| e-texts navigator |
| Wylie |
6a1 རུང་སྟེ་ཅི་མི་སྙམ་པར་བྱེད་དོ། །ཀྱེ་མ་དགེ་སྦྱོང་འདི་ནི་མགོ་རེག་ངན་པའོ། །ཀྱེ་མ་དགེ་སྦྱོང་འདི་ནི་མགོ་རེག་མི་སྡུག་པ་ངན་པའོ་ཞེས་འཇིག་རྟེན་གྱིས་དཔྱས་ཀྱང་ཅི་མི་སྙམ་པར་བྱེད་དོ། །ཡང་དག་པར་མ་ཡིན་པས་སྐུར་ཀྱང་བཟོད་པར་བྱེད་ཅིང་དང་དུ་ལེན་ལ།
6a2 ལས་བདག་གིར་བྱ་བ་ཉིད་ལ་རྟོན་ཏེ། བཟོད་པ་དེས་ཀྱང་བདག་ལ་སྟོད་པར་མི་བྱེད། གཞན་ལ་སྨོད་པར་མི་བྱེད་དོ། །དེ་ལེ་ལོའི་སེམས་གདུལ་བའི་ཕྱིར་དང་། བྱང་ཆུབ་ཀྱི་ཕྱོགས་ཀྱི་ཆོས་མ་ཐོབ་པ་རྣམས་ཐོབ་པར་བྱ་བའི་ཕྱིར་དང་། ཐོབ་པ་རྣམས་འཕེལ་བར་བྱ་བའི
6a3 ཕྱིར་དང་། འཕེལ་བ་རྣམས་ཡོངས་སུ་སྨིན་པར་བྱ་བའི་ཕྱིར་དང་། ཡོངས་སུ་སྨིན་པ་རྣམས་ཡང་དག་པར་གཟུང་བར་བྱ་བའི་ཕྱིར་དང་། ཡང་དག་པར་གཟུང་བ་རྣམས་རྣམ་པར་དབྱེ་བའི་ཕྱིར་བརྩོན་འགྲུས་རྩོམ་མོ། །དེ་སེམས་ཅན་གྱི་ཆེད་རྣམས་དང་སེམས་ཅན་གྱི་བྱ
6a4 བ་རྣམས་ལ་ཡོངས་སུ་མི་སྐྱོ་ཞིང་ཡོངས་སུ་ཡི་མི་ཆད་དེ། ཡོངས་སུ་སྐྱོ་བའི་སེམས་མི་སྐྱེད་དོ། །དེ་གདོལ་པ་ལ་ཕན་གདགས་ཀྱང་རུང་། རྒྱལ་པོ་ལ་ཕན་གདགས་ཀྱང་རུང་། ཤིན་ཏུ་ལམ་རིང་པོར་ཡང་འགྲོ་སྟེ། ཐ་དད་པ་མི་དམིགས་ཤིང་རྒྱུན་མི་གཅོད་པ་ཡིན
6a5 ནོ། །གལ་ཏེ་བྱང་ཆུབ་སེམས་དཔའ་སྡུག་བསྔལ་ཞིང་བཀྲེན་པའི་སེམས་ཅན་གྱི་དངོས་པོ་ཐམས་ཅད་ངན་པ་ཞིག་གིས་གཏམས་སམ། འབྱོར་ཅིང་ནོར་ཆེ་བ་གང་ཡང་རུང་བ་ཞིག་གིས་དངོས་པོ་བཟང་པོ་མཆོག་གྱ་ནོམ་པ་ཞིག་བསྟབས་ཀྱང་དེ་ལ་བྱང་ཆུབ་སེམས་དཔའ་སྙིང་བརྩེ
6a6 བའི་སེམས་བཞག་ལ་གུས་པར་བསྟོད་ཅིང་། ཡང་དག་པར་གཟེངས་བསྟོད་ལ། ཡང་དག་པར་འཛིན་དུ་གཞུག་ཅིང་དངོས་པོ་ངན་པ་དེ་བླང་བར་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། སྡུག་བསྔལ་བའི་སྦྱིན་པ་འདི་ནི་སྦྱིན་པ་བྱ་དཀའ་བ་ཡིན་པའི་ཕྱིར་རོ། །དེ་རྣམ་པར་གཡེང
6a7 བའི་སེམས་གདུལ་བའི་ཕྱིར་བསམ་གཏན་ལ་བསམ་གཏན་པར་བྱེད་དོ། །ཇི་ལྟར་བསམ་གཏན་བྱེད་ཅེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་ཐོག་མ་ཁོ་ནར་ལུས་ལེགས་པར་བསྡམས་པ་ཡིན་ནོ། །ལུས་དབེན་པར་གནས་པ་ཡིན་ནོ། །ལུས་ཀྱི་འདུ་འཛི་རྣམས་ཀྱང
iiif viewer powered by OpenSeadragon
