| e-texts navigator |
| Wylie |
71b1 ཅི་བྱར་ཡང་མེད་པའི་ཆོས་ཅན་ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི་ཇི་ལྟར་མི་དབུལ་པོས་རང་གི་ཁྱིམ་ན་གང་ན་ཡང་ནོར་མེད་དེ། བདག་གིས་སྐྱིན་པོ་བླང་ངོ་སྙམ་ནས་དེས་སེམས་ཁོངས་སུ་ཆུད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་བྱར་ཡང་མེད་པའི་ཆོས་ཅན་ཞེས་བྱ་བ་ནི་ཇི་ལྟར་ཁྱིམ
71b2 བདག་ནོར་བྱེ་བ་བདོག་པ་ཉི་མ་དང་ཟླ་བ་ལ་ཡང་རག་མ་ལུས་ཏེ། དེ་ལྟར་འབྱོར་པ་དང་ལྡན་པའི་ཁྱིམ་བདག་གིས་ནི་ཉི་མ་ལྷན་ནེར་འདུག་གོ་ཞེའམ། ཟླ་བ་ཤར་ཏོ་ཞེས་བྱ་བའི་སྒྲ་ཡང་མི་ཐོས་སོ། །དེ་ལྟར་མཆོག་ཏུ་སྐྱིད་པའི་ཁྱིམ་བདག་འཁོར་ལོས་སྒྱུར་བའི་རིགས་སུ་སྐྱེས་པ་དེ་ནི་ཕྱི་སྲིད་དུ་བྱ
71b3 བའི་ཕྱིར་གཞན་ལས་སྐྱིན་མ་ལེན་ཅེའམ། ཡང་ན་གཞན་གྱིས་འདི་ནི་ཕ་རོལ་ལས་སྐྱིན་མོ་ལེན་ཅིང་ཟའོ་ཞེས་བརྗོད་པ་མེད་དེ་དེ་ནི་མི་སྲིད་དོ། །དེ་བཞིན་དུ་ཐར་པ་ཡང་ཐར་པའི་གནས་གཞན་ལེན་ཏོ་ཞེས་བྱ་བ་དེ་ནི་མི་སྲིད་དོ། །དེ་བས་ན་ཅི་བྱར་ཡང་མེད་པའི་ཆོས་ཅན་ནི་ཐར་པའོ། །ཐར
71b4 པ་གང་ཡིན་པ་དེ་ནི་དེ་བཞིན་གཤེགས་པའོ། །གནོད་པ་མེད་པ་གནོད་པ་མེད་པ་ཞེས་བྱ་བ་ནི་ཇི་ལྟར་སོ་གའི་དུས་སུ་ཧ་ཅང་ཚ་ཆེས་པ་བསྟེན་པ་དང་། དབྱར་གྱི་དུས་སུ་ཧ་ཅང་མངར་ཆེས་པ་བསྟེན་པ་དང་། དགུན་གྱི་དུས་སུ་ཧ་ཅང་བསིལ་ཆེས་པ་བསྟེན་པས་བདག་ཉིད་གནོད་པ་རྣམས
71b5 ཀྱིས་ཉེས་པ་དེ་ལས་གནོད་པ་རྣམས་འབྱུང་བར་འགྱུར་བ་བཞིན་དུ་ཐར་པ་ནི་དེ་ལྟར་ནད་མང་པོས་གནོད་པར་འགྱུར་བ་མ་ཡིན་ནོ། །གཞན་ཡང་གནོད་པ་ཞེས་བྱ་བ་ནི་ཇི་ལྟར་ཤ་དང་ཉ་ཤ་ཟོས་པའི་འོག་ཏུ་འོ་མ་འཐུང་བ་ནི་འཆི་བར་འགྱུར་བ་བཞིན་དུ་ཐར་པ་ནི་གནོད་པའི་ཆོས་ཅན་མ་ཡིན་ནོ། །གནོད
71b6 པ་མེད་པ་ཞེས་བྱ་བ་ནི་ཇི་ལྟར་ཁ་ཟས་འཐུན་པར་ཟ་བས་རོ་ཞིམ་པ་ཡང་མྱོང་ལ་བདུད་རྩི་ཡང་ཟོས་པར་འགྱུར་བ་དེ་བཞིན་དུ་ཐར་པ་ནི་རང་བཞིན་གྱིས་བདུད་རྩི་ལྟ་བུ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གནོད་པ་མེད་པའི་ཆོས་ཅན་གནོད་པ་མེད་པའི་ཆོས་ཅན་ཞེས
71b7 བྱ་བ་ནི་ཇི་ལྟར་ང་རྒྱལ་གྱིས་ཁེངས་པའི་མི་ང་རྒྱལ་གྱིས་དྲེགས་ཤིང་མྱོས་ནས་ང་མི་འཆིའོ་སྙམ་སྟེ། སྦྲུལ་ལམ་སྟག་ལ་འཛིན་དུ་རྩོལ་བ་ལས། དེས་ཟིན་ནས་དུས་མ་ཡིན་པའི་འཆི་བས་འཆི་བར་འགྱུར་བ་དེ་བཞིན་དུ་ང་རྒྱལ་གྱིས་ཁེངས་པ་ནི་ཐར་པར་མི་འགྱུར་རོ། །གནོད་པ་མེད་པའི
iiif viewer powered by OpenSeadragon
