| e-texts navigator |
| Wylie |
94a1 དང་། ཉི་མ་དང་། ཟླ་བ་དང་། པ་བ་སངས་དང་། གཟའ་ལྷག་རྒྱུ་བ་དང་། མེ་ཏོག་གི་ཤིང་རྟ་དང་། ལག་སྲུབས་ལྟ་བ་དང་། རྨི་ལྟས་དང་། སྐྱེས་པ་དང་། བུད་མེད་དང་། མ་ནིང་གི་མཚན་མ་ལྟ་བ་དང་། སྒྱུ་རྩལ་དྲུག་ཅུ་རྩ་བཞི་དང་། རིག
94a2 པའི་གནས་བཅོ་བརྒྱད་དང་། མཁན་བཟོ་བ་དང་། བཟོའི་ལས་ཐམས་ཅད་སྟོན་པ་དང་། སྒྲུང་གཏམ་བྱེད་པ་དང་། སྤོས་ཀྱི་ཕྱེ་མས་འདེབས་པ་དང་། མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་དང་། བྱུག་པ་འཆང་བ་དང་། མགོ་བོ་ལ་འོ་བྱེད་པ
94a3 དང་། ཚུལ་འཆོས་པ་དང་། ཁ་གསག་བྱེད་པ་དང་། ཆོག་མི་ཤེས་པ་དང་། འདོད་ཆེན་ཅན་དང་། འདུ་འཛི་ལ་དགའ་བ་དང་། སྨྲ་འདོད་པ་དང་། ནོར་དང་། འབྲུ་དང་། ཤ་དང་། ཉ་ཤ་དང་། དུག་སྦྱོར་བ་དང་། སྤོས་ཀྱི་ཏིལ་མར་དང་། སྨན་གྱི་སྦུ་གུ
94a4 དང་། གདུགས་དང་། ལྷམ་དང་། ཏ་ལའི་ལོ་མའི་བསིལ་ཡབ་དང་། ཆབ་སྣོད་དང་། བུ་དོན་དང་། བེང་དཔུང་འཆང་བ་དང་། ཤིང་ཏོག་སྡུད་པ་དང་། སོ་རྩི་དང་། སྨན་མར་དང་། བཙོ་བའི་ཕྱེ་མ་བཟང་པོ་དང་། ཀ་ཀོ་ལ་དང་། འབྲས་བུ་ཚ་བ་སྟེན་པ་དང་། རྒྱལ
94a5 པོ་ལ་སྟེན་པ་དང་། གཞན་ལ་སྟེན་པ་དང་། དྲོད་མི་ཐུབ་པ་དང་། མི་སྨྲ་བ་དང་། བུད་མེད་ལྟར་རྟོག་པའི་ཤས་ཆེ་བ་དང་། མང་དུ་སྨྲ་བ་དང་། ངུ་བ་དང་། བཟང་ངན་དཔྱོད་པ་དང་། སུན་འབྱིན་པ་དང་། འགྲོས་འཆོས་པ་དང་། གོས་དཀར་པོ་དང་། ཨར་མོ་ནིག་དང་། ཁང
94a6 དང་། གཙང་ཁང་ཕྱུར་པོའི་ལས་ལ་སོགས་པ་བྱེད་པ་དང་། རུང་བ་མ་ཡིན་པ་དང་། རྫས་ངན་པ་ཡོངས་སུ་འཛིན་པ་དང་། སྦྱིན་པ་པོའི་བསྔགས་པ་བརྗོད་པ་དང་། ཆང་སྟེན་པ་དང་། སྨད་འཚོང་མའི་ཁྱིམ་དུ་འགྲོ་བ་དང་། དེ་ལྟ་བུ་བྱེད་པ་དམ་པ་མ་ཡིན་པ་ཚུལ
94a7 ངན་པ་དང་ལྡན་པ་དེ་དག་ལ་ནི་གོས་དཀར་པོ་དག་བྱིན་ལ་འཇིག་རྟེན་པའི་ལས་རྣམས་བྱེད་དུ་གཞུག་པར་ངས་གནང་ངོ་། །ཡང་ན་འབྲས་སཱ་ལུའི་ཞིང་གི་རྡོ་བསལ་བ་བཞིན་དུ་ཡུལ་ཕྱོགས་ནས་བསྐྲད་པར་ངས་གནང་ངོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ་བ་ནི་སངས་རྒྱས་ཀྱིས
iiif viewer powered by OpenSeadragon
