| e-texts navigator |
| Wylie |
78b1 པ་གང་ཡིན་པ་དེ་ནི་དེ་བཞིན་གཤེགས་པ་སྟེ། འདི་ལ་གཉིས་སུ་བྱར་མེད་ཅིང་ཐ་དད་པར་བྱར་མེད་དོ། །རིགས་ཀྱི་བུ་དཔེར་ན་དཔེ་མེད་བཞིན་དུ་རྒྱུའི་དོན་གྱིས་དཔེར་ལེན་པ་ཡང་ཡོད་དེ། ཀྱེ་མ་བཞིན་ཁྱོད་ཟླ་བ་ཉ་བཞིན་ཞེས་བྱ་བ་དང་། གླང་པོ་ཆེ་བཟང་ཁྱད་གངས་ཀྱི
78b2 རི་བཞིན་ཞེས་བྱ་མོད་ཀྱི། ཅི་ཟླ་བ་བཞིན་དང་འདྲའམ། བཞིན་ཡང་ཟླ་བ་དང་འདྲའམ། ཅི་གླང་པོ་ཆེ་རི་དང་འདྲའམ། རི་ཡང་གླང་པོ་ཆེ་དང་འདྲའམ། རིགས་ཀྱི་བུ་དེ་བཞིན་དུ་ཐར་པ་ཡང་དཔེ་མེད་བཞིན་དུ་སེམས་ཅན་ངེས་པར་བསྒྲལ་བའི་ཕྱིར་འདིར་རྒྱུའི་དབང་གིས་དཔེས་བསྟན་པར
78b3 རིག་པར་བྱའོ། །ཆོས་ཀྱི་དེ་ཁོ་ན་ཉིད་ཀྱང་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་དུ་རིག་པར་བྱའོ། །གསོལ་པ། ཅིའི་སླད་དུ་དེ་བཞིན་གཤེགས་པ་རྣམ་པ་གཉིས་སུ་སྟོན་ལགས། བཀའ་སྩལ་པ། རིགས་ཀྱི་བུ་གཞན་ཡང་དཔེར་ན་མི་ལ་ལ་ཞིག་རལ་གྲི་ཐོགས་ནས་ངས་དེ་བཞིན
78b4 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསད་དོ་སྙམ་སྟེ་གསོད་པར་བྱེད་ལ། དེ་བཞིན་གཤེགས་པ་ནི་ལོག་པ་ཅུང་ཟད་ཀྱང་མི་མཛད་དེ། ཞུམ་པ་མེད་ཅིང་དགྱེས་བཞིན་དུ་བཞུགས་ན། ཅི་མི་དེ་མཚམས་མེད་པ་བྱེད་པ་ཞེས་བྱའམ་འོན་ཏེ་མི་བྱ། གསོལ་པ།
78b5 དངོས་པོའི་སྒོ་ནས་མཚམས་མེད་པ་བགྱིས་པ་ཞེས་མི་བགྱི་ལགས་སོ། །དེ་ཅིའི་སླད་དུ་ཞེ་ན། བསགས་པའི་ཁམས་མ་བཤིག་པས་ན་དངོས་པོའི་སྒོ་ནས་མཚམས་མེད་པ་བགྱིད་པ་མ་ལགས་སོ། །དེ་བཞིན་གཤེགས་པའི་སྐུ་ལ་ནི་བསགས་པའི་ཁམས་ཀྱི་བག་ཀྱང
78b6 མ་མཆིས་ཏེ། ཆོས་ཀྱི་ཁམས་ལགས་ན་ཇི་ལྟར་བགྲོངས་སུ་རུང་། དེ་བས་ན་སེམས་བསྐྱེད་པ་དང་། བཙལ་བ་ཙམ་ལས་མཚམས་མེད་པ་བགྱིད་པ་ཞེས་བགྱི་སྟེ། འདིར་རྒྱུའི་དབང་གིས་ཆོས་ཀྱི་དེ་ཁོ་ན་ཉིད་རིག་པར་བགྱི་བ་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ
78b7 ལེགས་སོ། །ངས་ཀྱང་ཚིག་དེ་སྐད་དུ་སྨྲ་བར་བསམས་སོ། །རིགས་ཀྱི་བུ་གཞན་ཡང་འདི་ན་མི་སྡིག་ཅན་ལ་ལ་ཞིག་བདག་གི་མ་བསད་དོ་སྙམ་ནས་དགོན་པ་ཞིག་ན་ཁྲེ་རྒོད་དང་སྲན་ཆུང་གི་གཡུལ་དུ་བྱ་ར་བྱས་ནས་མ་དེར་འོངས་པ་དང་། ཁྱོད་ཀྱིས་ངའི་ཐུགས་པ་ལེགས་པར་ཁྱེར་ཏེ་མ
iiif viewer powered by OpenSeadragon
