| e-texts navigator |
| Wylie |
175a1 རྙེད་དོ། །སྔོན་ཡང་མ་བྱུང་ཕྱིས་མི་འབྱུང་། །དབུས་ནའང་ཡོད་པ་མ་ཡིན་ཏེ། །དེ་ལྟ་བུ་ཡི་དོན་གྱིས་ན། །ཆོས་ཀུན་མཉམ་པ་ཉིད་ཀྱི་ཕྱིར། །དེས་པ་དེ་དག་ཟས་ཕྱིར་དང་། །སྐོམ་གྱི་ཕྱིར་དང་གོས་ཀྱི་ཕྱིར། །ཁྱིམ་ཁྱིམ་དག་དུ་འགྲོ་བྱེད་ཅིང་། །ཆོས
175a2 རྣམས་སྟོན་པར་མི་བྱེད་དོ། །རྒྱུ་མེད་དེས་པ་བཟང་པོ་ཡིན། །དེ་དག་སངས་རྒྱས་བསླབས་པ་རྣམས། །འདའ་ཞིང་འཇིག་པར་མི་བྱེད་དེ། །བརྟུལ་བཟང་སྟོང་ཉིད་སྐྲག་པ་མེད། །འཇིགས་པ་མེད་པར་འཇུག་པར་བྱེད། །ལྟ་བ་མི་བཟད་འཇིག་མི་བྱེད། །སེམས་ཅན་གང་ཟག
175a3 དངོས་མི་འཇིག་། དཀར་པོའི་ཆོས་རྣམས་ཐམས་ཅད་ལ། །ཤིན་ཏུ་བརྟན་པར་གནས་པ་ཡིན། །བརྟན་པོ་དེ་དག་འཇིག་རྟེན་ན། །མྱ་ངན་འདས་པའང་རེག་གྱུར་ནས། །མཆོད་པའི་གནས་སུ་འོས་པར་འགྱུར། །གང་དག་ཤེས་རབ་འཆལ་པ་དང་། །ལེ་ལོ་ཅན་དང
175a4 དམན་ལ་བརྩོན། །ཐོས་པ་ཉུང་དང་སྡིག་པ་འདོད། །ང་རྒྱལ་ཐ་བ་ཁྲོ་འགྱུར་གནས། །མགོ་ལ་སྤུ་གྲི་སྟེན་བྱེད་ཅིང་། །ཤིང་གིས་ཁ་བསྒྱུར་ཆོས་གོས་གྱོན། །སྟོང་པ་ཉིད་ནི་དོན་མེད་པ། །དེ་ནི་མཁས་པ་སྒོམ་མི་བྱེད། །ཆོས་ལ་སུན་འབྱིན་ཐེག་ཆེན་གྱི། །བསྔགས
175a5 པ་མ་ཡིན་རྗོད་པར་བྱེད། །གང་ཞིག་ཆོས་འདི་བསྟན་པ་རྣམས། །ཇི་ལྟར་བསྟན་པ་དེ་བཞིན་དུ། །ནག་པོའི་ཕྱོགས་ལ་ཀུན་ཏུ་ཆགས། །དེས་ནི་ངན་འགྲོར་འགྲོ་བར་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཡུལ་འཁོར་སྐྱོང
175a6 དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་ཡུལ་འཁོར་སྐྱོང་གིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ
175a7 རྫོགས་། ། །།རྒྱ་གར་གྱི་མཁན་པོ་ཛི་ན་མི་ཏྲ་ལ་སོགས་པ་དང་། ཞུ་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
iiif viewer powered by OpenSeadragon
