| e-texts navigator |
| Wylie |
78a1 འདས་པ་ཡིན་ནོ། །དེ་ནི་ཐར་པ་ཡིན་ནོ། །མཆོག་ཏུ་བརྟན་པ་དང་། མི་གཡོ་བ་དང་། བདེ་བ་དང་། རྟག་པ་མྱོང་བ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དེ་ནས་བཅོམ་ལྡན་འདས་ལ་འོད་སྲུང་ཆེན་པོ་དང་རུས
78a2 གཅིག་པས་འདི་སྐད་ཅེས་གསོལ་ཏོ། །མ་སྐྱེས་པ་དང་། མ་འགགས་པ་གང་ལགས་པ་དེ་ཐར་པ་ལགས། དེ་དེ་བཞིན་གཤེགས་པ་ལགས་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ལྟ་ལོས་ཀྱང་སྟེ་དེ་ནི་ཐར་པ་ཡིན་ནོ། །དེ་ནི་དེ་བཞིན
78a3 གཤེགས་པ་ཡིན་ནོ། །གསོལ་པ། འོ་ན་ནམ་མཁའི་ཁམས་ཀྱང་མ་སྐྱེས་པ་མ་བྱུང་བ་ལགས་ན། ཐར་པ་ཡང་དེ་དང་འདྲ། དེ་བཞིན་གཤེགས་པ་ཡང་དེ་དང་འདྲ་ཞེས་བགྱིའམ། བཀའ་སྩལ་པ། དེ་ལྟ་མ་ཡིན་ཏེ། ཐར་པ་ནི་ནམ་མཁའི་ཁམས་དང་འདྲ་བ་མ་ཡིན་ནོ། །གསོལ
78a4 པ། འོ་ན་ཅི་ལྟ་བུ་ལགས། བཀའ་སྩལ་པ། རིགས་ཀྱི་བུ་དཔེར་ན་བྱ་ཤང་ཤང་ཏེའུའམ། ཀ་ལ་པིང་ཀ་གང་གི་ཚེ་སྐད་འབྱིན་པ་དེའི་ཚེ། ཁྭ་ལྟར་སྐད་འབྱིན་ཅེས་བྱའམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བྱ་གཞན་རྣམས་ཀྱི་སྐད་ནི་དེ་དག་གི་སྐད་ཀྱི་དཔེར་ཡང་མི
78a5 རུང་ལགས་སོ། །ཁྭའི་སྐད་ནི་ཤང་ཤང་ཏེའུ་དང་ཀ་ལ་པིང་ཀའི་སྐད་ཀྱི་བརྒྱའི་ཆར་ཡང་མི་སྤྱོད། སྟོང་གི་ཆར་ཡང་མི་སྤྱོད། གྲངས་དང་། ཆ་དང་། དཔེ་དང་། རྒྱུར་ཡང་མི་བཟོད་ལགས་སོ། །བྱ་དེ་དག་ནི་དཔེ་མ་མཆིས་པ་ལགས་སོ། །བཅོམ་ལྡན་འདས་དེ་བཞིན་གཤེགས
78a6 པའི་གསུང་ནི་རྒྱུའི་སྒོ་ནས་དཔེ་མ་མཆིས་པ་ལགས་སོ། །བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་དེ་ལྟར་བཤད་པར་བྱ་བའི་རིགས་ཏེ་ལེགས་སོ། །དེ་བས་ན་ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཐར་པའི་རྒྱུ་དང་དཔེ་གཞན་ནི་ལྷ་དང་མི
78a7 དང་ལྷ་མ་ཡིན་དང་བཅས་པའི་འཇིག་རྟེན་ན་མེད་དེ། དཔེ་མེད་བཞིན་དུ་གདུལ་བར་བྱ་བའི་དབང་གིས་ཡོན་ཏན་འདི་འདྲའོ། །དེ་འདྲའོ་ཞེས་དཔེས་བསྟན་ཏོ། །ཐར་པའི་དཔེ་ནི་དེ་བཞིན་གཤེགས་པ་ཡིན་ཏེ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་གང་ཡིན་པ་དེ་ནི་ཐར་པའོ། །ཐར
iiif viewer powered by OpenSeadragon
