| e-texts navigator |
| Wylie |
86b1 བསྟན་པ་ཡིན་གྱི། ཉན་ཐོས་ཀྱི་ཐེག་པ་པ་རྣམས་ཀྱི་ཕྱིར་དེ་སྐད་བསྟན་པ་ནི་མ་ཡིན་ནོ། །རིགས་ཀྱི་བུ་ངས་སྔར་བསྟན་པ་དམ་པའི་ཆོས་ནུབ་པའི་དུས་དང་། ཚུལ་ཁྲིམས་དང་ལྡན་པ་འགྲིབ་པའི་དུས་དང་། ཚུལ་ཁྲིམས་འཆལ་པའི་ཕྱོགས་རྣམ་པར་འཕེལ་བའི་དུས་དང་། ངེས་པར
86b2 གྲོལ་བ་དང་། ཆགས་པ་མེད་པ་ཟད་པའི་དུས་དང་། བྲན་དང་བྲན་མོ་ལ་སོགས་པ་རྫས་ངན་པ་དུ་མ་ཡོངས་སུ་འཛིན་པར་བྱེད་པའི་དུས་ན་སྐྱེས་བུ་བཞིའི་ནང་ནས་གཅིག་ཙམ་ཡང་བྲན་དང་བྲན་མོ་ལ་སོགས་པ་རྫས་ངན་པ་དུ་མ་ཡོངས་སུ་འཛིན་པའི་དགེ་འདུན་གྱི་ནང་དུ་ཁྱིམ་ནས་ཁྱིམ་མེད་པར
86b3 རབ་ཏུ་བྱུང་ནས། དེ་རྣམས་ཀྱི་རུང་བ་དང་། རུང་བ་མ་ཡིན་པ་དང་། འདུལ་བ་དང་། འདུལ་བ་མ་ཡིན་པའི་བྱེ་བྲག་ཀྱང་ཤེས། དེ་དག་གི་གཡེལ་བ་དང་། བདག་ཉིད་ཀྱི་ཉེས་པ་མང་པོའི་གཞི་ཡང་ཤེས་ཏེ། སྤྱོད་པ་འདི་ནི་བཅོམ་ལྡན་འདས་ཀྱི་སྤྱོད་པ་མ་ཡིན་ནོ་སྙམ་དུ་ཡང་ཤེས
86b4 ནས་ཡུལ་དང་དུས་ལ་བལྟས་ཏེ་གསར་བུ་རྣམས་ལས་གསུང་རབ་ཡན་ལག་དགུ་སློབ་པར་བྱེད་ཅིང་། དེ་དག་ཕམ་པ་བྱུང་བ་ཡིན་པར་ཤེས་སུ་ཟིན་ཀྱང་དམ་པའི་ཆོས་དབྱུང་བར་བྱའོ་སྙམ་སྟེ་ཁ་རོག་པར་འདུག་ནས་དེ་འབའ་ཞིག་སེམས་ཤིང་དམ་པའི་ཆོས་བསྲུང་བ་ཁོ་ནའི་ཕྱིར་འཇིག
86b5 རྟེན་དུ་འབྱུང་ངོ་། །རིགས་ཀྱི་བུ་དཔེར་ན་འགའ་ཞིག་གི་རྒྱལ་པོ་ཞིག་ཤི་ནས་དེའི་བུ་རྣམས་ཀྱི་ནང་ན་རྒྱལ་པོ་ནུས་པ་མེད་དེ། རྒྱལ་པོ་དེ་ཉིད་ཀྱི་ཁམས་ཀྱི་གདོལ་པ་འབྲུག་སྒྲ་ལྟ་བུའི་སིལ་སྙན་དང་ལྡན་པ་ཞིག་གིས་གདོལ་པ་དག་དེང་དེ་མཐུས་རྒྱལ་སྲིད་ཕྲོགས་ནས་རྒྱལ་པོ་བྱེད་ལ།
86b6 གདོལ་པ་དེ་ཡང་རང་བཞིན་གྱིས་ནོར་དང་ལྡན་པ་ཞིག་སྟེ། དེ་ནས་གདོལ་པ་དེ་རྒྱལ་པོ་བྱེད་པ་ན་བྲམ་ཟེ་དང་ཁྱིམ་བདག་དེ་ན་གནས་པ་རྣམས་གདོལ་པས་བཀོལ་ན་མི་རུང་ངོ་སྙམ་ནས་ཡུལ་བོར་ཏེ། གང་ན་རྒྱལ་པོའི་རིགས་རྒྱལ་པོ་བྱེད་པའི་ཡུལ་དེར་འགྲོ་བར་བྱེད་ལ། བྲམ་ཟེ་དང
86b7 ཁྱིམ་བདག་གཞན་ཁ་ཅིག་ནི་བདག་གི་ཡུལ་འདོར་མ་ཕོད་ནས་ཇི་ལྟར་ཤིང་གང་དུ་སྐྱེས་པ་དེ་ཉིད་དུ་སྐམ་པར་འགྱུར་བ་བཞིན་དུ་དེ་དག་ཀྱང་ཤིང་དང་འདྲ་བར་ཡུལ་དེ་ཉིད་ན་འཁོད་དོ། །དེ་ནས་གདོལ་པ་དེས་མི་མང་པོ་བྱེར་རོ་སྙམ་ནས་གདོལ་པ་རྣམས་ལམ་ཐམས་ཅད་བསྲུང་དུ་བཅུག
iiif viewer powered by OpenSeadragon
