| e-texts navigator |
| Wylie |
205b1 མ་རྒན་མོ་ཐར་བར་བྱས་ཏེ་སོར་མོའི་ཕྲེང་བ་ཁྱོད་ཀྱིས་མ་མ་བསད་ཅིག་། བསད་པས་མཐོ་རིས་སུ་མི་འགྲོའོ་ཞེས་བྱས་པ་དང་། རལ་གྲི་ཐོགས་ཏེ་འོངས་ནས་སྐད་ཅིག་དེ་ཉིད་ལ་དེའི་བར་དུ་འདུག་པ་ནི་ཆོས་ལ་གཞུག་པའི་ཐབས་སོ། །དེ་ནས་སོར་མོའི་ཕྲེང་བའི་མ་ཏ་ལ་བདུན་ཙམ་གྱི
205b2 ནམ་མཁའ་ལ་འདུག་ནས་ཚིགས་སུ་བཅད་པ་འདི་ཞེས་སྨྲས་སོ། །དེ་བཞིན་གཤེགས་ཀྱི་སྒྱུ་མ་སྤྲུལ་པ་ནི། །སེམས་ཅན་མང་པོ་དག་གིས་མི་ཤེས་ཏེ། །སངས་རྒྱས་སྒྱུ་མའི་རྒྱལ་པོའི་སྐུ་ཆེ་ཞིང་། །དེ་བཞིན་གཤེགས་པ་ཐབས་ཀྱི་སྐུ་མངའོ། །དེ་འདི་སྐད་ཅེས་སྨྲས
205b3 ནས། དེ་ཉིད་དུ་མི་སྣང་བར་གྱུར་ཏོ། །དེ་ནས་མཛོད་འཛིན་གྱི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ཅི་སྒྱུ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་མ་འདི་ནི་སྤྲུལ་པ་ཡིན་ནོ། །སྤྲུལ
205b4 པའི་མས་ཇི་ལྟར་སྨྲས་པ་བཞིན་ཏེ། བྱང་ཆུབ་སེམས་དཔའི་སྤྱོད་པ་སྒྱུ་མ་ཡང་དེ་བཞིན་ནོ། །དེ་ནས་སོར་མོའི་ཕྲེང་བའི་མཁན་པོ་ནོར་བུ་བཟང་པོ་ཞེས་བྱ་བ་ཏ་ལ་བདུན་ཙམ་གྱི་ནམ་མཁའ་ལ་འདུག་ནས་ཚིག་འདི་ཞེས་སྨྲས་སོ། །སེང་གེ་དང་ཝ་འདྲེ་ཡུན་རིང་ཞིག་ཏུ་མཛའ་བོར་བྱས
205b5 ཀྱང་། དེས་སེང་གེའི་ང་རོའི་སྒྲ་འཛིན་པར་མི་ནུས་ཏེ། ཝ་འདྲེ་ཡང་ཐོས་པ་ཙམ་གྱིས་མཆིའོ། །ཡང་ཅི་ཝ་འདྲེ་དེ་དོམ་གྱི་སྐད་དུ་འབྱིན་ན། སེང་གེའི་རྒྱལ་པོ་ཆེན་པོ་སྒྲ་སྐད་འབྱིན་པ་ཡིན་ནམ། སེང་གེ་ཡང་ཝ་དང་དོམ་གྱི་སྒྲ་སྐད་དུའང་ང་རོ་མི་འབྱིན་གྱི། སེང་གེའི་སྒྲར་སྒྲོགས
205b6 སོ། །དེ་བཞིན་དུ་ཝ་འདྲེ་ལྟ་བུ་བདག་གིས་བྱང་ཆུབ་སེམས་དཔའ་སེང་གེ་ལྟ་བུའི་མཁན་པོ་བྱས་ཏེ། ཡུན་རིང་མོ་ཞིག་ཏུ་ལྷན་ཅིག་འཁོད་ཀྱང་བྱང་ཆུབ་སེམས་དཔའི་སྒྲ་སྐད་འཛིན་ལྟ་ག་ལ་ནུས་ཏེ། གལ་ཏེ་འདི་ཐབས་མ་ཡིན་ན་དེའི་རྩལ་གྱིས་འཆི་བར་འགྱུར་ཏེ། ལྟ་བུ
205b7 བདག་གི་གླེན་པའི་ཆོས་ལ་སྤྱོད་པ་དང་། ཉན་དུ་གཞུག་པ་ལྟ་ཅི་སྨོས། བྱང་ཆུབ་སེམས་དཔའ་ནི་གླེན་པའི་ཆོས་མི་སྤྱོད་པ་སྟེ། སྤྱོད་པ་ཡང་ཐམས་ཅད་ལ་བུ་གཅིག་པ་ལྟ་བུའི་བྱམས་པར་སྤྱོད་པའི་སངས་རྒྱས་ཀྱི་སྤྲུལ་པ་སྒྱུ་མ་མང་པོ་ནི་སེམས་ཅན་བྱེ་བ་དང་། བྲམ་ཟེའི་མཁན
iiif viewer powered by OpenSeadragon
