| e-texts navigator |
| Wylie |
200a1 བཅུ་རྩ་བརྒྱད་འབྱུང་ངོ་། །འདོད་ཆེན་པ་བྱེ་བ་ཕྲག་དྲུག་ཅུ་འབྱུང་ངོ་། །ནུབ་ཕྱོགས་སུ་མདོ་སྡེ་ལ་སྨོད་པ་བྱེ་བ་ཕྲག་དགུ་བཅུ་རྩ་དགུ་འབྱུང་ངོ་། །འདོད་ཆེན་པ་བྱེ་བ་ཕྲག་ལྔ་བཅུ་འབྱུང་ངོ་། །བྱང་ཕྱོགས་སུ་མདོ་སྡེ་ལ་སྨོད་པ་བྱེ་བ་ཕྲག་དགུ་བཅུ་རྩ
200a2 བརྒྱད་འབྱུང་ངོ་། །འདོད་ཆེན་པ་བྱེ་བ་ཕྲག་བཞི་བཅུ་འབྱུང་ངོ་། །ཁ་ཆེ་བའི་ཡུལ་དུ་ཡང་ངའི་བསྟན་པ་གླེགས་བམ་ལྷག་མའི་མཛོད་དང་གཏེར་མི་སྟོར་ཏོ། །བྷ་རུ་ཀ་ཙར་ཡང་ངའི་གླེགས་བམ་ལྷག་མའི་མཛོད་དུ་འགྱུར་རོ། །རི་བྷིན་དྷྱ་ལ་ཡང་དེ་བཞིན་ནོ། །
200a3 ཁ་ཆེའི་ཡུལ་གྱི་དགེ་སློང་རྣམས་བསྒྲུབ་པའི་དོན་མི་ཤེས་ནས་ཐེག་པ་ཆེན་པོ་ཐམས་ཅད་ལ་སྨོད་པ་འབྱུང་སྟེ། ང་ལ་སྐུར་པ་དེ་ཇི་ལྟ་བྱ་ཞེས་ང་ཡང་ངོ་ཚ་བ་སྐྱེའོ། །ལྷོ་ཕྱོགས་པའི་རྒྱུད་དུ་ཐེག་པ་ཆེན་པོ་སྟོན་པར་འགྱུར་ཏེ། །ནན་ཏན་སྙིང་པོར་བྱེད་པ་དེ་བཞིན
200a4 གཤེགས་པའི་སྤྱད་པ་སྤྱོད་པ་དངོས་པོ་ཆེན་པོ་བརྒྱད་དང་བྲལ་བ། དེ་བཞིན་གཤེགས་པ་རྟག་པ་དང་། ཐེར་ཟུག་དང་། ཞི་བ་དང་། དེ་བཞིན་གཤེགས་པའི་སྙིང་པོ་བརྟན་པའོ་ཞེས་སྟོན་པར་འགྱུར་རོ། །ངའི་ཉན་ཐོས་དགེ་སློང་དང་། དགེ་སློང་མ་དང་།
200a5 དགེ་བསྙེན་དང་། དགེ་བསྙེན་མ་རྣམས་ནན་ཏན་སྙིང་པོར་བྱེད་པར་འགྱུར་རོ། །ངའི་བསྟན་པ་ཁུར་དུ་ཐོགས་པར་འགྱུར་རོ། །འཇམ་དཔལ་གྱིས་གསོལ་པ། ཀྱེ་མ་བཅོམ་ལྡན་འདས་ལྷོ་ཕྱོགས་སུ་བཅོམ་ལྡན་འདས་ཀྱི་བསྟན་པ་གནས་པར་འགྱུར་རམ།
200a6 བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་བཞིན་ཏེ། ལྷོ་ཕྱོགས་པའི་རྒྱུད་དུ་ངའི་བསྟན་པ་ལོ་དུ་མ་ཞིག་གནས་པར་འགྱུར་རོ། །ཁྱོད་ལྟ་བུ་ཤིན་ཏུ་དཀའ་བ་བྱེད་པའི་བྱང་ཆུབ་སེམས་དཔའ་རྣམས་རང་གི་སྲོག་བཏང་ནས། དེ་བཞིན་གཤེགས་པ་རྟག་པ
200a7 དང་། །དེ་བཞིན་གཤེགས་པ་ཐེར་ཟུག་དང་། དེ་བཞིན་གཤེགས་པ་གཡུང་དྲུང་ངོ་ཞེས་སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་དེ་བཞིན་གཤེགས་པའི་སྙིང་པོ་སྟོན་པར་འགྱུར་ཏེ། དཔེར་ན་དེ་བཞིན་གཤེགས་པ་ཐམས་ཅད་འཇིག་རྟེན་གྱི་ཁམས་འདིར
iiif viewer powered by OpenSeadragon
