| e-texts navigator |
| Wylie |
80b1 དག་ནི་སྤངས་པ་ཡིན། །དེ་དག་ཉོན་མོངས་རྒྱུ་རྣམས་ཀྱང་། །སྡིག་པ་མེད་པར་དག་པར་ཤེས། །རྐྱེན་ལ་ལྷག་པར་མོས་པ་ལ། །ལྟ་བ་དག་ནི་ཡོད་མ་ཡིན། །འདི་ལྟར་ཆོས་རྣམས་ཐམས་ཅད་ནི། །རྐྱེན་ལས་རག་ལུས་དངོས་པོ་མེད། །བདག་ཏུ་ལྟ་དང་སངས་རྒྱས་ལྟ། །སྟོང་པར་ལྟ་བ
80b2 གང་ཡིན་དང་། །མྱ་ངན་འདས་དང་འཁོར་བར་ལྟ། །ཐམས་ཅད་དེ་ལ་ཡོངས་མེད་དོ། །ཤེས་རབ་རང་བཞིན་ཤེས་ནས་ནི། །སྣང་བར་གྱུར་མ་ཐག་ཏུ་ཡང་། །དེ་དག་མུན་བྲལ་ཆགས་མེད་ཅིང་། །བྱང་ཆུབ་སྤྱོད་ལ་སྤྱོད་པར་འགྱུར། །ཐེག་པ་ཆེན་པོའི་ཐེག་པ་འདི། །སངས་རྒྱས་ཐེག་པ་བསམ་མི
80b3 ཁྱབ། །སེམས་ཅན་གྱི་ནི་གོ་སྐབས་འབྱེད། །ཐེག་པ་ཆེན་པོ་བླ་ན་མེད། །ཐེག་པ་ཇི་སྙེད་ཅི་ཡོད་པ། །འདི་ནི་དེ་ཡི་མཆོག་ཏུ་དགོངས། །དེ་ཕྱིར་ཐེག་པ་ཆེན་པོ་ལས། །ཐེག་པ་ཐམས་ཅད་རབ་ཏུ་དབྱེ། །ཐེག་པ་གཞན་དུ་ཆུང་ངུ་སྟེ། །ཐམས་ཅད་ཀྱི་ནི་གོ་སྐབས་མེད། །ཐེག་པ་ཆེན་པོ་འདི་ལ
80b4 ནི། །ལུས་ཅན་ཀུན་གྱི་གོ་སྐབས་ཤོད། །ཐེག་པ་ཆེན་པོ་ནམ་མཁའ་ལྟར། །དྲི་མ་མེད་ལ་གང་ཞུགས་པ། །དེ་དག་ལུས་ཅན་ཐམས་ཅད་ལ། །སེར་སྣ་བྱེད་པ་ཡོད་མེད་དོ། །ཇི་ལྟར་ནམ་མཁའ་ཚད་མེད་ཅིང་། །གཟུགས་མེད་བསྟན་དུ་མེད་པ་ལྟར། །དེ་བཞིན་ཐེག་པ་ཆེན་པོ་འདི། །ཚད
80b5 མེད་སྒྲིབ་པ་མེད་པའོ། །གལ་ཏེ་སེམས་ཅན་ཐམས་ཅད་ཀྱང་། །ཐེག་པ་དམ་པ་འདོད་འགྱུར་ན། །ཐམས་ཅད་ཀྱི་ཡང་གོ་སྐབས་ཡོད། །ཐེག་པའི་ཁྱད་པར་དག་ལ་ལྟོས། །ཐེག་པ་ཆེན་པོའི་ཡོན་ཏན་དང་། །དེ་ལ་གང་རྣམས་གནས་པ་ཡིན། །དེ་དག་གི་ནི་བསྔགས་པའི་མཐའ། །བསྐལ་པ
80b6 བྱེ་བར་བཤད་མི་ནུས། །ཚིག་བཞི་པ་ཡི་ཚིགས་བཅད་ཙམ། །མདོ་སྡེ་འདི་ལས་གང་འཛིན་པ། །དེ་དག་གིས་ནི་མི་ཁོམ་སྤངས། །མཁས་པ་དེ་དག་དལ་བ་ཐོབ། །གང་དག་མདོ་སྡེ་འདིར་དགའ་བ། །དེ་དག་ཕྱིན་ཆད་ངན་སོང་དུ། །འགྲོ་བར་འགྱུར་བ་མ་ཡིན་ཏེ། །དེ་དག་ལྷ་དང་མིར་འགྱུར
80b7 རོ། །ཕྱི་དུས་འཇིགས་པ་ཆེན་པོའི་ཚེ། །མདོ་སྡེ་འདི་ནི་གང་ཉན་པ། །དེ་དག་ཐམས་ཅད་བྱང་ཆུབ་ཏུ། །ཤིན་ཏུ་གཞོལ་བར་ངས་ལུང་བསྟན། །དེ་ཡི་ལག་ན་ཆོས་ཡོད་དེ། །དེ་དག་དམ་པའི་ཆོས་ལ་གནས། །ཆོས་འདི་ལ་ནི་གནས་ནས་ཀྱང་། །དེ་དག་ཆོས་ཀྱི་འཁོར་ལོ་བསྐོར། །གང་གིས
iiif viewer powered by OpenSeadragon
