| e-texts navigator |
| Wylie |
64b1 གང་ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན་དང་། སངས་རྒྱས་ཀྱི་སྤྱན་ལའང་མངོན་པར་མ་ཆགས་པ་དེས་དེ་བཞིན་གཤེགས་པ་མཐོང་ངོ་། །སྨྲས་པ། འཇམ་དཔལ་སུས་ཆོས་མཐོང་། སྨྲས་པ། གང་རྟེན་ཅིང་འབྲེལ་བར་འབྱུང་བ
64b2 མཐོང་ཞིང་འགལ་བར་མི་བྱེད་པ་རྣམས་ཀྱིས་སོ། །སྨྲས་པ། སུས་རྟེན་ཅིང་འབྲེལ་བར་འབྱུང་བ་རྣམས་མཐོང་། སྨྲས་པ། གང་མཉམ་པ་ཉིད་མི་སྐྱེད་ཅིང་འགལ་བར་མི་བྱེད་པས་སོ། །སྨྲས་པ། འཇམ་དཔལ་སུ་དག་མངོན་པར་ཤེས་པ་ཐོབ། སྨྲས་པ། གང་ཟག
64b3 པ་མི་སྐྱེད་ཅིང་མི་འགོག་པ་རྣམས་སོ། །སྨྲས་པ། འཇམ་དཔལ་སུས་དེ་བཞིན་གཤེགས་པའི་བསླབ་པ་ལ་སློབ། སྨྲས་པ། གང་མངོན་པར་འདུ་མི་བྱེད་པ་དང་། མྱོང་བར་མི་བྱེད་པ་དང་། མི་སྐྱེད་པ་དང་། སོ་སོར་མི་སྤོང་བ་རྣམས་སོ། །སྨྲས་པ། འཇམ་དཔལ་སུ
64b4 ཡང་དག་པར་ཞུགས། སྨྲས་པ། གང་ཁམས་གསུམ་པ་ལ་མ་ཞུགས་པའོ། །སྨྲས་པ། འཇམ་དཔལ་གང་ཤིན་ཏུ་དུལ་བ་ཡིན། སྨྲས་པ། གང་ཡང་སྲིད་པ་མི་ལེན་པའོ། །སྨྲས་པ། འཇམ་དཔལ་གང་བདེ་བར་གྱུར་པ་ཡིན། སྨྲས་པ། གང་ང་ཡིར་བྱ་བ
64b5 མེད་པ་རྣམས་སོ། །སྨྲས་པ། འཇམ་དཔལ་སུ་དག་གྲོལ་བ་ཡིན། སྨྲས་པ། གང་དམིགས་པར་འཁྲུག་པར་མི་བྱེད་པ་རྣམས་སོ། །སྨྲས་པ། འཇམ་དཔལ་སུ་དག་རྒལ་བ་ཡིན། སྨྲས་པ། གང་འཁོར་བ་དང་། མྱ་ངན་ལས་འདས་པ་ལ་མི་གནས་པ་རྣམས་སོ། །
64b6 སྨྲས་པ། འཇམ་དཔལ་ཟག་པ་ཟད་པའི་དགེ་སློང་ཅི་ཟད། སྨྲས་པ། ཚངས་པ་གལ་ཏེ་ཟད་པར་གྱུར་ན་ནི་ཟག་པ་ཟད་པར་མི་འགྱུར་ཏེ། ཟག་པ་དེ་དག་ནི་སྐད་ཅིག་པ་ཡིན་པ་དེས་དེ་དག་དེ་བཞིན་དུ་ཤེས་པས་ན་དེའི་ཕྱིར་ཟག་པ་ཟད་པ་ཞེས་བྱའོ། །སྨྲས་པ། འཇམ
64b7 དཔལ་སུ་དག་བདེན་པར་སྨྲ་བ་ཡིན། སྨྲས་པ། གང་རྩོད་པ་ཐམས་ཅད་ལས་ཤིན་ཏུ་འདས་པ་རྣམས་སོ། །སྨྲས་པ། འཇམ་དཔལ་སུ་ལམ་དུ་ཞུགས་པ་ཡིན། སྨྲས་པ། ཚངས་པ་བྱིས་པ་སོ་སོའི་སྐྱེ་བོ་རྣམས་ལམ་དུ་ཞུགས་པའོ། །སྨྲས་པ། འཇམ་དཔལ་སུ་ལམ་མ
iiif viewer powered by OpenSeadragon
