| e-texts navigator |
| Wylie |
73b1 བྱེ་བར་རྒྱ་ཆེན་ལས་བྱུང་བསགས་པར་བརྗོད། །ཚུལ་ཁྲིམས་ཀྱིས་ནི་སྡིག་བསལ་ལུས་དང་ངག་དང་སེམས། །སྲིད་པ་ཐམས་ཅད་བོར་ནས་བྱང་ཆུབ་སྙིང་པོར་འགྲོ། །མཉམ་ཞིང་རྗེས་སུ་མཉམ་སེམས་སེམས་ཅན་ཀུན་སྐབས་འབྱེད། །དེ་ལས་གཞན་པའི་ཐེག་དམན་ཇི་སྙེད་ཟིལ
73b2 གྱིས་གནོན། །གང་དག་རྫུ་འཕྲུལ་རྐང་གི་རི་རབ་རྒྱལ་མཚན་མཐོ། །ཐེག་པ་ཆེན་པོར་འགྲོ་ཞིང་སེམས་ཅན་ཚིམ་པར་བྱེད། །ཐོས་དང་དུལ་བར་ལྡན་ཞིང་བསམ་གཏན་ཚུལ་ཁྲིམས་ལྡན། །བཟོད་སྟོབས་རབ་ཏུ། །ཐོབ་ཅིང་ཤེས་རབ་དབང་བསྐུར་བ། །ཕ་རོལ་ཚོགས་རྣམས་བཅོམ
73b3 ཞིང་བདུད་ཀྱི་སྡེ་སྤངས་ནས། །ཆགས་མེད་ཐེག་པ་ཆེ་དང་བྱང་ཆུབ་སྙིང་པོར་འགྲོ། །བྱམས་པའི་གོ་ཆའི་ཆོས་ཀྱི་དགྲ་ཡིས་ཐུབ་པར་དཀའ། །ཆོས་དང་ལྡན་ནས་སྙིང་རྗེ་ཆེན་པོར་རིམ་གྱིས་འགྲོ། །བསམ་གཏན་རྫུ་འཕྲུལ་རྐང་དང་ཚད་མེད་བཞོན་པ་སྟེ། །ལམ་དེ་མི་འདོར་ཁ་ལོ་བསྒྱུར
73b4 བ་བྱང་ཆུབ་སེམས། །ཕྱོགས་བཅུ་མཐའ་ཡས་སེམས་ཅན་ཁམས་རྣམས་ཇི་སྙེད་པ། །ཐེག་པ་ཆེན་པོ་འདི་ལ་བསྐྱོན་པ་ཐམས་ཅད་ནི། །གནོད་པ་མེད་ཅིང་འགྲིབ་པ་མེད་ཅིང་གང་བ་མེད། །བདེ་བར་གཤེགས་ཀྱི་ཐེག་པའི་ཆོ་འཕྲུལ་འདི་འདྲའོ། །དྲན་གནས་ཡང་དག་སྦྱོར་དང་སྤོང་བ་བཞི
73b5 དག་དང་། །རྫུ་འཕྲུལ་རྐང་པ་བཞི་དང་དབང་པོ་སྟོབས་རྣམས་དང་། །རྒྱལ་བས་བསྔགས་པའི་བྱང་ཆུབ་ཡན་ལག་རིན་ཆེན་བདུན། །ལམ་གྱིས་འགྲོ་བར་ལྡན་པ་བྱང་ཆུབ་སྙིང་པོར་འགྲོ། །ཞི་གནས་ཉོན་མོངས་ཞི་ཞིང་ཆོས་ལ་སྣང་བར་འགྱུར། །རྡུལ་དང་མུན་པ་བསལ་ནས
73b6 སྲིད་པ་གསུམ་ན་མཛེས། །བརྒྱ་བྱིན་དང་ནི་ཚངས་པས་སྤྱི་བོས་ཕྱག་བྱས་ཏེ། །ལེགས་སོ་མཚུངས་མེད་ཐེག་འདིར་ཀུན་གྱིས་བཞོན་པར་བགྱི། །ཕ་རོལ་ཕྱིན་པ་གང་དག་སྦྱིན་ཚུལ་བཟོད་པ་དང་། །བརྩོན་འགྲུས་བསམ་གཏན་ཤེས་རབ་ཡེ་ཤེས་མངོན་པར་ཤེས། །དེ་བཞིན་ཐབས
73b7 དང་བསྡུ་བ་སྙིང་པོ་ལྡན་པ་སྟེ། །བདུད་རྣམས་བརྒྱ་སྟོང་གིས་ཀྱང་གདུལ་ཕྱིར་ཐུབ་པ་མེད། །སེམས་ཅན་གང་དག་ཚུལ་ངན་སྡིག་ལས་བརྩོན་པ་དང་། །བྱང་ཆུབ་སེམས་དཔའ་གང་དག་ཡོན་ཏན་བརྒྱས་འཕགས་དང་། །གང་དག་བྱང་ཆུབ་སེམས་ཀྱི་སེམས་རྒྱ་ཆེར་གྱུར་པ། །ཀུན་ཀྱང་ཐེག་པ
iiif viewer powered by OpenSeadragon
