| e-texts navigator |
| Wylie |
199b1 རྒྱས་ཀྱིས་སྤྲུལ་པའོ། །དམ་པའི་ཆོས་ནུབ་པར་འགྱུར་བའི་དུས་ན་དེ་ལྟ་བུ་བྱུང་ན་ཆོས་ནུབ་པར་འགྱུར་རོ། །འཇམ་དཔལ་དེ་བཞིན་དུ་བདག་གི་དེ་ཁོ་ན་ནི་འདི་འདྲ་དེ་འདྲའོ་ཞེས་ལོག་པར་ལྟ་བ་བཞིན་དུ་འདི་ལྟ་སྟེ། ཐར་པ་དང་བདག་དང་འཇིག་རྟེན་ལས་འདས་པ་ལ་ལྡེམ
199b2 པོ་ངག་མི་ཤེས་པས་བདག་མེད་པ་སངས་རྒྱས་ཀྱི་ཚིག་གོ་ཞེས་མུར་འདུག་བྱུང་བ་ལྟར་རྣམ་པར་རྟོག་གོ། །རྗེས་སུ་དཔག་པས་ཚུགས་པའི་འཇིག་རྟེན་པ་ལ་ཡང་གཏི་མུག་གི་ཆོས་ཀྱི་དབང་དུ་སོང་ངོ་། །འཇིག་རྟེན་ལས་འདས་པ་ལ་ཡང་ལྡེམ་པོ་ངག་ཏུ་བཤད་པ་མི
199b3 ཤེས་པས་ཤེས་པ་ཉམས་ཏེ། དེའི་ཕྱིར་ཕྱོགས་གཉིས་སྤངས་ཏེ། བདག་ཏུ་གཏོགས་པའི་ཆོས་ཀྱི་དེ་ཁོ་ན་ཉིད་དང་། དེ་བཞིན་གཤེགས་པ་དང་། དགེ་འདུན་གྱི་དེ་བཞིན་ཉིད་ནི་དེ་བཞིན་གཤེགས་པའི་ཐེག་པ་དབུ་མའི་ལམ་དུ་བསྟན་ཏོ། །དབུ་མའི་ལམ་ཞེས་བྱ
199b4 བ་ནི་ཐེག་པ་ཆེན་པོའི་སོ། །སོར་མོའི་ཕྲེང་བས་སྨྲས་པ། དབུ་མའི་ལམ་མི་ཤེས་པས་སེམས་ཅན་རྣམས་དབུ་མའི་ལམ་གཞན་དུ་རྟོག་གོ། །བཅོམ་ལྡན་འདས་ཀྱིས་བཀའ་སྩལ་པ། སོར་མོའི་ཕྲེང་བ་མདོ་སྡེ་འདི་བཤད་པ་ཐོས་ནས་སེམས་ཅན་མང
199b5 དུ་མདོ་སྡེ་འདི་ལ་ཡིད་ཆེས་པར་འགྱུར་རོ། །མ་འོངས་པའི་དུས་ན་སེམས་ཅན་མང་དུ་མདོ་སྡེ་འདི་ལ་སྨོད་པར་འགྱུར་རོ། །སོར་མོའི་ཕྲེང་བས་གསོལ་པ། བཅོམ་ལྡན་འདས་ཕྱོགས་གང་དུ་མདོ་སྡེ་ལ་སྨོད་པ་ཇི་སྙེད་འབྱུང་བ་དང་། འདོད་ཆེན་པ་ཇི་སྙེད་འབྱུང
199b6 བ་བཤད་དུ་གསོལ། ཕྱོགས་གང་དུ་སེམས་ཅན་ཐམས་ཅད་ལ་ཕན་པར་འགྱུར་བ་སྟོན་པ་ཡང་དེ་བཞིན་གཤེགས་པས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མ་འོངས་པའི་དུས་ན་ཡུལ་གྱི་དབུས་འདིར་མདོ་སྡེ་ལ་སྨོད་པའི་སེམས་ཅན་བྱེ་བ
199b7 བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་ངོ་། །འདོད་ཆེན་པ་བྱེ་བ་ཕྲག་བདུན་འབྱུང་ངོ་། །ཤར་ཕྱོགས་སུ་མདོ་སྡེ་ལ་སྨོད་པ་སྟོང་ཕྲག་དགུ་བཅུ་རྩ་བརྒྱད་འབྱུང་ངོ་། །འདོད་ཆེན་པ་བྱེ་བ་ཕྲག་བདུན་འབྱུང་ངོ་། །ལྷོ་ཕྱོགས་སུ་མདོ་སྡེ་ལ་སྨོད་པ་སྟོང་ཕྲག་དགུ
iiif viewer powered by OpenSeadragon
