| e-texts navigator |
| Wylie |
19a1 ཤིང་དེས་ལ་བཀའ་བློ་བདེ་བ་དང་། །རྟག་ཏུ་ངན་ངོན་ཙམ་གྱིས་ཆོག་ཤེས་པ། །སྐྱེ་དགུ་སྤྲིན་གྱི་ཆུས་ནི་ཚིམ་བྱེད་ལྟར། །ལྷར་བཅས་འགྲོ་བ་ཆོས་ཀྱིས་ཚིམ་པར་བྱེད། །དེ་ཡི་དུས་ཀྱི་ཚེ་ན་ས་སྟེང་དུ། །བཀོད་པའི་རྒྱལ་པོ་ཞེས་བྱ་གྲོང་ཁྱེར་བྱུང་། །ཁོ་ར
19a2 ཁོར་ཡུག་དཔག་ཚད་བརྒྱད་དུ་གྱུར། །མི་རྣམས་དེ་དག་བློ་ལྡན་ལོ་ལེགས་བདེ། །ཆོས་སྨྲ་དྲན་པའི་བློ་ཅན་དེ་འོངས་ནས། །སྲོག་ཆགས་རྣམས་ལ་ཕན་ཕྱིར་ཆོས་ཀྱང་བསྟན། །སྲོག་ཆགས་བྱེ་བ་ཕྲག་ནི་ཉི་ཤུ་གསུམ། །བླ་མེད་བྱང་ཆུབ་ལ་ནི་བཀོད་པར་གྱུར། །མེ་ཏོག
19a3 རྣམས་དང་སྤོས་དང་གོས་རྣམས་དང་། །བཅའ་བ་ཐུག་པ་དང་ནི་འཚམ་པ་ཡི། །གླུ་དབྱངས་རོལ་མོའི་སྒྲ་རྣམས་རབ་མཆོག་གིས། །དེ་དག་དེ་ལ་སངས་རྒྱས་བཞིན་དུ་མཆོད། །དགེ་སློང་ལྔ་བརྒྱ་ཤིན་ཏུ་མི་འཐུན་གྱུར། །གྲོང་ཁྱེར་དུ་ནི་དེ་ཡི་བསྔགས་མིན་སྒྲོགས། །
19a4 ཚུལ་ཁྲིམས་མི་ལྡན་ཉེས་པ་དེས་ཤེས་ཞེས། །རེ་རེ་ནས་ནི་ཕྱིན་པའི་མདུན་དུ་བརྗོད། །ཟླ་བ་ཉ་བའི་གསོ་སྦྱོང་བབ་པ་ན། །གལ་ཏེ་དོ་ནུབ་མྱུར་དུ་མ་སོང་ན། །གནད་རྣམས་གཏུབ་ཅིང་སྲོག་ཀྱང་གཅད་དོ་ཞེས། །སྨྲ་བའི་དགེ་སློང་སྡིག་ཅན་ལངས་པར་གྱུར། །དགེ
19a5 སློང་དེ་དག་ཉིད་ལ་སྙིང་རྗེ་ནས། །སེམས་ཅན་དག་པ་དེ་ནི་མ་ཞུམ་སོང་། །སངས་རྒྱས་སྲས་ལ་ཅི་ཕྱིར་བརྙས་བྱེད་ཅེས། །ལྷ་རྣམས་སྟོང་དག་མི་དགའ་ངུ་བར་བྱེད། །དེ་ན་དགེ་སློང་ལྔ་བརྒྱ་དེ་དག་ཀུན། །དགོད་ཅིང་མགུ་བས་མཚན་མོ་འདའ་བར་བྱེད། །ཀྱེ་མ་བདག
19a6 ཅག་དེ་ལས་ལེགས་པར་ཐར། །ཁུར་ལྕི་བོར་བ་སྙམ་དུ་ཉམས་ལ་སེམས། །དགེ་སློང་ལྔ་བརྒྱ་དུས་ལས་འདས་གྱུར་ན། །བསྐལ་པ་བརྒྱད་ཅུ་དམྱལ་བར་གནས་པར་འགྱུར། །བསྐལ་པ་བྱེ་སྟོང་བདུན་ཅུ་རྩ་དྲུག་ཏུ། །འཇིག་རྟེན་དེར་ནི་དགེ་སློང་གནས། །སེམས
19a7 ཅན་དེ་དག་ཚེ་རབས་དག་ཏུ་ལྡོངས། །དེ་དག་སྦྲུལ་གདུག་སྐྱེས་ཏེ་ས་རྡུལ་ཟ། །བྱིས་པ་རྣམས་ཀྱིས་མཐོང་ནས་བོང་བས་བརྒྱབ། །སྐྱབས་ཀྱང་མེད་ཅིང་དཔུང་གཉེན་མེད་པར་གྱུར། །ཚེ་རབས་བྱེ་བ་སྟོང་ཕྲག་བརྒྱད་དུ། །མི་ཡི་ནང་དུ་སྐྱེས་ནས་དབུལ་པོར་གྱུར། །
iiif viewer powered by OpenSeadragon
