| e-texts navigator |
| Wylie |
97a1 བདག་གིས་གླགས་ཀྱང་རྙེད་པར་མི་འགྱུར་རོ། །དེ་དྲན་ཞིང་ཤེས་བཞིན་དུ་ལྡང་བར་འགྱུར། འཆག་པར་འགྱུར། འདུག་པར་འགྱུར། ཉལ་བར་འགྱུར་རོ། །འཇམ་དཔལ་དེ་ལ་རིག་པ་དང་སྔགས་ཀྱི་ཚིག་དེ་དག་གང་ཞེ་ན། འདི་ལྟ་སྟེ། ཨུད་དྷུ་རེ། དྷུ་དྷུ་རེ། མན་ཏེ།
97a2 ཙ་ཏི་མ། གོ་ཙ་རེ། ཤཱི་ལ་ལི། ཧི་ལི་མི་ལི། ཐི་ལི། ཐི་མི་ལི། ཧུ་ལུ་ཧུ་ལུ་ཧུ་ལུ། ཨེ་བད་ཏེ། བེ་ཏ་ཊེ། ཁ་ཁ་རེ། ཁ་རེ། ཁ་ར་ཀེ། ཨཱ་སན་ནེ། ཛ་ག་ཏི། མ་ཧི་ལེ། མ་ནུ་ཥ། ཏ་ནེ་མ་ན་སེ་བར་གན་དྷེ། སརྦ་རུ་ཏི། ར་བཱ་བ་ག་ཏེ། སིན་དྷུ་ལེ། ན་མོ་བུད་དྷེ་བྷྱཿ། ཙ་དི་ར་ཏྲེ།
97a3 ན་མོ་དྷརྨཱ་ཡ་ནི་རྒ་ཏ་ནི། ན་མཿསཾ་གྷཱ་ཡ། བཱ་ཧི་ཏ་པཱ་པེ། བྱུ་པ་ཤཱནྟཱ་ནི། སརྦ་པཱ་པཱ་ནི་མཻ་ཏྲི་མེ། སརྦ་བུདྡྷེབྷྱཿས་ཏྱ་ནིར་དེ་ཤ་བྲཧྨ་པ་ཐོ། མ་ཧཱ་རྀཥི་བྷིཿ། པྲ་ཤཱསྟ་ཏ་ཏྲ་ཏིཥྛ་ན་ཏི། སརྦ་བྷུ་ཏ་གྲཱ་ཧ། ན་མཿ་སརྦ་བུདྡྷེ་བྷྱཿ་སིདྷྱནྟུ་མེ་མནྟྲ་པ་དཱ་སྭཱ་ཧཱ། འཇམ་དཔལ་རིག་པ་དང
97a4 སྔགས་ཀྱི་ཚིག་འདི་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་ལ་བརྩོན་པ། རྟག་ཏུ་ཤེས་བཞིན་དང་ལྡན་པ། མི་རྒོད་པ། ཁེངས་པ་མེད་པ། སེམས་མ་གཡེངས་པ། ཀུན་དུ་སྤྱོད་པ་གཙང་བ། པ་དང་བྲལ་བ། ཆོག་ཤེས་པ། བས་མཐའི་གནས་མལ་ལ་མངོན
97a5 པར་དགའ་བ། འདུ་འཛི་ཉུང་བ། ལུས་དང་སེམས་དབེན་པ། བྱམས་པ་དང་སྙིང་རྗེ་ལ་མངོན་པར་དགའ་བ། ཆོས་ལ་དགའ་ཞིང་མོས་པ། བདེན་པའི་ཚིག་ལ་རབ་ཏུ་གནས་པ། མི་སླུ་བ། ནང་དུ་ཡང་དག་འཇོག་ལ་མངོན་པར་དགའ་བ་ཚུལ་བཞིན་ཡིད་ལ་བྱེད་པ་ལ་བརྩོན
97a6 པ། ཚུལ་བཞིན་མ་ཡིན་པ་ཡིད་ལ་བྱེད་པ་དང་བྲལ་བ། སྦྱངས་པའི་ཡོན་ཏན་དང་ཡོ་བྱད་བསྙུངས་པ་ལ་མངོན་པར་དགའ་བ། རྙེད་པ་དང་མ་རྙེད་པ་ལ་སེམས་མཉམ་པ། མྱ་ངན་ལས་འདས་པ་ལ་མངོན་དུ་ཕྱོགས་པ། འཁོར་བས་འཇིགས་ཤིང་སྐྲག་པ། སྡུག་པ་དང་མི་སྡུག་པ་ལ་སེམས
97a7 མཉམ་པ། འདུ་ཤེས་སྣ་ཚོགས་དང་བྲལ་བ། ལུས་དང་སྲོག་འདོར་བ་དང་། དངོས་པོ་ཐམས་ཅད་ལ་མི་ལྟ་བ། སྤྱོད་པ་དང་ཆོ་ག་ཕུན་སུམ་ཚོགས་པ། ཚུལ་ཁྲིམས་དང་སྡོམ་པ་ལ་མངོན་པར་དགའ་བ། བཟོད་པ་དང་དེས་པ་མང་བ། ངན་དུ་ཟེར་བ་བཟོད་པའི་རང་བཞིན་ཅན། བརྩོན་འགྲུས
iiif viewer powered by OpenSeadragon
