| e-texts navigator |
| Wylie |
254a1 པས་མི་གཡོ་བ། ཤེས་རབ་ཀྱི་མིག་སྒྲུབ་པ་ཤེས་པ་ལ་མཁས་པ། བཟོད་པ་ཐོབ་པ། གཟུངས་ཀྱི་ཚུལ་ཐོབ་པ། ཆོས་ཟབ་མོའི་ཚུལ་ལ་ཞུགས་པ། བསྐལ་པ་གྲངས་མེད་པ་བྱེ་བ་ཚར་ཕྱིན་པ། སྨོན་ལམ་ཕུན་སུམ་ཚོགས་པ། བདུད་དང་ཕྱིར་རྒོལ་བ་བཅོམ་པ།
254a2 སངས་རྒྱས་ཀྱི་ཞིང་བཀོད་པ་ཆེན་པོ་དང་ལྡན་པ་ཡོངས་སུ་བཟུང་བ། བྱམས་པ་ཆེན་པོའི་གོ་ཆ་བགོས་པ། སྙིང་རྗེ་ཆེན་པོ་ཡོངས་སུ་བཟུང་བ། བརྩོན་འགྲུས་ཆེན་པོ་ལ་རྟུལ་བ། ཚིག་ཐམས་ཅད་ཀྱི་ངེས་པའི་ཚིག་སྟོན་པ་ཤེས་པ་ལ་མཁས་པ། སྤྱོད་པ་ཡོངས་སུ་དག་པ། རྣམ་པར་ཐར
254a3 པའི་སྒོ་གསུམ་ལ་གནས་པ། ཡེ་ཤེས་དུས་གསུམ་ལ་མ་ཆགས་པ་ཐོབ་པ། ཁམས་གསུམ་ལས་མངོན་པར་བྱུང་བ། སངས་རྒྱས་དང་ཆོས་ལ་མོས་པ་མང་བ། ཆོས་ཀྱི་འཁོར་ལོ་སྐོར་བ། སྒྲ་ཐོགས་པ་མེད་པ། སྒྲ་ཡིད་དུ་འོང་བས་གོ་བར་བྱེད་པ། སྤྱོད་ལམ་ཐམས་ཅད་ཡོངས་སུ
254a4 བརྟགས་པ་མ་ཡིན་པ། དཀྲིས་པ་དང་བྲལ་བ། མཚན་གྱིས་ལེགས་པར་བརྒྱན་པ། སེམས་ཅན་ཐམས་ཅད་ཡོངས་སུ་མི་གཏོང་བའི་གོ་ཆ་བགོས་པ། དྲན་པ་དང་། བློ་གྲོས་དང་། རྟོགས་པ་དང་ལྡན་པ། ངོ་ཚ་ཤེས་པ་དང་། བརྟན་པ་དང་ལྡན་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས
254a5 དཔའ་སེམས་དཔའ་ཆེན་པོ་ཐོགས་པ་མེད་པར་ཆོས་ཀྱི་འཁོར་ལོ་སྐོར་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་སྐོར་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་མེད་པའི་ཆོས་ཀྱི་འཁོར་ལོ་སྐོར་བ་དང་། བྱང་ཆུབ
254a6 སེམས་དཔའ་སེམས་དཔའ་ཆེན་པོ་མིག་གཙང་ཞིང་དྲི་མ་མེད་པར་ཡོངས་སུ་སྦྱོང་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ནས་ལྡང་བ་ཐམས་ཅད་རྣམ་པར་སེལ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བ་དང་དད་པའི་སྤྱོད་ལམ་སྟོན་པ་དང་། བྱང
254a7 ཆུབ་སེམས་དཔའ་སེམས་དཔའ་ཆེན་པོ་མཚན་དམ་པ་བཀོད་པའི་རྒྱལ་པོའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་མི་སླུ་བའི་བློ་དང་ལྡན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རྒྱ་མཚོ་མཐའ་ཡས་པའི་བློ་གྲོས་དང་། བྱང་ཆུབ
iiif viewer powered by OpenSeadragon
