| e-texts navigator |
| Wylie |
204a1 གསང་བས་ཕོག་པའང་དེ་བཞིན་གཤེགས་པ་ཉིད་ཀྱིས་བཟོད་དོ། །རྒྱལ་པོ་ཆེན་པོ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་ལོགས་སུ་གང་གཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་ཀྱི་སངས་རྒྱས་ཀྱི་ཞིང་འདས་པ་ན། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས
204a2 བརྒྱན་པ་ཞེས་བྱ་བའི་འཇིག་རྟེན་གྱི་ཁམས་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས་ཅད་མཐོང་ན་དགའ་བ་མངོན་པར་འཕགས་པ་བརྩོན་པ་ཆེན་པོ་ཞེས་བྱ་བ་ད་ལྟར་བཞུགས་པ་འཚོ་ཞིང་གཞེས་ཏེ། དེ་ན་ཉན་ཐོས་དང་རང
204a3 སངས་རྒྱས་ཐམས་ཅད་ཀྱང་མེད། ཐེག་པ་གཅིག་ལས་ཐེག་པ་གཞན་གྱི་མིང་ཡང་མེད། རྒ་བ་དང་། ན་བ་དང་། སྡུག་བསྔལ་ཡང་མེད། ཡིད་མི་བདེ་བ་ཡང་མེད། རབ་ཏུ་བདེ་བ་ཐམས་ཅད་དང་ལྡན་ཏེ། སེམས་ཅན་དེ་དག་ཚེ་དཔག་ཏུ་མེད། སེམས་ཅན་དེ་དག་ཐམས་ཅད
204a4 གཟི་བརྗིད་དང་། ཁ་དོག་ཚད་མེད་དེ། འགྲོ་བ་དེ་དག་གི་དཔེ་དང་རྒྱུ་དང་། བྱེད་པ་མེད་པ་དང་། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱིས་བརྒྱན་པ་ལྟ་བུ་དཔེ་མེད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་ཐམས
204a5 ཅད་མཐོང་ན་དགའ་བ་མངོན་པར་འཕགས་པ་བརྩོན་པ་ཆེན་པོ་དེ་ལ་རྒྱལ་པོ་ཆེན་པོ་ཐལ་མོ་སྦྱོར་ལ་རྗེས་སུ་ཡི་རང་བར་གྱིས་ཤིག་། དེ་བཞིན་གཤེགས་པ་དེ་ནི་སོར་མོའི་ཕྲེང་བ་འདི་ཉིད་ཡིན་ཏེ། དེ་ལྟར་ན་སངས་རྒྱས་ཀྱི་ཆེ་བ་དེ་འདྲ་སྟེ། སངས་རྒྱས་ཀྱི་ཡུལ་ནི་བསམ་གྱིས
204a6 མི་ཁྱབ་བོ། །དེ་ནས་ལྷ་དང་མི་དང་། ལྷ་མ་ཡིན་དུ་བཅས་པ་རྣམས་དང་། ཉན་ཐོས་དང་། བྱང་ཆུབ་སེམས་དཔའ་རྣམས་དང་། མཛོད་འཛིན་གྱི་རྒྱལ་པོ་གསལ་རྒྱལ་དང་། ཡན་ལག་བཞི་པའི་དཔུང་གི་ཚོགས་དང་བཅས་པས་མོ་འདེབས་པ་དང་། ལོ་རྩི་བ་རྣམས
204a7 ལ། ཀྱེ་མ་སྨྲ་བ་ཁྱེད་ངའི་དྲུང་ན་མ་གནས་ཤིག་ཅེས་བརྒྱད་ཅིང་སྨད་ནས་བསྐྲད་དོ། །དེ་ནས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་ཁམས་དང་། ཉན་ཐོས་དང་། རང་སངས་རྒྱས་དང་། མཛོད་འཛིན་གྱི་རྒྱལ་པོ་གསལ་རྒྱལ་དང་། གྲོང་དང
iiif viewer powered by OpenSeadragon
