| e-texts navigator |
| Wylie |
50b1 ཆུང་ངུ་ཞེས་བྱ་བ་ནི་འདི་ན་ལ་ལ་ཞིག་གིས་དོན་གྱི་དམིགས་བྱུང་བ་གཅིག་ཅིག་བྱས་ལ། བསླབ་པའི་གཞི་དེ་དམ་པོར་མ་བྱས་པ་དེ་བཞིན་གཤེགས་པས་ལན་གསུམ་གྱི་བར་དུ་གཟིགས་ཀྱང་བསླབ་པའི་གཞི་གཞན་འཆའ་བར་མཛད་དེ་དེ་ནི་ཕྱིར་གསོ་བ་ཚང་པ་ཞེས་བྱ་སྟེ་རྔམས་ཆུང་ངུ
50b2 ཞེས་བྱའོ། །དེ་ཡང་ལྷག་མ་དང་བཅས་པའི་འདུལ་བ་ནི་བཙན་པར་བྱེད་དོ། །རུང་བ་མ་ཡིན་པའི་སྦྱིན་པའི་ཕན་ཡོན་གང་ལས་བྱུང་བའི་འདུལ་བ་དེ་ནི་བཙན་པར་མི་བྱེད་དོ། །འདུལ་བ་ལ་སློབ་པར་བྱེད་དོ། །ཚུལ་ཁྲིམས་འཆལ་པ་ནི་ཚུལ་ཁྲིམས་སྤངས་ལ་ཆོས་གོས
50b3 རྣམས་དང་བཅས་ཤིང་གཞི་ཆེན་པོ་ཡིན་ནོ། །དེ་ནི་དེའི་འདུལ་བ་ཡང་བཙན་པར་མི་བྱེད་ལ་གང་འདུལ་བ་ལ་སྣང་བ་དེ་ལ་དེ་མཆོག་ཏུ་ཆོག་ཤེས་པར་བྱེད་དོ། །སངས་རྒྱས་ཀྱི་གསུང་རབ་ལས་རྐྱེན་དུ་འཚམ་པ་སྟོན་པར་བྱེད་དོ། །དེ་ལས་བཏུས་པ་དེ་ལ་ཡང་འདུལ་བ་ཞེས་ང་ཟེར
50b4 ཏེ། དེ་ནི་འདུལ་བ་འཛིན་པ་ཡིན་ནོ། །ཡི་གེ་གཅིག་ཀྱང་ཤེས་ཏེ། གང་ཡི་གེ་གཅིག་ཤེས་པ་དེ་ལྟ་བུ་ནི་འཇིག་རྟེན་ན་འདུལ་བ་འཛིན་པ་ཡིན་ཏེ། འདི་ནི་མདོ་སྡེ་ལ་འདུལ་བ་འཛིན་པ་ཞེས་བྱའོ། །དེ་ལྟར་ན་དེ་བཞིན་གཤེགས་པའི་བསྟན་པ་ནི་དཔག་ཏུ་མེད་དོ། །དེ་བཞིན
50b5 གཤེགས་པ་ནི་བསམ་གྱིས་མི་ཁྱབ་བོ། །གསོལ་པ། བཅོམ་ལྡན་འདས་དེ་བཞིན་གཤེགས་པ་ལྟ་ལགས་ཀྱང་བསམ་གྱིས་མི་ཁྱབ་ལགས། རྟག་པ་དང་། བརྟན་པ་དང་། ཐེར་ཟུག་དང་ཞི་བ་ལགས་ཏེ་བསམ་གྱིས་མི་ཁྱབ་བོ། །ཞེས་གཞན་དག་ལ་ཡང་བསྟན་པར་འཚལ་ལོ། །
50b6 བཅོམ་ལྡན་འདས་ཀྱིས་བཀའ་སྩལ་པ། །འོད་སྲུང་ཆེན་པོ་དང་རུས་གཅིག་པ་ལེགས་སོ་ལེགས་སོ། །དེ་བཞིན་གཤེགས་པ་ནི་རྡོ་རྗེ་ལྟར་མི་ཤིགས་པའི་སྐུ་འཛིན་པ་ལ་ཞུགས་པ་ཡིན་ཏེ། དེ་ལྟར་ཡང་དག་པའི་ལྟ་བ་དང་། བསླབ་པ་ལ་གུས་པར་བྱའོ། །དེ་བཞིན་གཤེགས
50b7 པ་རྡོ་རྗེ་ལྟར་མི་ཤིགས་པའི་སྐུ་དང་ལྡན་པར་ཡང་དག་པར་ལྟ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི་ཇི་ལྟར་མེ་ལོང་གི་ངོས་ལ་རང་བཞིན་གྱིས་གཟུགས་བརྙན་སྣང་བ་དེ་བཞིན་དུ་དོན་དམ་པའི་སྐུ་གསལ་བར་མཐོང་ངོ་། །རྡོ་རྗེ་ལྟར་མི་ཤིགས་པའི་སྐུའི་ཕུང་པོ་ཞེས་བྱ་བའི་ལེའུ་སྟེ
iiif viewer powered by OpenSeadragon
