| e-texts navigator |
| Wylie |
85a1 མའི་དུས་ན་གཞན་གྱིས་བརྙས་པར་འགྱུར་བ་དང་། མདོག་ངན་པར་འགྱུར་བ་དང་། མལ་ཆ་དང་། སྟན་དང་། ཁ་ཟས་ངན་པར་འགྱུར་བ་དང་། རྙེད་པ་མེད་པར་འགྱུར་བ་དང་། དབུལ་པོའི་རིགས་སུ་སྐྱེ་བ་དང་། ཕལ་པའི་རིགས་སུ་སྐྱེ་བ་དང་། ལོག་པར་ལྟ
85a2 བའི་རིགས་སུ་སྐྱེ་བ་དང་། རྒྱལ་པོ་འཁྲུག་པ་དང་། ཡུལ་འཁྲུག་པ་དང་། སྡུག་པའི་དངོས་པོ་འཁྲུག་པ་དང་། དགེ་བའི་བཤེས་གཉེན་མི་མཐོང་བ་དང་། གོས་དང་ཟས་དང་། མལ་ཆ་དང་། སྟན་དང་། ནད་གསོས་དང་། སྨན་ཟོང་མེད་པ་དང་། རྙེད་པ་ཆུང་བ་དང་། བཀྲེས
85a3 པ་དང་། སྐོམ་པས་ཉམ་ཆུང་བའི་གནོད་པ་དང་ལྡན་པ་དང་། སྐྱེ་བོ་ཕལ་པས་དགའ་བར་བྱ་བ་དང་། རྒྱལ་པོ་དང་། བློན་པོ་དང་། ཕོ་བྲང་འཁོར་གྱི་མི་རྣམས་ཀྱི་ཆོས་ཀྱི་གཏམ་མི་འཛིན་པ་དང་། ཆོས་སྨྲ་བའི་ཕྱོགས་མི་བྱེད་པ་དང་། བློན་པོ་དང་། སྡེ་དཔོན
85a4 གང་དག་ཕྱོགས་དང་། མགོན་བྱེད་དུ་རེ་བ་དེ་དག་ཀྱང་སུ་ཤི་གཏོལ་མེད་པར་འགྱུར་བ་དང་། དམ་པའི་ཆོས་ཀྱི་ཕྱོགས་མི་བྱེད་པ་དང་། བཟང་ན་ཡང་མི་མཛེས་པ་དང་། བལྟ་ན་སྡུག་ན་ཡང་བལྟ་ན་མི་སྡུག་པར་འགྱུར་ཏེ། དེ་ལྟར་ན་ངའི་ཉན་ཐོས་གང་དག་འཇིག་རྟེན་ན་མདོ
85a5 སྡེ་ཆེན་པོ་སྟོན་པ་རྣམས་ནི་དཀའ་བ་བྱེད་པ་ཡིན་ནོ། །རིགས་ཀྱི་བུ་དཔེར་ན་ལྷོ་བུར་ཤིན་ཏུ་སྟུག་པོ་ཡང་ཉི་མ་མ་ཤར་གྱི་བར་དུ་ནི་གནས་ལ་ཉི་མ་ཤར་མ་ཐག་ཏུ་ནི་མ་ལུས་པར་སངས་པར་འགྱུར་བ་དེ་བཞིན་དུ། རིགས་ཀྱི་བུ་སེམས་ཅན་དེ་དག་གི་སྡིག་པ་གྲངས་མེད་པ་ཡང་གང་གི་ཚེ་ཡོངས་སུ
85a6 མྱ་ངན་ལས་འདས་པ་ཆེན་པོའི་ཉི་མ་མ་ཤར་གྱི་བར་དུ་ནི་གནས་ལ། གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོའི་ཉི་མ་ཤར་བ་དེའི་ཚེ་ནི་སྡིག་པ་དེ་དག་མ་ལུས་པར་འབྱང་བར་འགྱུར་རོ། །རིགས་ཀྱི་བུ་གཞན་ཡང་དཔེར་ན་ལ་ལ་ཞིག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད
85a7 ལ་ད་དུང་གཞོན་ནུའི་ཚུལ་ཁྲིམས་ཀྱང་མ་བླངས་པར་མི་ལ་ལ་ཞིག་གིས་དེ་བཞིན་གཤེགས་པ་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་པ་དེའི་ཚེ། ཁྱིམ་པ་དེ་ཡང་ཆོས་གོས་བགོས་ནས་དེ་བཞིན་གཤེགས་པའི་ཉན་ཐོས་རྣམས་དང་ཐབས་ཅིག་ཏུ་གྲོང་གི་ནང་དུ་སོང་སྟེ
iiif viewer powered by OpenSeadragon
