| e-texts navigator |
| Wylie |
202b1 ཁྱི་དང་འདྲ་བར་གཞན་གྱི་དབང་དུ་གྱུར་པས་འཚོ་བ་འཆི་བ་ལ་ཐུག་པར་གྱུར་ཏེ། རང་རང་གི་ལག་ཆ་ཐོགས་ནས། བལ་གླང་པ་དང་། རྟ་པ་དང་། དཔུང་བུ་ཆུང་བ་རྣམས་རབ་ཏུ་བརྒྱན་ཏེ། རྒྱལ་པོ་ག་ལ་བ་དེར་འོངས་སོ། །དེ་ནས་བཙུན་མོ་ཡང་ཀྱི་ཧུད་འབོད་ཅིང་སྡིག་ཅན
202b2 དེའི་གན་དུ་མ་བཞུད་ཅིག་། སྐྱེ་བོ་ཐམས་ཅད་དང་གཞན་གྱི་ཡུལ་འཁོར་རྣམས་ནི་མ་མཆིས་ཀྱང་མི་མདོའི། ལྷ་ལ་ནོངས་པ་བྱུང་ང་རེ། དེ་ནས་མོ་འདེབས་པ་དང་། ལོ་རྩི་བ་དང་། མདུན་ན་འདོན་པ་དང་། རིག་པ་དང་། ལྟས་འདེབས་པ་རྣམས་ལ་སོར་མོའི་ཕྲེང་བ་དེ
202b3 རིང་སོད་དམ་མི་སོད་དྲིས་ན། མོ་འདེབས་པ་དང་། ལོ་རྩི་བ་རྣམས་ཀྱིས་དེ་རིང་སོར་མོའི་ཕྲེང་བ་ཐལ་བར་འགྱུར་རོ་ཞེས་སྨྲས་སོ། །དེ་ནས་རྒྱལ་པོ་དེ་དག་གི་ཚིག་ལ་ཡིད་མ་ཆེས་ནས། བཅོམ་ལྡན་འདས་ག་ལ་བ་དེར་ཡན་ལག་བཞིའི་དཔུང་གི་ཚོགས་ཀྱི་དམག་དང་ལྷན་ཅིག
202b4 ཏུ་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། རྒྱལ་པོ་འཇིགས་ཤིང་སྐྲག་པས་གདོང་དང་དཔྲལ་བ་རྡུལ་ནས་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཐམས་ཅད་མཁྱེན་པའི་ཡེ་ཤེས་ཐམས་ཅད་དང་ལྡན་པས། ཡུལ་མཛོད
202b5 འཛིན་གྱི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱེད་ཀྱི་གདོང་དང་དཔྲལ་བ་རབ་ཏུ་རྡུལ་ན་ཅི། རྒྱལ་པོས་གསོལ་པ། ལག་པ་འདི་རྐང་པ་འདི་ལགས་ན། བཅོམ་ལྡན་འདས་སོར་མོའི་ཕྲེང་བ་ཞེས་བགྱི་བ་སྲིན་པོ་མི་སྟོང་དགུ་བརྒྱ་བཀུམ
202b6 ནས། སོར་མོའི་ཕྲེང་བ་བརྒྱུས་ཏེ་ཕྲེང་བ་ཐོགས་ནས། བདག་དང་འཐབ་ཅེས་སྡོད་ཅིང་མཆིས་སོ། །བདག་ལ་འདུ་བ་ཐམས་ཅད་ཀྱི་སྒོ་ཡང་བཅད་དེ་ཤིང་ཨ་ཤོ་ཀའི་དྲུང་ན་གཅིག་པུ་མཆིས་པ་བྱ་རོག་དང་། ཁྲ་འཁོར་བ་དེའི་མིང་ཙམ་གྱིས་སྐྲག་སྟེ། བདག་གི་གསོལ་པ་དེ
202b7 ལགས་སོ། །བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཅི་ཐབ་མོ་བྱེད་པར་འདོད་དམ། རྒྱལ་པོས་གསོལ་པ། བཅོམ་ལྡན་འདས་ཀྱི་ཞལ་སྔ་ནས་ཚད་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ
iiif viewer powered by OpenSeadragon
