| e-texts navigator |
| Wylie |
72b1 མཚར་ཞེས་བྱ་བ་ནི་ཇི་ལྟར་མེའི་ནང་དུ་མེ་ཏོག་པད་མ་རྒྱས་པ་མཐོང་ན་དགའ་བ་སྐྱེད་པ་དེ་བཞིན་དུ་ཐར་པ་ཡོད་ན་དགའ་བ་སྐྱེ་བར་འགྱུར་རོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །རྨད་དུ་བྱུང་བ་རྨད་དུ་བྱུང་བ་ཞེས་བྱ་བ་ནི་ཇི་ལྟར་བྱིས་པའི་སོ་རྣམས་ཕྱིས་སྐྱེ་བ་དེ་བཞིན་དུ
72b2 ཐར་པ་ནི་དུས་ལ་བབ་པ་དང་། དུས་ལ་མ་བབ་པ་ལས་འགྱུར་བ་མེད་དོ། །ཡ་མཚན་ཞེས་བྱ་བ་ནི་ཇི་ལྟར་འདོད་ཆེན་པ་རྣམས་ཀྱིས་འདོད་ཆེན་པར་ལྟུང་བ་སངས་རྒྱས་སུ་འགྱུར་ཞེས་བྱ་བ་ནི་མི་སྲིད་དོ། །གང་གི་ཚེ་དམ་པའི་ཆོས་ལ་དད་པ་དང་ལྡན་པའམ་དགེ་བསྙེན་དུ་གྱུར་པ
72b3 དེའི་ཚེ་ཐར་པ་ཟད་པར་འགྱུར་རོ་ཞེས་བྱ་བ་ནི་མི་སྲིད་དེ། ཁམས་དེ་ནི་རང་བཞིན་གྱིས་རྨད་དུ་བྱུང་བའོ། །དེ་བས་ན་ཐར་པ་ནི་རྨད་དུ་བྱུང་བ་ཞེས་བྱའོ། །འདོད་ཆེན་པའི་ལྟར་དེ་བཞིན་གཤེགས་པ་ནི་ཟད་པ་མེད་དོ། །དགེ་བའི་རྩ་བའི་སེམས་ལ་དམིགས་པ་ལ་ནི་ཆོས
72b4 རྣམས་སྐྱེ་བ་མེད་དེ། སྐྱེ་བ་མེད་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དཔག་ཏུ་མེད་པ་དཔག་ཏུ་མེད་པ་ཞེས་བྱ་བ་ནི་ཇི་ལྟར་འབྲུའི་ཕུང་པོའམ་འབྲས་སཱ་ལུའི་ཕུང་པོ་གཞལ་དུ་ཡོད་པ་བཞིན་དུ་ཐར་པ་ནི་དེ་ལྟ་མ་ཡིན་ནོ། །དཔག་ཏུ་མེད་པ་ཞེས་བྱ་བ་ནི
72b5 ཇི་ལྟར་རྒྱ་མཚོའི་ཆུ་དཔག་ཏུ་མེད་པ་དེ་བཞིན་དུ་ཐར་པ་ཡང་དེ་དང་འདྲ་བར་དཔག་ཏུ་མེད་དོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཚད་མེད་པའི་ཆོས་ཅན་ཚད་མེད་པའི་ཆོས་ཅན་ཞེས་བྱ་བ་ནི་ཇི་ལྟར་སེམས་ཅན་གཅིག་གི་ལས་ཀྱི་རྣམ་པར་སྨིན་པ་ཚད་ཡོད་པའི་ཆོས
72b6 ཅན་ཡིན་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཚད་མེད་པའི་ཆོས་ཅན་ཞེས་བྱ་བ་ནི་ཇི་ལྟར་སེམས་ཅན་རྣམས་ཀྱི་འཁོར་བའི་མཐའ་ལས་ངེས་པར་འབྱུང་བ་ཚད་མེད་པ་བཞིན་དུ་ཐར་པ་ཡང་དེ་དང་འདྲའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མཆོག་དང་ཕུལ
72b7 དང་གཙོ་བོ་མཆོག་དང་ཕུལ་དང་གཙོ་བོ་ཞེས་བྱ་བ་ནི་གང་ལ་མཆོག་དང་ཕུལ་དང་གཙོ་བོར་གྱུར་པའི་ཐར་པ་གཞན་མེད་པ་སྟེ། ཇི་ལྟར་རྒྱ་མཚོ་ཆེན་པོ་ལ་དེ་དང་འདྲ་བའི་ཆུ་ཆེན་པོ་གཞན་མེད་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་རང་ཉིད་མཆོག་དང་ཕུལ་དང་གཙོ་བོ་ཡིན
iiif viewer powered by OpenSeadragon
