| e-texts navigator |
| Wylie |
96b1 རྒྱས་ཀྱིས་སྨད་དོ། །ཅང་མི་སྨྲ་བ་ནི་སངས་རྒྱས་ཀྱིས་བསྔགས་སོ། །བདག་ནི་ཇི་སྲིད་འཚོའི་བར་དུ་ཡང་ཆོས་འདི་ལྟ་བུ་ལ་དགའ་བ་མ་ཡིན་གྱིས་འདི་ལྟར་བདག་ཆེ་འདོད་པ་ལ་གཞག་པར་མ་བྱེད་ཅིག་།བདག་ནི་འབྲས་བུ་ཐོབ་པ་མ་ཡིན་པར་བདག་ཉིད་ཀྱིས་ཤེས་སོ
96b2 ཞེས་ཟེར་བ་དང་། རྒྱལ་པོ་ཤེས་རབ་ཅན་གྱིས་བཙུན་པ་འདི་ནི་འབྲས་བུ་ཐོབ་པ་སྟེ། སངས་རྒྱས་ཡིན་ནོ་སྙམ་ནས་འཇིག་རྟེན་ཐམས་ཅད་དུ་མཁས་པ་རྣམས་ཀྱི་ནང་དུ་སྒྲོགས་པར་བྱེད་ཅིང་བཙུན་མོའི་འཁོར་དང་སྲས་རྣམས་ལ་ཡང་སྙན་དངགས་བཞིན་དུ་མདོ་རྣམས
96b3 སློབ་ཏུ་འཇུག་སྟེ། དེ་ལྟར་བྱས་ན་ཡང་སྟོད་པར་བྱེད་པའི་རྒྱལ་པོ་དང་བློན་པོ་རྣམས་ལ་བསོད་ནམས་མང་དུ་འཕེལ་བར་འགྱུར་རོ། །དགེ་སློང་དེ་ནི་ཚངས་པར་སྤྱོད་པ་ཚུལ་ཁྲིམས་དང་ལྡན་པ་ཙམ་དུ་ཟད་དེ་དགེ་སློང་དེ་ཡང་ཕམ་པ་བྱུང་བ་མ་ཡིན་ནོ་ཞེས་ང་ཟེར་རོ། །མིའི
96b4 ཆོས་ལས་བླ་མར་གྱུར་པ་བྱེད་པ་ཡང་མ་ཡིན་ཏེ་ཚུལ་ཁྲིམས་དང་ལྡན་པ་འདོད་པ་ཉུང་བ་ཞེས་ང་ཟེར་རོ། །དེ་ལྟར་བསྟོད་དུ་ཟིན་ཀྱང་རང་གི་དད་པའི་སེམས་དང་བས་ན་སངས་རྒྱས་ཀྱི་གསུང་རབ་དང་འཐུན་པར་བྱེད་པའི་དགེ་སློང་ལ་ནི་ཉེས་པ་ཀྱང་མེད་དོ་ཞེས་ང་ཟེར་རོ། །
96b5 གཞན་ཡང་འདི་ན་དགེ་སློང་ལ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོ་སྟོན་པར་བྱེད་དོ། །སེམས་ཅན་ཐམས་ཅད་ལ་ནི་སངས་རྒྱས་ཀྱི་ཁམས་ཡོད་ལ་ཁམས་དེ་རང་རང་གི་ལུས་ལ་འཆང་སྟེ། སེམས་ཅན་རྣམས་ཀྱིས་ཉོན་མོངས་པའི་རྣམ་པ་ཟད་པར་བྱས
96b6 ནས་སངས་རྒྱས་སུ་འགྱུར་ཏེ་འདོད་ཆེན་པ་ནི་མ་གཏོགས་སོ། །དེ་ལ་རྒྱལ་པོའམ་རྒྱལ་པོའི་བློན་པོ་འགའ་ཞིག་འདི་སྐད་ཅེས་ཟེར་ཏེ། དགེ་སློང་ཁྱོད་སངས་རྒྱས་སུ་འགྱུར་རམ་མི་འགྱུར། སངས་རྒྱས་ཀྱི་ཁམས་ཁྱོད་ལ་ཡོད་དམ་མེད་ཅེས་ཟེར་བ་ལ། དགེ་སློང
96b7 དེ་ན་རེ་ཚེ་དང་ལྡན་པ་བདག་སངས་རྒྱས་སུ་འགྱུར་རམ་མི་འགྱུར་བ་ལྟ་སུས་ཤེས་མོད་ཀྱི་འོན་ཀྱང་བདག་གི་ལུས་ལ་སངས་རྒྱས་ཀྱི་ཁམས་ནི་ཡོད་དོ་ཞེས་ཟེར་རོ། །དེ་ནས་དེས་དགེ་སློང་དེ་ལ་སྨྲས་པ། དགེ་སློང་ཁྱོད་འདོད་ཆེན་པ་ཁོ་ན་མ་ཡིན་ན་བདག་ནི་སངས་རྒྱས་སུ
iiif viewer powered by OpenSeadragon
