| e-texts navigator |
| Wylie |
99a1 སྟེ། །ཇི་ལྟར་ཁྱོད་ཀྱིས་སྔོན་སྤྱད་པ། །དེ་བཞིན་བདག་ཀྱང་སངས་རྒྱས་ཀྱི། །ཡེ་ཤེས་ཚོལ་བས་བསྒྲུབ་པར་བགྱི། །ཁྱོད་ཀྱིས་སྔོན་ཆད་མ་སྩལ་ཅིང་། །ཡོངས་སུ་མ་བཏང་ཅི་མ་མཆིས། །བདོག་པ་ཐམས་ཅད་གཏོང་བ་ཡི། །བདག་ཀྱང་རྗེས་སུ་བསླབ་པར་བགྱི། །ཁྱོད་ཀྱི་མདོ་སྡེ་འདི
99a2 ཡང་ནི། །འཇིག་རྟེན་མགོན་ལས་མངོན་དུ་བླངས། །ཡང་དང་ཡང་དུ་བཤད་པར་བགྱི། །བདག་པོ་ཁྱོད་ལ་བགྱིས་པར་གཟོ། །མདོ་སྡེ་འདི་ལ་སུ་དགའ་བ། །དེ་དག་བདག་གི་སྟོན་པ་འདྲ། །བདག་ནི་སངས་རྒྱས་ཆོས་འཚལ་བས། །དེ་ལ་རྟག་ཏུ་རིམ་གྲོ་བགྱིད། །དམ་པའི་ཆོས་རྣམས་ཡོངས་སུ
99a3 བསྲུང་། །མགོན་པོ་ཉན་ཐོས་མི་ནུས་ཏེ། །ཕྱི་དུས་འཇིག་པ་ཆེན་པོའི་ཚེ། །བདག་གིས་ཡོངས་སུ་བསྲུང་བར་བགྱི། །མགོན་པོ་བདག་ཀྱང་དབུགས་དབྱུང་གསོལ། །ལྷ་རྣམས་ཐེ་ཙོམ་གཅད་དུ་གསོལ། །ཐུབ་པ་ཁྱུ་མཆོག་ཁྱོད་འདྲ་བར། །ཇི་སྲིད་ཡུན་གྱིས་འགྲུབ་པར་འགྱུར། །ཀུན་མཁྱེན་ཡེ་ཤེས
99a4 མཁས་པ་ཡི། །བདེ་བར་གཤེགས་པས་དེ་ལུང་བསྟན། །ང་ནི་ཅི་འདྲ་དེ་འདྲ་བར། །ཁྱོད་ཀྱང་རྫོགས་པའི་སངས་རྒྱས་འགྱུར། །བསྐལ་པ་བྱེ་བ་ཕྲག་སྟོང་དང་། །བསྐལ་པ་བྱེ་བ་བརྒྱ་ཡི་ཚེ། །འཇིག་རྟེན་དུ་ནི་སངས་རྒྱས་འགྱུར། །མིང་ནི་ཡེ་ཤེས་འབྱུང་ཞེས་བྱ། །བྱང་ཆུབ་ཞི་བ་ཐོབ་ནས་ཀྱང་། །བདུད
99a5 རྣམས་རབ་ཏུ་བཏུལ་ནས་ནི། །སེམས་ཅན་བྱེ་བ་བརྒྱ་སྟོང་རྣམས། །བྱང་ཆུབ་ལ་ཡང་འགོད་པར་འགྱུར། །དེ་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་བསམ་གཏན་ལ་གནས་པ་ཡང་བཏང་སྟེ། རིགས་ཀྱི་བུའམ་རིགས་ཀྱི་བུ
99a6 མོ་གང་ཆོས་ཀྱི་རྣམ་གྲངས་འདི་ཡང་དག་པར་སྟོན་པ་དེ་ལ་ཆོས་ཉན་དུ་མཆིའོ། །དེ་ཅིའི་སླད་དུ་ཞེ་ན། བརྒྱ་བྱིན་དང་ཚངས་པ་ནི་འདི་ལས་སྐྱེས་ཏེ། བཅོམ་ལྡན་འདས་བདག་རིགས་ཀྱི་བུའམ་རིགས་ཀྱི་བུ་མོ་དེ་དག་ལ་བསྙེན་བཀུར་དང་རིམ་གྲོ་བགྱི་བར་སྤྲོའོ། །དེ་དག་ནི་ལྷ་དང་བཅས་པའི་འཇིག་རྟེན
99a7 གྱིས་རིམ་གྲོ་བགྱི་བ་དང་མཆོད་པར་འོས་པ་ལགས་སོ། །དེ་ནས་ཚངས་པ་མི་མཇེད་ཀྱི་བདག་པོས་བཅོམ་ལྡན་འདས་ལ་ཚིགས་སུ་བཅད་པ་འདི་སྐད་ཅེས་གསོལ་ཏོ། །དགེ་སློང་དང་ནི་དགེ་སློང་མ། །དགེ་བསྙེན་དང་ནི་དགེ་བསྙེན་མ། །གང་རྣམས་མདོ་སྡེ་འདི་འཛིན་པ། །སྐྱེ་བོ་ཀུན་གྱི
iiif viewer powered by OpenSeadragon
