| e-texts navigator |
| Wylie |
83b1 འདོད་པ་དང་། གཡོག་འདོད་པ་དང་། ཆོས་ཀྱི་དབང་ཕྱུག་འདོད་པ་དང་། ལྷའི་ཕུན་སུམ་ཚོགས་པ་འདོད་པ་དང་། མིའི་ཕུན་སུམ་ཚོགས་པ་འདོད་པ་དང་། གྲགས་པ་འདོད་པ་དང་། བརྗོད་པ་འདོད་པ་དང་། ཐོས་པ་འདོད་པ་དང་། དྲན་པ་དང་། བློ་གྲོས་དང་། རྟོགས་པ་དང་། བརྟན
83b2 པ་དང་། ཤེས་རབ་འདོད་པ་དང་། སྤོབས་པ་འདོད་པ་དང་། གཟུངས་འདོད་པ་དང་། དགེ་བའི་བཤེས་གཉེན་རྙེད་པར་འདོད་པ་དང་། མངོན་པར་ཤེས་པ་དང་། རིག་པ་དང་། ཡེ་ཤེས་འདོད་པ་དང་། བྱང་ཆུབ་འདོད་པ་དང་། དགེ་བའི་ཆོས་ཐམས་ཅད་འདོད་པ་དང་། བྱང་ཆུབ་ཀྱི་ཡན
83b3 ལག་འདོད་པ་དང་། ཆོ་ག་འདོད་པ་དང་། སེམས་ཅན་ཐམས་ཅད་བདེ་བ་ཐོབ་པར་བྱ་བར་འདོད་པ་དང་། མྱ་ངན་ལས་འདས་པར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ཆོས་ཀྱི་རྣམ་གྲངས་འདི་མཉན་པར་བྱ། མོས་པར་བྱ། གཟུང་བར་བྱ། ཀུན་ཆུབ་པར་བྱ། བཅང་བར་བྱ། བཀླག
83b4 པར་བྱ། གཞན་ལའང་རྒྱ་ཆེར་རབ་ཏུ་བསྟན་པར་བྱའོ། །གྲོགས་པོ་དག་ཆོས་ཀྱི་རྣམ་གྲངས་འདི་ཆུང་ངུ་ན་མཉན་པ་ཙམ་གྱིས་ཀྱང་གང་དེས་ཡོངས་སུ་མ་བཟུང་བར་གྱུར་པའི་ཕུན་སུམ་ཚོགས་པ་དེ་ངས་མ་མཐོང་ངོ་། །གྲོགས་པོ་དག་མོས་པར་བྱ། གོ་བར་བྱ་སྟེ། སློབ་དཔོན་ནམ་མཁན་པོ
83b5 གང་ལས་ཆོས་ཀྱི་རྣམ་གྲངས་འདི་མཉན་ཏམ། བཟུང་ན་འཇིག་རྟེན་གྱི་ཟང་ཟིང་གང་གིས་དེ་ལ་ལན་བླན་པར་སླ་བ་དེ་ལྟ་བུ་ངས་མ་མཐོང་ངོ་། །དེ་ཅིའི་ཕྱིར་ཞེ་ན། འདི་ནི་འཇིག་རྟེན་ལས་འདས་པའི་ཆོས་ཏེ། འཇིག་རྟེན་གྱི་ཟང་ཟིང་གིས་དེ་སྦྱང་བར་སླ་བ་མ་ཡིན་ནོ། །ཆོས་འདི་དག་ནི་འཇིག
83b6 རྟེན་གྱིས་མ་གོས་པ་སྟེ། འཇིག་རྟེན་གྱི་ཟང་ཟིང་གིས་སྦྱང་བར་སླ་བ་མ་ཡིན་ནོ། །ཆོས་འདི་ནི་ཟང་ཟིང་མེད་པ་སྟེ། འཇིག་རྟེན་གྱི་ཟང་ཟིང་གིས་སྦྱང་བར་སླ་བ་མ་ཡིན་ནོ། །ཆོས་ཀྱི་རྣམ་གྲངས་འདི་ལ་ལན་བླན་པ་ནི་ཆོས་ཀྱི་ནན་ཏན་མ་གཏོགས་པར་གཞན་མེད་དེ། ལོག་པའི་ནན་ཏན་གྱིས་མ་ཡིན
83b7 ནོ། །གང་འདི་ལ་ཞུགས་པ་དེ་དག་གིས་མཁན་པོ་དང་སློབ་དཔོན་ལ་གུས་པར་བྱས་སོ། །དེ་དག་གིས་ལན་བླན་པ་དག་བྱས་སོ། །དེ་དང་དེ་དག་ནི་བུ་ལོན་མེད་པར་ཡུལ་འཁོར་གྱི་བསོད་སྙོམས་ཟའོ། །དེ་དང་དེ་དག་ནི་དེ་བཞིན་གཤེགས་པའི་ཚིག་ལ་ནན་ཏན་དུ་བྱེད་པའོ། དེ་དང་དེ་དག
iiif viewer powered by OpenSeadragon
