| e-texts navigator |
| Wylie |
149a1 ལ། །མྱ་ངན་ཟུག་རྔུས་གཟིར་མཐོང་ནས། །བདག་གི་གཡར་ངན་སླར་ཞིང་སྐྱེ། །ཇི་ལྟར་དགོན་པའི་ཤུལ་ཞིག་ཏུ། །འདྲོན་པ་ཆོམ་པོས་བཅོམ་གྱུར་ཅིང་། །ཞུགས་ཀྱི་ཕུང་པོ་ཆེན་པོ་ཡང་། །མདུན་ན་མཆིས་པ་མཐོང་བ་ན། །ཀུན་ནས་ཞུགས་པར་མཐོང་ནས་ནི། །དེ
149a2 དག་འཇིགས་པ་ལྷར་སྐྱེས་ཤིང་། །ཕྱོགས་རྒྱུག་དེ་དག་སྐྱབས་མ་མཆིས། །ཀུན་ནས་དཔུང་གཉེན་མ་མཆིས་ལྟར། །དེ་བཞིན་སེམས་ཅན་མང་པོ་རྣམས། །སངས་རྒྱས་མྱ་ངན་འདའ་ཐོས་ནས། །སྐྱབས་མ་མཆིས་ཤིང་སྡུག་བསྔལ་ལ། །མྱ་ངན་ཟུག་རྔུས་གཟིར་བར་མཐོང་། །གང
149a3 དག་གཙོ་བོ་འདས་གྱུར་ན། །ཇི་ལྟར་སངས་རྒྱས་བལྟ་བར་བགྱི། །གཞན་དག་མྱ་ངན་འདའ་འགྱུར་ལ། །བཅོམ་ལྡན་བསྐལ་པར་བཞུགས་སུ་གསོལ། །ཞུགས་འབར་མེ་ལྕེ་ལྡན་གྱུར་པ། །རྒྱུ་ཟད་རབ་ཏུ་ཞི་བ་ལྟར། །གྱད་ཀྱི་ཡུལ་དུ་རྫོགས་སངས་རྒྱས། །མྱ་ངན་འདའ་བ་ཇི་ལྟར
149a4 བལྟ། །སངས་རྒྱས་འོད་མའི་ཚལ་ཁྲོད་དུ། །དེ་རིང་སླན་ཆད་མི་མཐོང་ཞིང་། །འདྲེན་པ་རྒྱལ་བྱེད་ཚལ་དུ་ནི། །ཆོས་སྟོན་པ་ཡང་མི་མཐོང་ངོ་། །མི་མཆོག་དེ་ནི་འདས་གྱུར་ཅེས། །ལིད་ཙ་བཱི་ཡི་གྲོང་ཁྱེར་མཆོག་།ཡངས་པ་ཅན་དུ་ཞུགས་ནས་ནི། །ལིད་ཙ་བཱི་ལ་ཇི་ལྟར་བརྗོད། །གང
149a5 ཟག་གཙོ་བོ་འདས་གྱུར་ཅེས། ཤཱཀྱ་རྣམས་ཀྱི་གྲོང་ཁྱེར་མཆོག་།སེར་སྐྱའི་གནས་སུ་མཆིས་ནས་ནི། །ཀུན་མི་དགའ་བ་ཇི་ལྟར་བརྗོད། །ཐུབ་ཆེན་དེ་ནི་རབ་ཞི་ཞེས། །མ་ག་དྷཱ་བ་རྣམས་དང་ནི། །མ་སྐྱེས་དགྲ་ཡི་གྲོང་མཆོག་ཏུ། །ཇི་ལྟར་ཚིག་ཏུ་བརྗོད་པར་བགྱི། །ཤཱཀྱ
149a6 སེང་གེ་འདས་གྱུར་ཅེས། །སྲོག་ཆགས་སྟོང་ཕྲག་མང་པོ་དག་།ཆོ་ངེས་ཡང་དང་ཡང་འདེབས་ན། །བདག་གིས་ཇི་ལྟར་ལན་ཡང་གདབ། །ཤཱཀྱ་སེང་གེ་འདས་གྱུར་ན། །དགེ་སློང་དགེ་སློང་མ་དག་དང་། །ཁྱིམ་པ་རྣམས་ཀྱང་བདག་གིས་ནི། །ཇི་ལྟར་དགའ་བགྱི
149a7 མི་ཡི་མཆོག་། སྐྱེས་མཆོག་བདག་ལ་གནས་བརྟན་རྣམས། །ཀུན་དགའ་མི་མཆོག་སྦྱིན་པའི་གནས། །རྫོགས་པའི་སངས་རྒྱས་གར་གཤེགས་ཞེས། །འདྲི་ན་ཇི་སྐད་བརྗོད་པར་བགྱི། །ཐུབ་པ་ལྷ་ཀླུས་དྲིས་པ་ན། །བསམ་གཏན་ཆེན་པོ་སྙོམས་ཞུགས་སམ། །འོན་ཏེ
iiif viewer powered by OpenSeadragon
