| e-texts navigator |
| Wylie |
94b1 གསུངས་པ་ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་འཐུན་པར་བྱེད་པ་ཡིན་པར་རིག་པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས
94b2 དཔའ་ཡིན་པར་རིག་པར་བྱའོ། །དེ་བཞིན་གཤེགས་པ་ནི་ཚངས་པ་དང་། འབྱུང་པོ་དང་། སྐེམ་བྱེད་དང་། གཞོན་ནུ་དང་། འཇིག་རྟེན་གྱི་མེས་པོ་དང་། ཀ་ཏ་ཡ་ན་ལ་སོགས་པའི་ལྷའི་གནས་ཐམས་ཅད་དུ་དེ་དག་གི་རྒྱགས་པ་གཞོམ་པའི་ཕྱིར་མི་གཤེགས་ཏེ་གཤེགས་མི་སྲིད་དོ། །ཡ་མཚན
94b3 ཅན་ཐམས་ཅད་ཀྱི་ནང་དུ་རབ་ཏུ་མི་འབྱུང་ངོ་། །སེམས་ཅན་ཐམས་ཅད་ཀྱི་ཀུན་ཏུ་རྟོག་པའི་སྟོན་པ་མ་ཡིན་ནོ། །གསང་སྔགས་དང་རིག་སྔགས་ཐམས་ཅད་མི་འཆང་ངོ་། །ཁོལ་པོ་དང་། བྲན་དང་། བྲན་མོ་དང་། འདུམ་པ་དང་། འཐབ་པ་སྦྱོར་བ་མི་མཛད་དོ། །སྐྱེས་པ་དང་། བུད་མེད་དང་། སྨན་དང་།
94b4 རྒྱལ་པོ་དང་། བློན་པོ་གཅེས་པར་མི་མཛད་དོ། །གལ་ཏེ་དེ་བཞིན་གཤེགས་པ་དེ་ལྟ་བུར་གྱུར་ན་དེ་བཞིན་གཤེགས་པ་ཡང་མ་ཡིན་ཏེ་ལོག་པར་ལྟ་བ་ཞེས་བརྗོད་པར་བྱའོ། །དེ་བཞིན་གཤེགས་པ་ནི་སྟེའུ་དང་ཙན་དན་དུ་མཚུངས་ཏེ་སུ་ལ་ཡང་ཚར་གཅོད་པར་མི་མཛད། ཕན་འདོགས་པ་ཡང་མི་མཛད
94b5 དོ། །དེ་བས་ན་དེ་བཞིན་གཤེགས་པ་ནི་དབུ་མའི་ལམ་གཟིགས་པ་ཞེས་བྱའོ་ཞེས་ཟེར་བ་དེ་ལྟ་བུ་ནི་མགོ་རྨོངས་པར་བྱེད་པའི་མདོ་སྡེ་བདུད་ཀྱིས་སྨྲས་པ་ཡིན་པར་རིག་པར་བྱའོ། །དེ་བཞིན་གཤེགས་པ་ནི་ལྷའི་གནས་ཐམས་ཅད་དུ་གཤེགས་སོ། །ཡ་མཚན་ཅན་ཐམས་ཅད་ཀྱི་ནང་དུ་རབ་ཏུ་འབྱུང
94b6 ངོ་། །སེམས་ཅན་ཐམས་ཅད་ཀྱི་ཀུན་ཏུ་རྟོག་པ་སྟོན་ཏོ། །གསང་སྔགས་དང་། རིག་སྔགས་དང་། སྨན་ནོ་ཅོག་ལྟ་བུར་གྱུར་པ་དེ་དག་སྦྱོར་བར་མཛད་དོ། །འདུན་མའི་ནང་དང་། རོལ་མོའི་གནས་སུ་གཤེགས་སོ། །བྲན་དང་། བྲན་མོ་དང་། སེམས་ཅན་ཐམས་ཅད་སྡུད་པར
94b7 མཛད་དོ། །གཞོན་ནུ་དང་། གཞོན་ནུ་མ་དང་། བཙུན་མོའི་འཁོར་དང་། ཕོ་བྲང་འཁོར་གྱི་མི་དང་། ཡུལ་མི་དང་། ཁྱིམ་བདག་དང་། བྲམ་ཟེ་དང་། དང་། མགོན་མེད་པ་དང་། སྐྱེས་པ་དང་། བུད་མེད་རྣམས་ཀྱི་ལུས་རྣམ་པ་སྣ་ཚོགས་ཀྱང
iiif viewer powered by OpenSeadragon
