| e-texts navigator |
| Wylie |
20b1 གཞན་ལ་འཁུ་བར་བྱེད། །གང་ཟག་མ་དད་བདག་ཉིད་གླིང་མི་བྱེད། །ཀླན་ཀ་ཚོལ་ཞིང་གཞན་གྱི་ཉེས་པ་འཛིན། །ནགས་ཀྱི་ཨེ་རཎྜ་ཡི་ཤིང་ལྟ་བུ། །དེ་ནི་ཁྱིམ་པ་མ་ཡིན་དགེ་སློང་མིན། །རྣམ་པར་མ་དག་རུང་བཞིན་ཁོང་གཡོ་ཅན། །སུ་ཡི་བསྟན་པ་ལ་ཡང
20b2 འཇུག་མི་བྱེད། །གཞན་གྱི་ཡིད་བརྟན་ན་ཡང་འཁུ་བར་བྱེད། །བསྐལ་པར་གསོས་ཀྱང་མཛའ་བོར་ཡོང་མི་འགྱུར། །དེ་དག་འཚོ་བ་རྣམས་ཀྱང་དག་པ་མེད། །མ་དད་རབ་ཏུ་བྱུང་བའི་དགེ་སློང་རྣམས། །དེ་དག་ཐར་པའི་ཆོས་མང་སྤངས་པས་ན། །རིང་པོར་མི་ཐོགས་པར
20b3 ནི་ལྟུང་བར་འགྱུར། །དད་པ་མེད་པ་བསྙེན་བཀུར་འདོད་པའི་ཕྱིར། །མི་བདེན་ཆོས་རྣམས་གཞན་ལ་གོ་བར་བྱེད། །གཡོ་བྱེད་རང་བཞིན་རྣམ་པར་སྦེད་བྱེད་ཅིང་། །དེ་ནི་གཞོགས་སློང་ཁ་གསག་བྱེད་པ་ཡིན། །དེ་ཡི་སེམས་རྒྱུད་རྟག་ཏུ་གཡན་ཡང་སྤྱོ། །གཞན་དག
20b4 གཏམ་བརྗོད་པ་ནི་ཐོས་ན་ཡང་། །གཏམ་འདི་བདག་གི་ཕྱིར་ནི་གཏམ་བྱེད་སྙམ། །དད་པ་མེད་པ་ཁུ་འཕྲིགས་ཟ་བར་འགྱུར། །དེ་ནི་གཞན་གྱི་གཏམ་དག་བརྗོད་བྱས་ནས། །བདག་ཉིད་མ་དག་དེ་བཞིན་གཞན་ཡང་མཐོང་། །མ་དད་པ་ནི་སྐྲག་པ་བཞིན། །སུ
20b5 ལའང་མི་འབེབས་ཡིད་ཀྱི་རྟོན་མི་བྱེད། །སྦྱོར་བ་ཉམས་ཤིང་གཞན་ཡིད་མི་སྲུང་བ། །ཚོགས་ཀྱི་ནང་དུ་ཡིད་ཀྱང་ཞུམ་པར་འགྱུར། །ལག་པས་ཚམ་ངམ་བྱེད་ཅིང་འཐབ་པར་བྱེད། །འོང་བ་དག་ལ་ཚར་ཡང་གཅོད་བྱེད་ཅིང་། །གཞུང་མེད་པར་ནི་འཛུགས་ཤིང་གླེང་བར་བྱེད། །ཕྲ་མའི
20b6 རང་བཞིན་སྡིག་པ་མང་པོ་ཅན། །འཐུན་དང་བྲལ་ལ་འཐབ་ཅིང་སྡང་བ་རྣམས། །མ་དད་རང་བཞིན་མཚན་མ་འདི་དག་ཡིན། །དེ་དག་དད་མེད་རབ་ཏུ་བྱུང་ནས་ནི། །འདྲེན་པའི་བསྟན་ལ་དེ་དག་སུན་ཡང་འབྱིན། །འཐུན་པ་གང་གིས་དགེ་འདུན་མཛེས་འགྱུར་ཏེ། །དེ་དག་ཆོས་མིན་ཚིག་གིས
20b7 འགལ་བར་བྱེད། །རྒྱལ་བ་རྣམས་ཀྱི་བསྟན་ལ་དྲི་མ་དེས། །མུ་སྟེགས་ཅན་ལྟར་སོམ་ཉི་ཐེ་ཙོམ་བཅས། །དེས་ནི་ཆོས་ལ་གླགས་གཏོང་འགལ་བྱས་ནས། །དད་མེད་དེ་ནི་ཆོས་ཀྱང་སྤོང་བར་བྱེད། །དེ་ཡི་ལོག་པར་ལྟ་བ་མ་སྤངས་ཏེ། །ཕྱི་རོལ་མུ་སྟེགས་ཅན་གྱིས་ནང་དུ་སྨོད། །དེས
iiif viewer powered by OpenSeadragon
