| e-texts navigator |
| Wylie |
225b1 པ་ཤེས་པ་ལ་མཁས་པ། ཀུན་ནས་ལྡང་བ་དང་། ལྟ་བ་དང་། ཉོན་མོངས་པ་དང་། བག་ལ་ཉལ་སྣ་ཚོགས་སྤོང་བ་ལ་མཁས་པ། ཏིང་ངེ་འཛིན་དང་སྙོམས་པར་འཇུག་པ་ཐམས་ཅད་ཀྱིས་རྣམ་པར་རྩེ་བའི་མངོན་པར་ཤེས་པའི་ཤེས་པ་ལ་མཁས་པ་ཤ་སྟག་ལ་འདི་ལྟ་སྟེ། བྱང་ཆུབ
225b2 སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། སྤྱན་རས་གཟིགས་དབང་ཕྱུག་དང་། མཐུ་ཆེན་ཐོབ་དང་། འབྱུང་དཀའ་དང་། སྤོས་ཀྱི་གླང་པོ་དང་། བརྩོན་པ་མི་གཏོང་དང་། ཉི་མའི་སྙིང་པོ་དང་། གཟུངས་ཀྱི་དབང་ཕྱུག་རྒྱལ་པོ་དང་།
225b3 སྤོས་ཀྱི་འོད་ཟེར་རབ་ཏུ་གཏོང་བ་དང་། འབྲུག་སྒྲ་དང་། གསེར་འོད་རྣམ་པར་ངེས་པའི་རྒྱལ་པོ་དང་། སྲེད་མེད་ཀྱི་བུ་དང་། ལག་ན་རིན་པོ་ཆེ་དང་། ལག་ན་ཕྱག་རྒྱ་རིན་པོ་ཆེ་དང་། ནམ་མཁའ་མཛོད་དང་། སྣང་བའི་རྒྱལ་པོ་དང་། མཐོང་དགའ་དང་། སེམས་ཅན་སྒྲོལ་དང་། རྟག
225b4 ཏུ་བརྩོན་དང་། རྟག་ཏུ་རྒོད་དགའ་དབང་པོ་དང་། ངན་སོང་སྤོང་དང་། རྡོ་རྗེའི་གནས་རྣམ་པར་གནོན་པ་དང་། འཇིག་རྟེན་གསུམ་གྱི་གནས་རྣམ་པར་གནོན་པ་དང་། མི་གཡོ་བའི་གནས་རྣམ་པར་གནོན་པ་དང་། མཐོང་བ་དོན་ཡོད་དང་། དཔལ་གྱི་སྙིང་པོ་དང་། པད་མའི་དཔལ་དང་།
225b5 བལ་གླང་སྤོས་ཀྱི་གླང་པོ་ཆེ་དང་། སྤོབས་པ་ཟབ་མོ་དང་། སྤོབས་པ་ཆེན་པོ་དང་། ཆོས་འཕགས་དང་། ཆོས་ཀྱི་རང་བཞིན་ཐེ་ཙོམ་མེད་པ་དང་། སེང་གེའི་སྟབས་སུ་འགྲོ་བ་དང་། འཇིགས་པ་ཀུན་སེལ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། སེང་གེ་ཆེན་པོ་མངོན་པར
225b6 སྒྲོགས་པའི་སྒྲ་དང་། བརྗོད་མེད་དང་། སྤོབས་པ་བརྩེགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་བརྒྱད་སྟོང་དང་ཡང་ཐབས་ཅིག་གོ། །དེ་ནས་བཅོམ་ལྡན་འདས་ལ་རྒྱལ་པོ་རྣམས་དང་། སྣ་ཆེན་པོ་ལ
225b7 གཏོགས་པ་རྣམས་དང་། གྲོང་ཁྱེར་དང་། ལྗོངས་ཀྱི་མི་རྣམས་དང་། ཞབས་འབྲིང་གཉུག་མ་རྣམས་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་རྣམས་ཀྱིས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ཡངས་པ་ཅན་གྱི་གྲོང་ཁྱེར་ཆེན་པོ་ན་ཚལ་ཆེན་པོའི
iiif viewer powered by OpenSeadragon
