དུ་ངན་འགྲོ་ལོག་པར་ལྟུང་བར་འགྲོ་བར་མི་འགྱུར་ཏེ། རྟག་ཏུ་ལྷ་དང་མིའི་ཕུན་སུམ་ཚོགས་པ་དག་ཉམས་སུ་མྱོང་ནས་དེ་བཞིན
93a7 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་སྣང་བ་ཞེས་བྱ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སྟོབས་བཅུ་ལྡན་པ་མཆོད་ཕྱིར་ཟངས་ཆེན་ཕྲག་སྟོང་གསལ་རྒྱལ་གྱིས། །མར་མེ་བཟང་པོ་སྦར་བས
iiif viewer powered by OpenSeadragon
